龍運新A線載空氣, 不如收平D

S3BL100 發表於 2016-10-11 02:56
巴士公司角度，收支平衡已經可以，對佢地而言已經係夠客。
當然更多人搭會更好，不過並唔代表如果客少， ...

咁你認為應該維持現狀，定係應該斬左 A29P 非繁去做大某一條線？
一條線開密少少但覆蓋唔全面，有人要搬行李轉車，有人要遊兩粒鐘花園，真係最好？

條線開左成年，問心果句，除左早繁頭兩班車外，A29P 係康翠全日載緊幾多人入機場？兩個站夾埋平均每班車都唔夠 1-2 個客
（翠林埋站機率仲高過康盛，有趣有趣）。

另外，A29P 由將軍澳入機場，平均係 65 至 85 分鐘。
當一部入後勤區既 E22A 都係做緊差唔多既數字，
你問一個將南居民，佢自己都唔太識分邊部車快少少，不過 A 車收貴少少，應該係 A 車掛。

最諷刺係，城巴果然有遠見，唔係靠將南班友，A29P 其實真係要蝕，連我都跌到成地眼鏡碎。
靠康翠，觀塘山？唔計頭尾幾班，真係個位數字客量。

機場線不嬲係覆蓋緊要過班次，但客都係咁多，俾我就寧願開疏少少俾個個小區都可以合理車程往返機場。

我先唔理九龍其他區份，A29P 入機場方向，將北、康翠夾埋客量仲差過四順。
而 A29P 入機場客量遠比出市區差天共地，好明顯有班入機場既客流失左。
我反問你一個問題，咁係唔係而家既解決方法係最好？

又問另一個問題，人地去旅行搭十點機，你就迫人上 0540 班 A29P，
全世界都上依班車，過多幾年將南又多幾座，維持現狀真係最好？

無論如何，短期內都係要維持現狀嫁啦。
咪當 A29P 上山飛站進一步提速，對將南係件好事黎。

dennis28a 發表於 2016-10-11 03:27
機場巴士淨係跑上下繁有咩問題？大把市區兩味線跑唔夠幾轉直接返廠。
真係要搞大嶼山線，城巴自然會用盡 ...

用機場線同巿區線去比，去話機場車淨係跑上下繁無問題，真係貽笑大方

E22C 係做維修區返放工客，開兩味當然無問題。
但搭飛機既人又係咪好大程度集中兩味時間來往機場？唔係囉…

根本大部分長途航班，都唔係朝早離開香港、黃昏返香港，
唔少歐美抵港航班，都係朝早降落。
甚至好多亞洲區內中短途航班，都係夜晚八九點十點先降落，已經過晒堆正常巿區線高峰時段

我自己近年出埠，幾乎都係夜晚機走、朝早返港，而呢D時段坐開 A E 車都有一定數目飛機客

機場巴士如果只開兩味，根本就配合唔到大部份人出行時間

如果係一個細城巿，機場車唔開足全日情有可原，
但香港係國際都會，人口又夠密集，開得一條機場線，除非好似 A47X 呢D特殊情況，否則根本無理由只做兩味

反而 A29P 客量數據明顯帶出左幾點：
1. 觀塘山非繁客量超差；
2. 將南真係對 A 車有需求，但單憑將南對 A29P 貢獻不足以加班；
3. A29P 入機場出市區客量完全唔平衡，咁沿線入機場批客去左邊？

而入機場出市區客量唔平衡，唔係 A29P 獨有，只係 A29 同 A29P 最明顯。

A29P 朝早開得 0540 0710 之後已經係 0950，但回程頭車至尾車係等距一小時一班，去程時間唔岩唔坐 A29P 有咩出奇？

而 A29 回程停多觀塘道一堆站，比去程多客又有咩咁奇怪？

dennis28a 發表於 2016-10-11 04:28
條線開左成年，問心果句，除左早繁頭兩班車外，A29P 係康翠全日載緊幾多人入機場？兩個站夾埋平均每班 ...

我無講過現狀係最好

但係如果要解決坐十點機焗搭 0540 A29P 的問題，根本只需要朝早加多兩班車，再執班次就搞掂。
當然要先解決車從何來的問題，不過同時段其他機場線（包括出巿區方向）係咪無調整班次空間？

仲有，而家朝早非繁部份 A29P 班次，係做完大西北過海線後，由銅鑼灣私去將軍澳做生意的，
根本城巴要開的話，好多方法執班次

不過如果你係嫌將南 A29P 唔快得過 E22A，咁唔好意思，呢個係佢地多年來種出來的果。
將南 A29P 有客係一件事，但你可唔可能單憑個人喜好，就要求 A29 同 A29P 重組，唔理既得利益者，
要坑口放棄尾站入隧道，甚至要寶林交線，又或者叫將南先兜寶林再兜坑口再入隧道，搞到仲慢過 A29P 直接衝上山？

又，就算 A29P 最大舊客真係來自將南都好，咁係咪唔需要照顧康翠同觀塘山？
根本 A29P 將南直接衝上山，係用最少資源一石二鳥的做法。

另外，我明白一直以來，你對於觀塘山機場線入埋將南，唔做碧雲道油塘，A29 又唔可以觀塘道加站，心有不忿。
但係觀塘山客量唔會因為條線擺將南定擺油塘而有影響，最多只可以話 60 分一班，令到部份乘客用其他方法往返

但你亦指出 A29P 觀塘山客量欠佳，而當日如果唔係開 A29P，而係油塘過山機場線，
同樣資源，都只會係 60 分一班，結果都會一樣，甚至可能因為做油塘而唔係將南而更差。

（同埋 A29P 康翠加將北差過四順係正常，A29P 覆蓋到的康翠同將北，人口只係四順既三分之二左右，
寶林除左怡心園，根本就無理由坐 A29P，尤其去程）

不過如果當日係開油塘過山機場線，客量咁個款，唔知閣下會唔會好似今日咁多意見？

A47X理應直接取消

053h4 發表於 2016-10-11 12:16
A22唔係無機會重組，港珠澳落實跑A車，城巴自然會同東九龍新發展區條線重組

但暫時計，紅車唔夠比人嘈緊， ...

到時龍運想差隻腳入嚟嘅
應該會突然多左批紅車

Oliver_ME16 發表於 2016-10-9 22:53
其實好多人睇完一班半班車就以為新A線冇客,
然後就上黎發表偉論

廿個客人地又會話太少

FBI2 發表於 2016-10-9 22:59
我只覺得龍運快版A33和A36係多餘,其他新線例如A31P,A37,A33慢版,A47X係唔錯.
另外,A47X應該會再修改路線 ...

如果A47X拉去富亨
會唔會加返加先
話晒之前係縮短先有得減