短片及研究 - 扶手電梯行•定•企？

啱啱睇到youtube有條片，用運輸角度扶手電梯並有引述相關研究：
https://youtu.be/as8s6QQcjp0?si=OqLBoJKkkyd0cqcS
要點：
- 唔同地方嘅習慣；
- 倫敦運輸局做過研究，指假若行每三級有一個人，站立每兩級一個人，行嘅一邊較有效率；
- 不過行嘅一邊取決於幾多人肯行，同埋係咪做到每三級一人；
- 倫敦嘅研究顯示，當上行扶手電梯逾18.43米高，搭客會較傾向企响度；
- 香港，倫敦及多倫多試過不同方式叫乘客兩邊企，成效欠佳；
- 而研究最後指，兩邊站立只在有限情況下有效，亦難以實行。

相關研究入面唔止更少：
https://www.researchgate.net/publication/46437042_Estimating_of_Capacity_of_Escalators_in_London_Underground

暫時睇到嘅有：
- 扶手電梯大堂、下行扶手電梯、通勤通學及其他搭客嘅研究
- 雖然個別情況下兩邊企更有效率，但對趕時間、時間寶貴嘅乘客而言，更重視有一邊可以行走。

呢條題以前做都比人問唔同人對時間定義唔同

結論完整性唔夠

不過當年PROMO過左行右企某程度係死因
依家D人都幾跟呢條RULE
如果齋企都唔多人企左邊

香港企人唔會隔一級，每兩級一個人。

this report also highlights the
fact that non-commuters lead to lower capacities than commuters, by
approximately 8-9%.

所以香港人咁憎遊客, 因為香港人最重視效率

最簡單既比喻：高速公路有條快線比快車行爬頭行，但因為想多啲車盡快上公路，結果條路取消快線，必須要求一部車跟一部車上公路，不準爬頭

HU6455 發表於 2026-2-4 07:26
最簡單既比喻：高速公路有條快線比快車行爬頭行，但因為想多啲車盡快上公路，結果條路取消快線，必須要求一 ...

當公路入口處太多車，硬性規定重型車只能行慢線都會拖慢整體。

我個人就無所謂，自己企由得其他人行，問題在於部分車站空間不足，無乜buffer位畀人排隊（不論企定行），班次密、上落人潮撞埋一堆，就搞到有點混亂。

例如東鐵金鐘站電梯夠多、空間夠闊，鍾意行定企都唔會阻到人；但紅磡站就太少，放工時間上行電梯散唔到人，積到成棵西蘭花咁，另一邊落月台班客都要繞／穿過人群。

屯馬鑽石山又係，如果兩班車追得貼，前面班客未散晒，下一班人潮已經湧到。

鑽石山、紅磡我覺得係唔夠電梯，紅磡也許可以下繁兩條電梯全上、叫落下層乘客行樓梯（現時做法係電梯一上一落、叫部分上行乘客行樓梯），但鑽石山已經係兩條一齊上都好迫。

DIH 發表於 2026-2-5 09:33
當公路入口處太多車，硬性規定重型車只能行慢線都會拖慢整體。

我個人就無所謂，自己企由得其他人行，問 ...

你講起混亂，九龍塘站觀塘綫上東鐵綫新通道果個死亡交叉位，十幾年都要兩個方向既轉車客打交叉甘行

又講番電梯，其實依家好多電梯都刻意較慢左速度，而形成要排長龍！就好似鑽石山站果類新站，設計上一定係計過幾多人轉車要興建幾多部電梯，但依家人為較慢左速度，自然消化吾到人流！眼見部分車站電梯速度，已經同人行樓梯差吾多

HU6455 發表於 2026-2-11 08:28
你講起混亂，九龍塘站觀塘綫上東鐵綫新通道果個死亡交叉位，十幾年都要兩個方向既轉車客打交叉甘行

又講 ...

我都覺得校慢電梯係好傻好天真 ，應該校快丫嘛，快到跑步機咁咪散到人。

DIH 發表於 2026-2-11 09:23
我都覺得校慢電梯係好傻好天真 ，應該校快丫嘛，快到跑步機咁咪散到人。
...

睇情況啦。

一些比較長的自動梯﹐步行的吸引力細﹐企的人自然多﹐這一類係應該有正常速度(即係以住一直使用的速度)。

但係一些比較短的自動梯 (eg. 大多數荃灣/觀塘線﹐月台及大堂之間的自動梯)﹐又真係有唔少人選擇會步行﹐調慢些少又可以理解的。



企﹑行﹐2種方法那一樣效率會高一些﹐之前都有舊文討論過。
結論就係睇大家是否願意行﹐有幾多人願意行。

個個都唔願行﹐但係又全部都企在一則﹐另一則全部都係空的﹐效率自然降低。

kei_hk 發表於 2026-2-11 10:31
睇情況啦。

一些比較長的自動梯﹐步行的吸引力細﹐企的人自然多﹐這一類係應該有正常速度(即係以住一直 ...

但呢間公司話之你三七廿一，麻煩所有野一刀切去辦，話之係咪擾民，跟規矩做一定無問題