荃灣綫尖沙咀站訊號故障

from MTR service update FB page

0720 荃灣綫尖沙咀站訊號故障，服務嚴重受阻，可考慮其他交通工具
荃灣綫、東西鐵綫的過海乘客，可於尖沙咀／尖東站L6出口，接駁天星小輪以繼續行程到中環、灣仔
由車站步行至碼頭，只需約10分鐘，比起等候港鐵更為省時；荃灣綫 + 東涌綫現時經已非常擠逼

電

視

新

聞話行車延長5分鐘

已於 29/7 0818 後陸續回復正常.
Source: MTR App.

原來今早開出頭班車之前已經出現故障﹐唔怪得7點幾個apps 識得嚮啦。

http://www.881903.com/Page/ZH-TW/newsdetail.aspx?ItemId=736166&csid=261_341

節錄:

港鐵表示，今早頭班車開出前已發現故障，原因是訊號系統組件出現問題，更換後服務已於八時許陸續回復正常。

不嬲我平時都好撐港鐵，有時有D意外唔係自己造成，有時D安排亦未必可即時做到(例如接駁巴士)，但今次親身體驗真係幫唔落……

6點35屯門上西鐵綫，睡覺。至南昌站發現0642有通知，話荃灣綫延誤，全無詳細內容。
去到尖東落車，諗住聽下月台有冇廣播講，可進行後備方案，紅磡才轉車。點知落車前咩都冇，出閘前都專登等一等，都係冇廣播。

出左閘，由尖東沿途行去尖沙咀站，全無廣播。
去到尖沙咀站，入閘前望一望個顯示屏，因為一路行一路睇，只睇過「尖沙咀至金鐘」。我心諗，咁死喇！O係尖沙咀站都完全無尖沙咀站延誤既廣播？

落到月台，往中環方向月台停左一部應該停左站一、兩分鐘既列車(因為我未入閘前已有大批乘客出閘)，入到車廂都係一段極平常既DELAY廣播，真係冇APP就完全唔知係有「比較大小小既延誤」……去到金鐘站等港島綫車先聽到有關廣播……都真係俗語所講既「過左海就係神仙」


簡簡單單講下尖沙咀至金鐘段，都要咁耐先聽到有關消息……唉……(我已經唔理佢講DELAY幾多分鐘喇，數字都唔準嫁啦！)

我係東鐵線果邊
沿途都係無廣播, 反而新聞直線藍色字幕有齊輕鐵同荃灣線延誤消息

我都係去中環, 平時用尖東-尖沙咀轉乘, 今日特登改用九龍塘, 太子轉車(落一層樓), 因為明知旺角, 尖沙咀上唔到車
而呢個決定亦都非常正確, 我就係太子上到第一班車,
去到旺角成個月台都係人清唔走, 每度門淨係上到3-4個人..
尖沙咀情況都係一樣, 成個台都係人清唔走,
而果陣其實已經係8:40, MTR apps 出8:18分正常, 跟本就呃人..

好心港鐵明知自己清唔走d 客就叫d 人搭其他交通工具啦

[ 本帖最後由 JF1261 於 2014-7-29 20:31 編輯 ]

原帖由 JF1261 於 2014-7-29 20:30 發表
我係東鐵線果邊
沿途都係無廣播, 反而新聞直線藍色字幕有齊輕鐵同荃灣線延誤消息

我都係去中環, 平時用尖東-尖沙咀轉乘, 今日特登改用九龍塘, 太子轉車(落一層樓), 因為明知旺角, 尖沙咀上唔到車
而呢個決定亦 ...

我今朝直情放棄搭地鐵, 係尖東站出閘後一路直去天星碼頭過海去中環算,
費事荃灣綫塞車塞人, 每個站晒多1-2分鐘, 倒不如舒服D搭船好過,
我07:35出門, 搭左07:50粉嶺站開出的東鐵,
去到尖沙咀天星碼頭再轉08:45開出的小輪, 08:55去到中環天星碼頭
若果係尖沙咀站轉荃灣綫, 肯定要迫6-8班車先上到

你而家才話MTR的安排唔好﹐真係太遲了。

淨係上星期三﹐觀塘線早上最繁忙的時間過後 (其實可以講繁忙時間的尾聲)﹐出現訊號故障﹐個APPS 都可以被滅聲。

有傳謀得知再查詢﹐MTR才承認有延誤。


如果今早事故唔係肯定繁忙時間都修復唔到﹐睇死個APPS都唔會識得出聲。
在MTR SERVICE UPDATE FACEBOOK 話﹐上面評估為非大型影響﹐所以只在相關路線講有故障﹐真係唔明上面班友的思維係點﹐當正無乘客都要轉車才可完成車程﹐真係無話好說。


睇怕個官方APPS 只會在繁忙時間出事 或 個別線完全停止服務的情況下﹐才會識得嚮。非繁忙時間有故障﹐信這個APPS﹐真係自求多福。