龍門路近青山發電廠一段係唔係做過擴闊工程

近發電廠一邊感覺上係舊路，山邊就係新路。

我睇Streetview歷史圖大約09年見到龍門路近龍輝街交界類似有工程欄杆放置，所以想問係唔係做過擴闊工程，然後點解唔開放比車輛使用？

沿住龍門路向東行，會見到有條小冷水路，係龍門路舊段殘留，以下網址表示龍門路曾於1996年進行改善工程：
https://hkroad.fandom.com/wiki/% ... 7%E6%B0%B4%E8%B7%AF

內文註釋[2]連結的立法會文件圖則比較粗疏，似乎顯示樓主所講的一段荒廢路面係新建。（照抄連結被當成表情符號，請自己入去睇）

龍門路近龍耀街，由雙向分隔車道匯合成不分隔車道，取山側而非海側，可見山側係舊路。我估計係規劃時對交通需求過分樂觀，但施工期間／完工後認為龍耀街以西車流較少，不需使用擴闊路面。

DIH 發表於 2025-10-15 10:00
沿住龍門路向東行，會見到有條小冷水路，係龍門路舊段殘留，以下網址表示龍門路曾於1996年進行改善工程：
h ...

樓主應該講這個位﹐反方向行駛就係這個位置開始。

我只係記得兒時(最少30年前)﹐坐車經過此處﹐已經係好奇怪﹐明明條路係好闊﹐但係有一半係圍封。
但我唔記得係封近山的一邊﹐定係近電廠的一邊。

純推測係當年起路時﹐已經預計這段路有機會做3-4線行車。
但唔做預留﹐日後就好難做擴建﹐所以一開始就做3-4線行車線的闊度﹐再封多餘的路面減少維修成本。
待日後真係需要時﹐才開放成為3-4線行車路。



至於你講的小冷水路(前龍門路)﹐應該就係我上面第2條link的反向位置﹐就係新舊路交接的位置。
可以看這條影片﹐會更易明白這段路的過去。

好多年前工作關係，經常出入龍鼓灘，
都奇怪過點解路旁有一條已平整嘅空地，但係唔開俾人車行嘅呢？
初時諗過係咪同高壓電纜有關，不過自知視覺嘅誤差可以好大，
亦好難想象有咁嘅低級錯誤得黎又無乜文獻/紀錄。

先睇睇線索一：龍門路呢個位路政署構築物編號N464
https://maps.app.goo.gl/85gto9wMcarX9j1cA?g_st=ac
落成日期應該係介乎屯門公路跨青山公路(N380)
及皇珠路跨屯門河之間(N482)

線索二：
睇呢個網站嘅舊地圖及航空照片，
https://www.hkmaps.hk/viewer.html
最早追溯1982年拍攝嘅航空照片，呢段龍門路始成型。
但係要去到1986年嘅地圖，先至有呢段龍門路。
而該年嘅地圖已經清楚顯示，介乎龍耀街至龍發街一段龍門路，
靠發電廠一邊嘅空地已經成型。

未有呢段龍門路之前，出入龍鼓灘要靠山上小徑。
今日嘅小冷水路，據1978年嘅地圖仍然顯示為施工中。
介乎德望至鄭植之一段清水灣道，都係相若年代才擴闊到四線分隔車路。

好難理解到呢段80年代先至興建嘅路會“超前步署”咁多，
一起就起夠四線，仲要特登起條天橋出嚟。
留意到呢塊空地嘅消防龍頭似乎比一般道路地多，
我估係同發電廠嘅消防攸關

s3n370 發表於 2025-10-15 17:39
好多年前工作關係，經常出入龍鼓灘，
都奇怪過點解路旁有一條已平整嘅空地，但係唔開俾人車行嘅呢？
初時諗 ...

