東鐵R stock改裝車廂天花燈

有人影到R stock車門位天花頂四方型天花燈改裝咗加入風扇設備。

我估黨鐵自己收到嘅投訴量唔細，不過同車站一樣又係加風扇算，死都唔肯襟低個target溫度

依啲咪叫走火入魔

明明部冷氣既製冷能力係夠既
但就為咗乜鬼指標而亂咁設定

搞到又熱又焗就整色整水多舊魚

應該咁樣講啦……點先係舒適溫度？
溫度、濕度、內外溫差、停站密度開門時長都好影響車內溫度是否合適。
車內溫度合適都好，出面大熱天一開門30秒閂門之後已經兩個世界。

尤其是唔可以一個設定用足全日。

就好似輕鐵咁，開盡個冷氣夏天日間成個雪櫃咁好夠凍好涼呀，但天黑之後變咗雪房。

就算港鐵最終頂唔順要調返低溫度，加風扇都係好事，滿載時空氣唔流通，降到十六度都係有D地方熱有D地方勁凍

噉如果問題在於冷氣唔夠勻循、車廂內部溫差太大，校凍啲都係原先涼嘅位置再凍啲㗎咋喎。

https://www.am730.com.hk/article/1045769

東鐵綫車廂裝「神秘裝置」官方解畫 網民：港鐵終於知道問題

而家R stock由朝到晚無一個位係涼嘅，溫度target太高。
同樣，今日坐到一抽青島車，冷氣好大聲，好震，但又係無一個位係涼嘅。葵芳落車，跳上狗巴，頂佢架狗巴仲涼個佢！

長春假九又係痴，五月底有一晚都成十點先出市區，人唔多，由車尾行到去車頭，無一卡係涼。

rickywk 發表於 2026-8-6 22:29
而家R stock由朝到晚無一個位係涼嘅，溫度target太高。
同樣，今日坐到一抽青島車，冷氣好大聲，好震，但又 ...

青島車當年岩岩行觀塘綫時，冷氣係出晒名夠嘈同夠凍！