2018-2019年度觀塘區巴士路線計劃

MCMoore 發表於 2018-1-3 10:13
95一程需時稍微長過798單程，一路上咁多執雞位，就算客量多2000人其實都好正常。講真我覺得佢收得未必有7 ...

計收入 798 多啲唔奇
不過亦唔好忘記佢要俾大隧嘅隧道費, 一個單都幾十蚊

話時話,觀塘RPP無A22,即係A22唔會改?

另外，朝早213X特落山，傍晚98P同26X上山呢個設計其實幾實用，雖然唔知咁整係有心定無意

053h4 發表於 2018-1-3 09:48
95咁多客，我唔明點解九巴唔大幅加車做大佢

因為收得平
(其實95唔算多客

053h4 發表於 2018-1-3 10:03
95 而家RPP 話用11部車，同798一樣，但95多798咁多客，其實好唔理想

95本身路線唔短，一次過加6車會比較 ...

你聽個ATEU廢up啦，95做油尖旺，路程又長過798，多客過798好合理啫

Quanta 發表於 2018-1-3 10:31
計收入 798 多啲唔奇
不過亦唔好忘記佢要俾大隧嘅隧道費, 一個單都幾十蚊

但 798 回車都快好多，而 95 一單非繁都俾個半鐘

行少 10 分鐘，一單已經慳大約 $50 成本

kay 發表於 2018-1-3 10:35
話時話,觀塘RPP無A22,即係A22唔會改?

或者條 A23 由石頭度爆出來都唔定，要睇埋其他區 RPP 先知

不過我估佢地可能上唔切 RPP，或者最後發覺藍田站及/或啟業麗晶收唔到科，
未出街俾運吉打回頭，或者自己撤回

根本 A29 加左站（which 對觀塘道沿途係好事）之後，藍田點都搞到要用奇奇怪怪方法去處理

277A沙頭角開, 繼續擴張大老山轉乘版圖, 係好事, 但板友講到行車里程長, 需求問題等等, 站在市區或者新市鎮居民角度睇, 憂慮係正常, 但就好似D水務設施同電話/網絡供應商一樣, 可以提供更快更直接服務, 而又有可行解決方案, 點解唔做?!

T74明顯係做太和站+大埔墟站, 輔助港鐵, 要兜新達廣場, 唔停文娛中心可以理解, 將來要推優惠的話, 應該係T74同74B分開計, 所以我諗T74開辦後, 會一直繼續叫T74, 直到T線完成任務.

74D兜林村鄉公所路, 情況就同以前89D兜黃泥頭一樣, 但74D大窩西支路一段暫時都係冇乜客, 即使和合石新村公屋地皮發展完成後入伙, 粉嶺公路轉車站的誕生亦會令74D不足以拉長, 維持九龍坑總站的74D靠林村食多少少直達客, 方便林村居民出入, 同埋增加知名度, 令東九龍居民知道有車直達許願樹, 其實係好事, 需知道現時由康樂園巴士落車行過去林村許願樹, 只係15分鐘步程, 但鍾屋村居民日日行斜好辛苦, 要轉車又未必係搭九巴64K 65K, 響人家門口直接擸走批客, 即使有部份係64K客, 點都搶到D小巴轉鐵客.

214P往甘泉街走線無敵咁迂迴, 可否縮短到深盛路, 或經深旺道出入, 以美孚為總站?

95以旺角站為總站的構思, 下繁都應用到, 但以一個如此繁忙的路邊巴士站為終點站, 應如何運作? 倒不如改為循環線運作, 反正之前路段冇佐敦道 旺角道繁忙, 又有ETA.

灝畋 One Homantin雖為「豪宅」, 但出入九龍城 新蒲崗 觀塘始終係搭巴士方便, 加上常樂街新居屋, 即使沙中綫通車, 沿線對17的需求只會不斷上升.

98A康城特, 重點應該放在區內客, 尤其是學生, cut班應該cut尾班.

26X只經東九龍走廊, 實用性係咪咁大抱有懷疑, 宋皇臺道轉出馬頭涌道, 同埋太子道東上新清都係時間, 與其慢車, 不如逆走, 做四順真特快, 用213X走線不停站直上順天, 順利後落白虹樓(彩興苑), 彩虹站總站, 架車之後可以行26「鬼車」返回順天.

ricky 發表於 2018-1-3 09:43
95非繁減半粒鐘一班，過唔過秀茂坪果關呀？

居民習慣見車就上，區佬就唔知啦..

EX-TL 發表於 2018-1-3 11:57
277A沙頭角開, 繼續擴張大老山轉乘版圖, 係好事, 但板友講到行車里程長, 需求問題等等, 站在市區或者新市鎮 ...

95係旺角就停我諗係想直接私走，因為本身呢班車已經係由逆繁忙方向抽出嚟