(改圖)其實我幾想佢行金鐘-上環穿梭巴,可惜MTR租城巴非專.

其實星期日大埔淨番條K12要服務，可否派番D(港鐵+九巴)去做番上環-金鐘線？？
(始終見到MTR既顏色會順眼D..make sense D..)

九巴就唔洗啦
最多大西北呢邊抽兩至三架車過去,大埔抽15架過去
加埋都成17~18架,夠哂有餘

原帖由 HY1677 於 2011-8-7 10:32 AM 發表
九巴就唔洗啦
最多大西北呢邊抽兩至三架車過去,大埔抽15架過去
加埋都成17~18架,夠哂有餘

最少2個完整運作天﹐加2個短短的服務時間(星期五晚及星期一早上standby)﹐只有1天是有機會夠車行﹐即是一定要租車﹐點解仲要煩為一天(星期日)而去調動車輛?


唔好以為派幾部車過海是一件簡單的事﹐要有好多考慮及安排的。

上環站鐵路運作時間係早上6:05到翌日00:56﹐即是這批車最遲要5:00 由新界出車﹐預早去到上環/金鐘standby 開工﹐晚上行完要02:00才可回到新界車廠檢查休息。

這一個服務時間﹐便最少安排2批司機﹐甚至要3批司機。平時假日都不用這個數量的司機﹐這便要安排司機調假補假加班。
之後﹐中段時間又要安排司機由新界到香港接更﹐又要同相關司機商議時間﹐工作時間是以新界出發開始計算定係實際接手開車時間。
這要煩人手調動安排問題。

另外﹐車要行成18小時以上﹐相信也要安排補油﹐以一間唔熟香港島路面的公司﹐又要煩這一個問題。唔係每一間油站都可以入到雙層巴士的﹐會撞車頂的。

最後﹐如果真係在香港島壞車﹐又要安排人去拖車﹐又要check他們的承包商會不會過海幫你服務﹐又要要作準備。


與其都要租車﹐而租車成本是由西港島線支出﹐點解仲要煩到新界負責巴士的員工?

還有, 如果萬一工程有所延誤, 接駁巴士就必須繼續行走,
若果是港鐵安排巴士行走, 便會影響到本身的接駁巴士的調動,
及服務, 所以經權衡利弊, 都是租車較佳。

如果係租新巴, 電牌出個 MTR logo 就行得.
可惜今次係租城巴非專利