旺角東站壞車現場

原帖由 NWFB2075 於 2010-4-27 08:26 發表
雖然又係要鬧mlr咁容易壞
但真係想讚下東鐵班調度真係好勁，唔會由得全部車棟係度唔郁

東鐵好在每個站前後都有波口，如果係地鐵線路，甚至係「親屬」馬鐵，都無可能做到呢種調度。
又偏偏東鐵是幾條重鐵之中，最少替代交通的，即使廿年前出故障都已經好大鑊，今時今日更加唔使講，
如果佢好似其他線咁一出事就「線癱」，我諗成個沙田多得佢唔少，或者而家沙中線已經起緊甚至完工。

另外，東鐵月台長責任重大，又多見世面，聽得出佢地講野把聲好firm，唔似地鐵班人鬼食泥咁。

東鐵都算佢好彩，近來幾次故障都發生在可以「走棧」的車站，如沙田、旺角，
有多個月台可以用，乘客不致混埋一堆，調度又比較容易，
如果發生在僅得兩線的區段，例如大圍以南至隧道一段，甚至禍不單行踩波口，都一樣係一鑊熟。

另問，南行列車使用北行路軌期間，係行ATO定係人手？

[ 本帖最後由 DIH 於 2010-4-27 09:46 編輯 ]

原帖由 DIH 於 2010-4-27 09:32 發表
又偏偏東鐵是幾條重鐵之中，最少替代交通的，即使廿年前出故障都已經好大鑊，今時今日更加唔使講，

昨日打算同朋友由紅磡坐港鐵入沙田
1850入左閘都唔知有事
就坐電梯前就聽到PA話有車故障, 於是望落月台,
就見有兩抽車泊響度 (上面企滿人)
月台又企滿人
之後即刻問票務處職員, 問佢會阻幾耐
佢話唔知, 我地就退左票..., 經特別通道出閘, 落紅磡坐85C入沙田
(當時已經有幾個人退左票)

紅磡去沙田都還有81C,85C,87D
再北的大埔同北區就真的無直線車
一出事就好難搞

原帖由 jr9475cys 於 2010-4-27 01:11 發表

倒頭返九龍塘時列車原本係咪北上落馬洲果班停2號台?1分鐘後有往羅湖的列車駛進九龍塘1號台?

我只能夠答你倒頭返九龍塘時列車停返2號月台, 而2號月台顯示我坐果架千九往紅磡, 亦有顯示下一班往紅磡列車一分鐘後到達
期間我坐果架千九之後的南行列車係停1號月台扒頭去紅磡

唔熟路軌的轉線, 想問吓係咪只係隧道至旺角東站要單軌雙程,
旺角站以南可以雙軌雙程? 即係南行列車離開旺角東站的同時,
北行列車可唔可以同時進入旺角東站?

另外, 如果後車無踩到個轉線位, 九龍塘至旺角東站一段可唔可
以全程雙軌雙程, 定係入旺角東站有一小段要單軌雙程?

[ 本帖最後由 pch_yeung 於 2010-4-27 11:38 編輯 ]

原帖由 pch_yeung 於 2010-4-27 11:33 發表
唔熟路軌的轉線, 想問吓係咪只係隧道至旺角東站要單軌雙程,
旺角站以南可以雙軌雙程? 即係南行列車離開旺角東站的同時,
北行列車可唔可以同時進入旺角東站?

另外, 如果後車無踩到個轉線位, 九龍塘至旺角東站一段可 ...