我都有諗過海側一邊會唔會唔夠淨空，所以最終要放棄

btw，你果條link點樣睇到航空圖？我只搵到地圖

rickywk 發表於 2025-10-15 12:14
我都有諗過海側一邊會唔會唔夠淨空，所以最終要放棄

btw，你果條link點樣睇到航空圖？我只搵到地圖

Reference map入面有部分係航空圖。

不過唔好信哂description，逐個撳入去試先至知。

kei_hk 發表於 2025-10-15 10:59
純推測係當年起路時﹐已經預計這段路有機會做3-4線行車。
但唔做預留﹐日後就好難做擴建﹐所以一開始就做3-4線行車線的闊度﹐再封多餘的路面減少維修成本。
待日後真係需要時﹐才開放成為3-4線行車路。

大約電纜下方有咁樣嘅告示牌
並非近年拍攝
個人推測係建造/維修電塔用地
現時使用權 屬中電還是政府未知
四、五十年前嘅規劃 已難查證
時至今日有堆填區與曾咀骨灰龕
車輛通行需求仍唔算高
近日重提龍鼓灘填海計劃
是否足以(或從來無預計)開放封閉區?

s3n370 發表於 2025-10-15 17:39
好多年前工作關係，經常出入龍鼓灘，
都奇怪過點解路旁有一條已平整嘅空地，但係唔開俾人車行嘅呢？
初時諗 ...

好難理解到呢段80年代先至興建嘅路會“超前步署”咁多，
一起就起夠四線，仲要特登起條天橋出嚟。
留意到呢塊空地嘅消防龍頭似乎比一般道路地多，
我估係同發電廠嘅消防攸關

預留道路擴闊的推斷﹐都係同發電廠有關係。

由於這一段路是開山而成﹐山下面就係發電廠。
假如當初唔係已經做好4線﹐就要再重新開山劈石去做擴闊。
可能會對下面發電廠做成危險。
基於發電站係重要基建設施﹐要將風險減到最低﹐所以就預早做成4線的闊度。


至於當年會唔會做這些超前部署﹐相信要搵番七十年代的地區發展大綱才有得研究。

青山發電廠﹐1978年開始動工﹐82年開始分批啟用。
相信這一段龍門路都係同期興建。

繼續深入龍門路﹐會有新界西堆填區﹐1991年尾招標興建。
這樣﹐就要知道政府幾時開始有意在入面繼續發展(包括堆填區 或 其他工業等等)
會唔會在起發電廠時﹐已經有計劃在入面大興土木 ?

假如﹐當初起龍門路的時間﹐已經計劃有堆填區﹐又係打算全部用車運垃圾﹐4線行車實在有需要。
當然﹐最後主力係用船運垃圾入去堆填區﹐令到交通需求大減。

kitarolo 發表於 2025-10-15 20:54
大約電纜下方有咁樣嘅告示牌
並非近年拍攝
個人推測係建造/維修電塔用地

現時堆填區的交通需求細﹐只不過因為大部份垃圾都係經水路運入去。

假如唔係有此安排﹐交通需求就唔會咁細。

kei_hk 發表於 2025-10-15 14:31
預留道路擴闊的推斷﹐都係同發電廠有關係。

由於這一段路是開山而成﹐山下面就係發電廠。

新界東北堆填區+沙頭角嘅規模大過新界西堆填區+龍鼓灘。
前者長期以來都係得雙線嘅沙頭角公路，
邏輯上解釋唔到點解龍門路要咁超前步署到咁。

至於危險，乜都唔知乜都唔理亂咁黎就乜都危險架啦。
青山發電廠自A廠投產之時，B廠仲起緊。
之後入面大型擴建改建項目無十單都有八九單。
黎緊A廠打算重建，又試响廠內大興土木，
連出面擴建車路都“怕危險”的話，你係咪應該入去煞停單重建工程呢？
就算乜都唔做，山上面嘅石碌落黎你應該聽過唔少係咪？

做開嘅會識得化解入面嘅危險