數臭808小巴壟斷錦英至馬市短途客15年罪狀！

錦英苑位於馬鞍山半山，與馬鞍山市中心有一定距離。故入伙初期，新港城同海栢都相繼開辦免費接駁巴士方便居民往返馬鞍山市中心。1998年，百佳超級廣場（現Taste）在海栢開店，亦開辦接駁巴士往錦英，令錦英至馬市免費車路線多達三條！對外交通方面，就設有村巴去荔枝角工廠。到左1997年，馬亞木808小巴開辦就開始橫行霸道！係正免費車上落客站設站，之後就自設禁區話免費車同村巴搶佢地生意！
結果到左2004年，馬亞木買左新港城免費車錦英線週末經營權，更逼使海栢免費巴士將上落客位置改為現86K站位，而百佳車就轉戰海典灣！
而在2008年，新港城錦英線更完全外判給808經營，再加埋海栢果架同時停辦，意味著808小巴已完全壟斷錦英至市中心服務。
但呢15年來，808又比錦英至市中心沿途客咩服務？

以下係808呢15年罪狀：
1. 班次疏，成日脫班
2. 司機嚴重不足
3. 以「搶主線生意」為由阻止免費車等客
4. 經常在總站坐滿客先開車，冇留位比中途客
5. 免費車職員多次縱容乘客霸位，造成衝突
6. 涉嫌聘請患有哮喘人士駕駛
7. 免費車司機經常跟乘客高談闊論，不專心駕駛
8. 免費車司機當小巴係自己私人空間，擺放過多雜物
（6-8為針對2016年前駕駛免費車之司機，現已退休）

808以為趕走晒其他線，乘客就會搭佢地？而家老人家有$2，坐87D落去新港城都得；後生既都行路落去；打工仔大多都買左月票，又係坐咩巴士都得！點解一定要坐你808？
冇心經營就麻煩交返個牌再招標，唔好係度hea乘客！

當年係咪仲有架免費車兜哂全馬鞍山，包括翠擁華庭(嗰陣仲未有烏溪沙站)、錦英、恆安、頌安?

Ohm 發表於 2023-3-7 10:26
當年係咪仲有架免費車兜哂全馬鞍山，包括翠擁華庭(嗰陣仲未有烏溪沙站)、錦英、恆安、頌安? ...

咪就係海栢果架