將軍澳綫（康城支線）加強服務暨景德站建議

建議背景：
現時，雖然康城站的人流較低，但該站的列車班次的確有加密的空間，尤以非繁忙時段的穿梭列車班次較疏，且未能直達North Pole（北角）。而繁忙時段的康城班次雖較密，且較寶林班次使用率低，但在未來人口上升時需求將逐漸增加，班次有加密的需要，可惜訊號系統暫時未能應付加班情況（例如：自2009年寶林班次被大幅削減，繁忙時段將軍澳站必定出現「留後」情況，坑口站亦偶見此情形，變相將軍澳站乘客必須多等至少一班車才能上車，可見該次減班後，將軍澳綫已無法應付原有客量，更遑論康城新增人口）。訊號系統的提升、減少對鐵路系統的依賴、開僻陸路交通新幹道勢在必行，但同樣重要的是好好改善將軍澳綫繁忙時段>100%使用率的情況。其一可考慮的方法，是康城支線獨立成線，於調景嶺站設新月台全日來往康城，但此方法因為各車站已建成及有附近建築物以致難以被實施。另一方案是將觀塘線延伸至康城支線，但同樣因為將軍澳站上蓋已有多項發展及周邊建築物所影響，而致可行性較低。

建議內容：
上述數個方案均因為附近建築物所限，而致難以實行。有見及此，建議暫且將現行的繁忙時段班次套用至日間非繁忙時段，令將軍澳綫各站的班次得以加密，康城站亦能有直達北角的列車。而長遠而言，建議將觀塘綫由調景嶺站於寶順路地底延伸至寶林北路、寶寧路、影業路旁（景林邨及厚德邨東行巴士站）位置，將該處原本建議興建屋邨的用地地下建設新車站（景德站），上蓋可繼續興建物業或物業連商場。寶林站以北及坑口站以北的乘客可於該站乘搭觀塘線，相信能有效疏導將軍澳綫寶林段因減班造成的擠迫情況，亦能使富寧花園及坑口村一帶居民不需轉車便能扺達車站，車資將建議與調景嶺站加一站（即將軍澳站）相同。配合影業路連接常寧路及寶寧路的迴旋處改建成十字路口、及建議寶林北路及佳景路T字路口加設行人過路處，建議車站設A出口於該十字路口往影業路山上方向，B出口十字路口往厚德邨方向，C出口過路處往景林邨及欣明苑方向。於車站建成後，相信康城站一帶亦陸續入伙，屆時寶林段的乘客亦得以分流，能騰空班次並為康城提升至日間全日「1+1」服務，將軍澳綫北角站/添馬站至將軍澳站日間1分45秒一班，往寶林或康城日間3分30秒一班，而觀塘綫班次密度不變。

照你嘅描述應該係咁嘅走線

https://www.legco.gov.hk/yr08-09/chinese/panels/tp/papers/tp0424cb1-2364-1-c.pdf
而呢份文件第7版裡面都否定左任何觀塘綫再向東延伸嘅方案

charlesli0104 發表於 2019-12-1 01:33
照你嘅描述應該係咁嘅走線

https://www.legco.gov.hk/yr08-09/chinese/panels/tp/papers/tp0424cb1-2364 ...

首先多謝提供果份pdf個link，而閣下個map sketch亦大概係我想表達ge意思

睇完果份文件，但有幾個疑團仲未諗明，唔知你知唔知道/有無其他資料ref/傾吓：
1. 文件第12點話寶琳站起唔到雙月台，唔知佢意思係咪因為有C出口所以做唔到側式月台呢？如果我無解讀錯，咁我唔明點解近年東九龍綫official果堆討論仲會一直建議停寶琳站(?)
2. 文件第7點話觀塘綫東延會令將軍澳站停止運作，但請問知唔知佢意思係將軍澳綫連路軌都過唔到，定係純粹要飛站呢(?)，因為經過早排果幾次封站可見：如果就咁封將軍澳站一個站ge影響未至於好大，封埋坑口站都勉強頂得住，如果封埋寶琳就全個將軍澳唔掂，如果封埋調景嶺就可以翻翻屋企添啦。所以我比較想知係會飛站定點，更何況紅磡站今時今日都可以做到用住黎擴建，所以唔太清楚佢意思

ViviTse 發表於 2019-12-1 04:26
首先多謝提供果份pdf個link，而閣下個map sketch亦大概係我想表達ge意思

睇完果份文件，但有 ...

1.東九龍線嘅月台應該係寶豐路
而文件所講嘅起唔到雙月台係指寶琳站正線隔離嘅側線冇位擴建起多月台

2.觀塘線嘅越位隧道嘅盡頭其實係差唔多到將軍澳站月台下面，不過因為月台嘅樁柱正好擋住越位隧道，想繼續擴建隧道就要拆左將軍澳站嘅月台嘅樁柱（變相係要拆左個月台）

將軍澳線上繁我相信要等到康城人口再增加，有條件令將軍澳連康城車都上唔哂先會加班
因為龜仔條數計到好盡，寶琳每246秒/154秒開一班，坑口打爆隔246秒到嘅後車，彌補康城400秒一班企人都未必做到嘅情況
即康城車當半架吉車，主要清將軍澳客

由於寶琳每小時最多開22-24班，
喺唔加康城車下再加班，可能要大執時間表，玩啲每15分鐘開5班寶琳+2班康城咁嘅班次，但唔統一2+1或3+1，交路就難編，龜仔可能情願繁時全部2+1非繁全部3+1算數
星期六日下繁加一抽康城車，全部延長至北角調頭，寶琳開由245秒改做210秒x2/300秒就比較容易實施

charlesli0104 發表於 2019-12-1 12:26
1.東九龍線嘅月台應該係寶豐路
而文件所講嘅起唔到雙月台係指寶琳站正線隔離嘅側線冇位擴建起多月台

唔該晒你個解答，

1. 若果寶豐路起得到月台，咁有無可能將軍澳綫條路軌可以駁到去有新月台ge位置呢？
2. 如果純粹係月台改建，而路軌、上蓋商場及住宅可以繼續運作，我相信個可行性今時今日應該算高。

Ricky403 發表於 2019-12-1 15:21
將軍澳線上繁我相信要等到康城人口再增加，有條件令將軍澳連康城車都上唔哂先會加班
因為龜仔條數計到好盡 ...

係，但當將軍澳站連康城車都唔洗上ge時候，應該到果陣做咩都挽救唔到啦，一來果陣肯定坑口留後情況已經嚴重咗好多，二來將軍澳站長期唔洗上車，三來油塘月台會更迫、甚至企滿人（因為寶林過海客尚可以搭690，但康城過海基本上得地鐵，觀塘綫過海更加難）。

至於康城車當吉車清客，其實真係相當本末倒置，本身寶林班次如果唔削減班次，將軍澳站就唔洗下下一定要被迫等多1、2班先有得上。
但寶林個月台又係個問題ge，唔知有無方法幫寶林新增2台月台呢？又或者將坑口同寶林unused果條軌之間果段路軌提早接駁，變相唔洗同往寶林站月台ge車用同一條軌呢？又或者有無方法增設坑口調頭處，好似何文田同黃埔咁樣有助加密班次呢？