為何在2003年屯門輕鐵重組plan唔做!??

其實呢個PLAN幾好,爭在唔保留614/615

九鐵想法︰
我起左西鐵後，都預左部分來往天水圍/元朗及屯門的乘客要轉車，既然有咁多人要轉車，唔爭在屯門區內/天水圍區內只搭輕鐵的朋友。而且我係鼓勵人搭西鐵，輕鐵只是輔助性質。
我寧願將輕鐵既繁忙班次加密至4-8分鐘一班，都好過有人在車站等10分鐘一班，然後發現冇位坐。

而西鐵通車前/天水圍支線通車前，如果真係唔夠服務，就利用巴士代替。
「臨時巴士路線」K2P,K75P,K76,A73,K70,K71等出哂黎！仲有開學既S1,S2，輕鐵拎去翻新時既T1,T2呢？

原本又話614,615臨時拆做614P,615P等你地適應去兆康轉西鐵，最後……？

個人立場︰
輕鐵亦因此永遠加不到班，相反，宜家天水圍O個群路線又變全拖卡，又加班，屯門？依舊如此…(天水圍原本都係預有701天水圍南循環線，751天逸至友愛,761天榮至元朗, 俾盡佢多一條天水圍北循環線，宜家？)
我始終一向都係愛搭巴士多於輕鐵………有時更感K2P及A73來往屯門及天水圍的重要性，可惜，個個人都只識迫落輕鐵度。

[ 本帖最後由 lsc04d11 於 2013-12-26 09:15 編輯 ]

總之唔知邊個支持興建輕鐵,而且無議員反對!
搞到屯元交通不倫不類!

原帖由 Sita1004-1017 於 2013-12-24 13:55 發表
615有咩直接代替品???

614有大把(53,紅小)
而且cut615只可以加610及614P615P各4車(614P+615P=1條線),青公客得不償失

615都唔經青公，關果邊客咩事？

615有路線相近既610，又有615P，已足夠服務～

現時屯門區黎講
碼頭至山景有三條重疊既線已經夠哂浪費啦
當望著505去三聖連攝都攝唔入
碼頭車一架吉過一架
您都想炸左條鐵佢啦

就現時黎講
Cut左614/615 （或者轉佢地做巴士線）
開當時建議既651 cover返青公段都得啦
其實大改就唔使喇
優化就要囉

平日返工日子乘客較為喜歡較頻密的班次，樂於轉車；而在假日乘客則較為不介意較疏落的班次，但較不想多重轉車。為滿足平日與假日兩套乘車模式，可以考慮提供不同性質的服務，例子如下：

平日方面：

方案一
1. 614及615取消，614P及615P加密一倍班次（約節省5個車卡）
2. 復辦506輕鐵（使用約5個車卡）
3. 開辦來往屯門市中心/良田及元朗市中心的「特快巴士」（類似以前的K1X，但設立西鐵轉乘；使用原有506巴士的資源）

好處：有效運用輕鐵疏導大量短途乘客的能力，以及巴士行走公路以節省時間的可能性
壞處：藍地至洪水橋一帶的輕鐵服務減少

方案二
1. 614P及615取消，614及615P加密一倍班次（合計車卡不變）
2. K53改為掃管笏開出，經悅湖、美樂、龍門、青雲往屯門站，同時改為全日服務

好處：原有輕鐵614及615服務範圍的班次可獲穩定；屯門碼頭來往黃金海岸服務加強；K53可以疏導506的西鐵轉乘客
壞處：良田區失去來往元朗的服務，對該區不公平（註：受到兆康站軌道限制，614P不能單獨行駛）

假日方面，若選擇與平日不同行車方式，可以建議：

1. 614及615全日服務，614P及615P在假日停駛，以方便假日屯門來往元朗（現時614P+614/615P+615各有11班14卡，已比610的10班12卡為多）
2. 705及706各減一班至4班，調往761P（增至12班）並延長至天榮，以方便元朗來往濕地公園（705/706約減至6分鐘一班，761P維持約5分鐘一班）

好處：屯門來往元朗、元朗來往天水圍北的服務加強，滿足居民在假日對內文娛的需求
壞處：嘉湖銀座、景峰、良田、龍門、兆禧一帶服務略為減少