輕鐵重組（如有置樂支線）

爭取興建置樂支線！

取消614P同615線，以及友愛站；615P於麒麟-兆康圈調頭、751延至三聖；新增一條線：三聖-置樂-新墟-兆康，同505直通。
新線彌補屯門東北杯渡以外嘅缺失班次；預料置樂段客量低，一條線已夠；亦有多一條走廊分走市中心段列車。

仲有其實輕鐵路線點樣命名，我只知5=屯門、6=元朗、7=天水圍，例如我呢條線可以點命名？

歡迎討論！

輕鐵線編號準則冇錯,以前中間數字更有順序意義,如505的0,610的1和720的2,直至天水圍支線通車先打破,其中615P/614P的P本來意義係只於繁忙時間行,但依2條反而唔係,九唔搭八。
輕鐵連年蝕本,置樂支線港鐵應該冇誘因建造,除非重提屯荃鐵路,否則在經濟效益上傾向採用鐵巴

置樂客量低？
噢。。。。
點都好過青雲加青山村啦

華都對出同埋置樂去三聖兩段路面窄, 放唔到輕鐵路軌

hippohippohippo 發表於 2019-10-24 11:53
華都對出同埋置樂去三聖兩段路面窄, 放唔到輕鐵路軌

原本預留嘅空間係足夠，即使而家變成行人路路面或者花圃，但係呢啲非結構性嘅嘢都可以隨時移走。
另外我覺得華都站要架空，恆豐站就一定要係地面站，置樂站就冇所謂。

lsc04d11 發表於 2019-10-24 11:36
置樂客量低？
噢。。。。
點都好過青雲加青山村啦

咁但係屯門西面嘅輕鐵走廊（田景至屯門碼頭）點樣都要經過嗰頭，所以嗰段即使客量低都要起。而呢一條走廊途經好多屯門西面嘅重要地方，所以以整體利益來講呢一條係必須，亦反映出點解佢當時第一期就起咗呢一段路。
我唔係話置樂嗰一帶好少人，而係置樂支線淨係途經三個地方，總體客量點樣都會比較細，亦反映出點解當時九鐵淨係打算派一條613線去服務呢個地區。