九巴B10皇崗口岸效率極差

啱啱喺皇崗搭B10返九龍東，九巴B10一定係最多人搭果架，發現九巴職員安排係極差，車係有好多，但係完全消唔到條人龍，條人龍越排越長，去到口岸入面 ，而口岸入面都拉曬排隊線打蛇餅

首先，九巴安排兩架車一齊上車，加上有流動拍卡機由後門上車，理應可加快上車速度，但係事實上完成冇用，條人龍係去到差唔多上車位先入一分為二，搞到班客去到個交叉位就企喺度諗上第一架定係第二架好，塞住咗條龍

第二，企位指示不足，明明有一班人願意企位，但係因為唔夠指示，唯有焗住排隊

第三，九巴職員指示有待改善，明明上層仲有勁多位，班客已經唔上車，後面d客又傻又跟住排唔上車，雖然班客係on_ , 但係職員都可以出口話上層仲有好多位，最白痴嘅係d排企位嘅乘客上咗車之後，明明上層有位都唔夠膽上去坐，搞到上層有好多空位，下層又企滿咗乘客嘅奇怪現象

第四，大欖隧道一定係最多人落車嘅站，但係九巴應該費事煩，全部都開全程車，搞到浪費時間同油，班班車過咗大欖隧道之後就得返10幾個乘客仲喺車上

最後搞到雖然車次好多，但係我數過班班車都係上得60幾人，完全用唔晒一架巴士應有嘅載客量，搞到乘客同巴士公司都雙輸，乘客等車時間又耐咗，九巴應該都賺唔得幾多，因為又用得多車，又坐唔滿，又有轉乘優惠又收得平

我以改善嘅方法:
1. 喺排隊線嘅入口（即係口岸入面)，加設清楚嘅指示分開坐位及企位兩條隊，清楚指示乘客企位其實唔使點排，可以即刻上車，甚至企位條隊可以安排喺旅遊巴嗰邊嘅出口，因為一出轉右就已經係B10車頭上客位
2. 改善排隊線嘅安排，可以喺離開口岸出去巴士總站前已經分好兩條隊，一條上第一架，另一條就上第二架車，唔好俾啲客喺分叉位左諗右諗阻住晒
3. 可以安排返大欖短程車用作分流同埋加快回車，去大欖因為路程短，班客都較容易即班上，唔理有冇坐位
4. 安排多d大聲公or咪比現場職員，佢地叫得好辛苦
5. 甚至最誇張，可以好似港珠澳大橋咁職員喺排隊線前用計數機數人頭, 出咗去就要上車，唔上就要重新排過隊，更加用盡每一架車嘅載客量

下圖一係口岸入邊嘅排隊線，完全冇標明企位，都去到好似有個職員勁辛苦咁講有企位
圖二三四都係仲有好多座位 ，都冇人肯上車，九巴職員都直接放棄，直接關門開車

P.S. 其實今日醒目嘅就去咗排企位，根本企位上到車都有位坐

加插一點，B10密到大欖排曬隊等落客，同屯轉一樣曬晒啲時間

我尋日夜晚8點幾先搭完B10返青衣, 4-5分鐘一班但係都上到企晒人, 過完大欖依然差唔多坐滿喎

太早分兩條隊
有機會出現「排我後面揀另一架車嘅人早過我上車」

同埋如果突然間得一架車上客，就會截唔切另一架車條龍

其實大欖短程車要返轉頭都差唔多落到青衣先至返到轉頭
個心態係可能橫掂都落到青衣
不如做埋青衣...

kmb71k 發表於 2026-10-19 00:10
其實大欖短程車要返轉頭都差唔多落到青衣先至返到轉頭
個心態係可能橫掂都落到青衣
不如做埋青衣... ...

因為係L廠線唔少卡佬都係L廠，
所以如果要收工/交更/食飯/轉行其他線(唔少打杖車都係青衣/葵芳線)，點都要落埋去青衣/葵芳

係咪得B10有分企位座位？