班次令人咋舌的市區線

原帖由 petcity 於 1/10/2009 23:34 發表

亦唔見得換人一定解決所有問題
難道又有問題繼續換？

之前都講過，點會完全無問題，
只係有人當呢舊野係命根的話，
解決問題既阻力相對較細，
總好過而家一潭死水唔見出路。

況且，而家話要做乜，
唔代表同一個做法將來要照搬。
我諗件事又未至於咁簡單。

原帖由 kokchun 於 1/10/2009 23:36 發表

如果唔係九巴可以點做 ?

你話一獲炒晒佢地 得
但係可預見既後果就係比政客大肆炒作
作為一間大公司
個形象將會變成點 ?

有陣時唔係間公司想就得
背後仲有好多其他 "勢力" 係度煽風點火
與其要面對如此不明朗情 ...

That's why 只係局部換人而唔係全面咁做。
換左人 (譬如一間做開小巴既細公司)，
變細個局面，做呢 D 事被人炒作個空間就細得多。

[ 本帖最後由 238X 於 2009-10-1 23:39 編輯 ]

插嘴一講
1.前線員工D上頭根本理唔到咁遠
佢鐘意幾時開車既個站長又係同流合污既真係吹唔起佢
其實同祖國一樣
高層話要反貪
但係地方咪又係繼續貪
2.想換員工?
成批炒/換一定有問題
換個司機去第二到都冇用
唔跟鐘數開車既行為可能只會繼續
炒人既先有人話你不負社會責任
賺咁多錢都炒人
少少咁炒九巴又係煩
本身流失率已經高
再炒既真係唔夠人做
3.唔知點解九巴(新城都有,不過少好多)一有咩線差呢
就一定有人話俾新城(/九)做就會好好多...
都唔明點解一個水晶球既問題可以出到一個咁肯定既答案

爬完成個post想講既野...

原帖由 Snoopy@FB8617 於 2/10/2009 00:12 發表

唔知點解九巴(新城都有,不過少好多)一有咩線差呢
就一定有人話俾新城(/九)做就會好好多...
都唔明點解一個水晶球既問題可以出到一個咁肯定既答案

以前我也是因為這樣所以對換經營者很抗拒，
但現在我想通了兩件事：

一、
換人的目的是減少解決問題的阻力，
不是說做這件事就能夠解決問題。
現在九巴既然不能維持某些地方的合理服務，
而情況又如你們所言的一潭死水，
是不是要找一些其他的方法？

正如民主也不能解決問題，
只是減少因專制造成的禍害而已。

二、
將經營者局限於新、城 (以至嶼) 也是有問題的。
正所謂大有大做，小有小做，難道就不能找其他人來做嗎？

原帖由 238X 於 2009-10-2 00:24 發表


以前我也是因為這樣所以對換經營者很抗拒，
但現在我想通了兩件事：

一、
換人的目的是減少解決問題的阻力，
不是說做這件事就能夠解決問題。
現在九巴既然不能維持某些地方的合理服務，
而情況又如你們所言的一潭死水，
是 ...

大有大做小有小做既結果,專線小巴有辦睇
而小巴係咪度度都做到合理服務呢?
相信唔駛多講

原帖由 Snoopy@FB8617 於 2009-10-2 00:12 發表
插嘴一講
1.前線員工D上頭根本理唔到咁遠
佢鐘意幾時開車既個站長又係同流合污既真係吹唔起佢
其實同祖國一樣
高層話要反貪
但係地方咪又係繼續貪
2.想換員工?
成批炒/換一定有問題
換個司機去第二到都冇用
唔跟鐘數 ...

九巴之前都有試GPS
其實如果搞得成相信對監察司機準時開車都會好有用

搭咀講句...

唔知係我錯覺定點啦,
一直以黎可以做到群情洶湧既都係荔廠線...

其他廠既線真係甚少有呢個效果,
賴觀塘道塞車、燈位多、多人上落, 點都好,
多數有個理由去justify脫班既情況。
係唔太滿意, 但有排都未到罪該萬死既地步。
對上一條我諗到既係幾年前既27...

不熟車務運作, 純粹觀察所得而已。
只係見大家講到要收專營權既問題,
我係度諗, 呢個現象究竟係邊樣情況︰
係巧合, 定係荔廠獨有, 定係成間九巴都咁普遍？

原帖由 gn3509 於 2/10/2009 00:37 發表

大有大做小有小做既結果,專線小巴有辦睇
而小巴係咪度度都做到合理服務呢? 相信唔駛多講

無錯，營辦商好多，質素亦參差不齊，
若真係去到嗰一步，當然要做篩選啦。

[ 本帖最後由 238X 於 2009-10-2 01:43 編輯 ]

原帖由 3bx 於 2009-9-30 12:17 發表


其實各位知唔知拉31B邊個字軌去行40?   若個係拉一個正字軌都無乜問題，
因為上下繁仲有兩條熱蛇行，可以足夠補充少了一部車的時間。

而過了下繁時間後，31B的客量唔算太多，如果拉31B而相應cut其它線的order，
基本上影響 ...

當日果部應該係31B-35車
可以講對31B完全無影響...
因為果日同時取消左1個柯打留車自用

其實...十幾分一班既線好少會有30分以上既大氹走左出黎...
好明顯個站長功力唔夠啦...明知D車日日咁唔穩定仲死跟師傅表做...
攪到D車番哂黎又開唔到, 醒目既俾一架去對站食飯就有架車開啦...

班次疏同收車一D關係都無...
人地12A 9架收剩6架都唔會拉左個大氹出黎啦

其實管理一大個團隊，談何容易.....
管得唔好，係咪應該0係management著手，
之後先再傾搵人接手會好點?