為何西鐵唔規劃為同時移入元朗工業邨及天水圍中部設站？

paul2357paul 發表於 2020-12-13 07:55
行多公里幾濕濕碎啦，西鐵既速度咁鬼快。
重點係元朗市既地位係咪重要到咁一定要兩個相近既站照顧，反而更 ...

首先
應該冇乜人提議拉上東頭工業區
所以應該唔算騎劫
如果政府從來冇諗過經豬黃嶺入天水圍
就唔係朗屏騎劫咗西鐵

第二
起西鐵之前
東頭工業區同橫洲原居民村都發展哂
經豬黃嶺嘅話就要大遷折
原居民村同非原居民村嘅賠償差好遠
收地成本更高

第三
就算可以經豬黃嶺都要穿過髻山
東頭工業區同橫洲係咪咁大發展潛力
要大規模收地同穿山咁勞師動眾都一定經先？
如果政府嘅方案係經朗屏都可以入到天水圍市中心
例如經蝦尾新村入去
咁你所謂嘅騎劫指控就不存在

第四
朗屏站係可以唔起
但要搞清楚係咪唔起朗屏站先入天水圍市中心先
如果唔係嘅話
朗屏站只係原定綫度額外加站
就等於車公廟站
但會唔會話車公廟站騎劫咗第一城直出東九龍呢？

paul2357paul 發表於 2020-12-13 07:55
行多公里幾濕濕碎啦，西鐵既速度咁鬼快。
重點係元朗市既地位係咪重要到咁一定要兩個相近既站照顧，反而更 ...

朗屏站可以服務的客量肯定多過工業村
而當天水圍都預咗啲客要轉車去各小區
咁起晌現時定你所指的其實無分別

再者，你都話鐵路速度快，咁按比例行多幾公里再加站，行車時間延長的比例就會多咗，吸引力就會減少
好簡單，東涌線開幕時冇南昌冇欣澳，車速仲快，加咗站後，明顯東涌市區係慢咗好多，不過叫做替代品唔爭氣，焗搭咁解。

同埋宜家無論你點講，港鐵都唔會改走線去滿足你要求，咁咪用接駁來滿全囉。

paul2357paul 發表於 2020-12-13 07:55
行多公里幾濕濕碎啦，西鐵既速度咁鬼快。
重點係元朗市既地位係咪重要到咁一定要兩個相近既站照顧，反而更 ...

明明朗屏果邊先係元朗市中心，而家個元朗站係為咗遷就輕鐵轉車吧，唔係有物業收益真心元朗站唔應該存在先啱

jpoon 發表於 2020-12-13 22:15
明明朗屏果邊先係元朗市中心，而家個元朗站係為咗遷就輕鐵轉車吧，唔係有物業收益真心元朗站唔應該存在先 ...

想引九鐵/港鐵有地皮發展又可以引鐵路發展深入元朗北及天水圍唔難，
豬黃嶺剷平佢引佢入去起西鐵站加上蓋物業，
天榮路天華路之間唔起天頌苑變左西鐵站加上蓋物業之類都得。
冇硬性規定一定要元朗市既站補港鐵物業。

cky 發表於 2020-12-13 21:16
朗屏站可以服務的客量肯定多過工業村
而當天水圍都預咗啲客要轉車去各小區
咁起晌現時定你所指的其實無分 ...

西鐵站擺係現時天頌苑果個位效果仲好，
到時天水圍北及天水圍中沿線(天湖路以南既先)大部分市民基本上都係直接步行搭西鐵，
繁忙時間一站打爆都仲得，
效果仲好過宜家個西鐵站擺左係天福路要靠多D轉西鐵變左義載既K76及輕鐵拉客，尢其是對著唔多有心機做K巴既港鐵公司。

呢點當時政府竟然完全諗唔到