690巴士在晚上11時滿載過海

原帖由 053h4 於 2013-8-25 23:10 發表
其實港鐵都12.8,同692或者再重組下，睇下有無生機
例如開兩味，唔經北角呢d港鐵明顯更平的地區

過多大半年，三間巴士都大把車剩
開將荃，先加十幾個quota,對時cut番咪得lor

諗深一層，港鐵加價係咁任佢搶，他日硬食就唔好後悔 ...

港鐵雖然 $12.8，
但港鐵在尚德同坑口北都有 $2 機，再加埋回程九折，實際除開都係收 $11.16 一程，就算年年大幅加價（已無乜可能），都起碼要 4 年以上先會追過 692，
根本無得爭，要搭巴士都搭左，如果巴士只平幾毫，港鐵單係班次、時間同穩定性都仍然值得俾貴o的。

繁忙時間港鐵擠逼時段將軍澳隧道係非常塞車，
出到隧道港鐵已經過左海，東廊仲要塞，巴士打條毛。

原帖由 053h4 於 2013-8-26 00:39 發表


港鐵加價點會無可能，個可加可減機際重係度，只係多左限制咁解，但最終都係加咁多
另外，九折做到下年三月咁大把，就算下年有，咪又係推遲加價一年，遲下咪又收番

而最後，巴士就唔係只係計車速，重要計舒適性綜合計
銅鑼灣計有一定 ...

正正係因為多左限制，港鐵要大刀闊斧加價已經好難，就算無左第二程九折，$2 機都會繼續令港鐵平均車費維持 $11.8，
要 3 年內車費追過 692，平均每次都仲要加 $0.6，在現有條款下並不容易，而且每次加價港鐵基本上都會推車費優惠，
結果又拉返闊同巴士既車費差距。
更甚者，所有野係假定 692 唔會加價先會發生，但如果 3 年都要維持同樣車費，等於要凍結聯營過海線車費 8 年，根本無乜可能發生，
692 下次一加價已經肯定跳上 $14 或以上，港鐵根本極難追得過。

我同意舒適度都係考慮，不過事實係將軍澳線遠比港島線同荃灣線少客，
至少 2013 年非繁忙時間，基本上調景嶺上車車頭車尾仍然一定有位坐過海，之後都係企幾個站，
692 又無可能變成 112 級車海，根本無得同人比。

但 112 都仲算係五星級逼爆線，證明班客根本就唔係為舒服而搭巴士，係純粹唔想搭鐵路而搭，
放返 692 個 case，純粹為搭巴士而搭巴士，今日都搭晒，加對翼俾 692 都好，已經在港鐵站既人都係唔會回心轉意的，692 沿線亦唔會再有新人口，算吧啦。

以為咩咁巴閉, 企下層拍條片影到幾個人企就叫頂閘, 有理由相信企車頭果兩條麻甩佬係東隧收費廣場上車,
跟住響藍田站落車o既連同樓主(呀唔係, 係片主), 好多人囉(又係6個) , 落車後影番轉頭, 車內企緊9個(有冇數錯?),
部份人係有位唔坐, 仲要唔知上層有幾多位剩, 不過我點反駁都冇用, 因為條片係星期五晚拍, 有心拍點解唔早
十分鐘拍692? 應該搵部ATSE黎拍, 咁至拍得出頂閘實況喎! 再認真d, 應該落埋藍田站月台拍油麻地方向列車,
咁先證明到藍田將會發生大災難嘛! 依家, 災難就冇喇, 笑料就大把!

基本上lrt***生存係香港就已經係香港既最大災難

[ 本帖最後由 BlackBird 於 2013-8-26 22:33 編輯 ]

原帖由 053h4 於 2013-8-26 10:41 發表


你要九折比, 根本就無太大意義
好似307咁, 貴港鐵成條街, 重有大把單程客, 呢D九折都唔坐啦
最緊要係有無針對有市場的地方以最少資源提供服務

另外, 好坦白講句, 家庭入息中位數, 因最低工資上升而會持續一定的增 ...

我唔用九折比，用長期有既 $2 車費優惠比已夠照，
優惠係存在就存在，點解無意義？

上繁 692P 加埋尚德客量先得 29%，證明個座位吸引力有幾大，
乘客根本用腳表晒態。
當然繁時開我都不反對，不過早兩班去晚兩班返已經係極限，好多得一兩班既繁時線都比 692 繁忙時間載客率高，但一樣無得加班，
如果資源可以有更好運用，根本不應死守車程不可能同港鐵有明顯對比而且客量不會有起色的路線。

原帖由 BlackBird 於 2013-8-26 20:52 發表
基本上lrt***生存係香港就已經係香港既最大災難

睇見佢攬站牌張相真係好難頂