兩個情況下，都唔可以完全雙軌雙程，始終旺角東站1號月台係「附屬」北行線，
你可以睇成，成個站，北行1及2號月台係一組，南行3號月台係一組，
假設你由站內出發，向南或向北行，都係1號月台條軌先匯合2號月台條軌，之後才有南北行之間的渡線。

中原地圖可以睇到旺角東站以南的情況（放大到1），但站北被上蓋遮住，睇唔到。
而且都唔係處處準的，九龍塘站以北的渡線完全無影，但係地底的落馬洲支線就好詳細。

原帖由 DIH 於 2010-4-27 09:32 發表

東鐵好在每個站前後都有波口，如果係地鐵線路，甚至係「親屬」馬鐵，都無可能做到呢種調度。
又偏偏東鐵是幾條重鐵之中，最少替代交通的，即使廿年前出故障都已經好大鑊，今時今日更加唔使講，
如果佢好似其他線咁一出事就「線癱 ...

東鐵線除了紅磡至旺角東可以做到逆線行ATO外, 其他地方都不可以

所以發生事故時, 無論列車在中途要折返上一站, 或是由車站的逆線上

出發, 都必定是司機以ATP駕駛的, 在月台的頭端需有黃格示意司機正確

的停車位置, 但基本上司機不會有多少機會進入逆線月台, 所以停車位置

或多或少都不可能好準確, 會overrun或stopshort.

但逆線用ATO都有一定限制, 由旺角東開出往紅磡, 只可以由P3出發,

前往紅磡P1, P3或P4都可以, 中途由南行線轉去北行線, 再轉入南行線

都無問題. 如果在旺角東P2或P1出發, ATO不會有反應. 由紅磡往旺角東,

可以由P1, P3或P4出發, 使用下行線直至進入旺角東站前的300米左右,

列車必須返回北行線, 並只可以進入P1或P2, 可否進入P3, 我不肯定,

但如果經由北行線以ATO行車, 進入旺角東P3, 就一定不可以.

另外, 聽聞落馬洲至上水都做到逆線行ATO, 但始終沒機會遇過, 到現在

我都不清楚.

今次算好彩, 係旺角東站壞車而紅磡貨場未拆,
仲有大量柴頭/西門子機頭泊晒係紅磡貨場,
要揾車拖抽東鐵壞車去紅磡貨場暫避完全無問題
(唔知將來紅磡貨場拆左之後, 仲有無柴頭會係果一帶停泊呢)

本人搭果班MLR又係進入九龍塘站&旺角東站北行月台落客,
應該係樓主拍攝的片段中其中一班車,
本人乘搭的列車先係大圍停左超過5分鐘,
之後開往九龍塘站途中, 係畢架山隧道內急停,
再慢慢進入九龍塘站北行月台, 再進入旺角東站2號北行月台,
之後快要到達紅磡站時先經波口位進入4號月台,
進入紅磡站之後, 一段時間內已經再無南行列車經北行路軌直闖紅磡站
因為紅磡站1號月台有抽千九要開出, 霸佔雙程行車的北行路軌

紅磡站1號月台列車開出後, 仍有大量乘客未能上車
(西鐵少左批東鐵轉乘客, 車廂內鬆動好多)


本人乘搭的列車泊入4號月台, 落車後不足1分鐘,
全車已爆滿(相信九龍塘站大批乘客有排都未上到車了)


已無法正常顯示的LCD顯示屏
(之後LCD顯示屏一度將所有藍字收埋,
之後只顯示第一行落馬洲 本月台就算)


[ 本帖最後由 ES464470X 於 2010-4-27 12:48 編輯 ]

版大拍到的相片，都已經不是最多人的時候了。

18:20-18:30 左右，我在紅磡站 3 台月台上西鐵綫列車，背後已經堆滿了在 4 號月台等後東鐵線的乘客。我上了的那班西鐵綫列車關門的時候，更因為太多人擠滿在月台上等東鐵線，人多得有好些人都站出了 3 號月台的黃線以外，導致那班列車要重複開關車門三次，最後才能夠離開三號月台。

紅磡站的島式月台實在太細小了！

PS: 當時再沒有乘客從東鐵綫轉乘西鐵綫，結果在紅磡站開出的時候仍有些空座位啊~

OT愚問:
請問109/E9拖的另一邊1xx車頭是E幾?

謝回答