[配合 700(2)] 建議 82 改循環，82X 8H 改道，8X 682 加分段

James116 發表於 2023-3-16 22:21
點解要做一個計劃幫佢慳車，增加居民不便， 而家係佢要開一條700，冇人迫佢， 每次收車即刻投訴處理

先感謝回覆，上面都提及過，做計劃去幫佢慳車，係唔想佢入紙正式申請減班。非繁要砌到載客率唔達標其實好簡單，當然，現階段 700 會分走幾多 82 / 82X 的客，都未有人答到。

106 無法處理，相信 B2 版都已經提及過好多次，因為九巴唔希望冇晒東行流水客。另外，以 682 的載客率，亦都冇空間去拆線。

82 放學時間阿公岩道頂閘，其實合情合理，所以建議入面係 82 西行由柴東開始行返原線去接晒堆客，柴斜環翠的西行服務，其實係完全冇削減過。另外，82 頂晒閘落筲箕灣，亦都有部分原因係載左啲本身可以搭 85 的小西灣去西灣河/康怡/筲箕灣客，佢地叫兩飛，總會有客上左 82 去佔用左本來屬於柴斜環翠的座位。82 抽走小西灣，某程度上係舒緩 82 的西行壓力，做返源頭分流班客去搭 85 / 700。至於 82X 放學的問題，的確有改善空間，除了北角東班客會分流去 8X / 700 之外，我會傾向用 8X / 82 加班去處理。

至於返學的問題，82X 係慢左，快車得返 682 可能係問題。呢個問題好視乎 700 分走到幾多太古城/筲箕灣去小西灣的客。我會建議因應需求加 82X 更早時段的班次，由 15 上去 10-12。

Commy 發表於 2023-3-17 02:59
82X愛秩序灣係有人專登等佢返小西灣
咁樣改走即係要佢地行去筲箕灣/阿公岩坐82/85

筲箕灣總站同樹木組有 700 去小西灣，真係唔想行仲有 82X (早繁) / 8H (非繁)。

82 做愛秩序灣去柴東/環翠，82X 做愛秩序灣去柴斜/環翠/柴東/小西灣，82X 東行坐滿亦都仲有空間去接柴斜客...... 當然，0712 果班可以諗下用返學線的形式保留。

利民就有參考價值，擾民就無參考價值。
人地巴公幾時收幾時投入，收多定收少都無人知，
RPP又無話要抽其他線開，ok~你一定會話巴公實收車開線，你唔比找14條線各抽1車就算數？
還是臨門唔開，將資源放第二度？
你成日提心吊膽果14部車，驚2A 82 720 722收到緣份班次，如果真係整定都無符架，你咪唯有建議唔好開線囉。
仲有你寫既建議背景，同你本意擔心果14部車係不符，你想取消既線每次都話客量唔好，似係你私心多。

你一廂情願幫巴公做計劃幫佢慳車，你以為幫佢慳到車佢就會滿足收手？
你明知700開線冇說服力，咁咪直接建議唔好開囉， 就算好大機會開你都可以照建議唔好開，反正都係建議。
而唔係在一個冇說服力既東西上去改變其他，本末倒置，點解所有人要遷就你700？

令 82 加快回車？後果就係只要樂軒臺同興環翠落車客唔多，樂軒臺同興環翠更大機會無位上，
兼且你又想CUT埋82X，柴東中無埋特快選擇出太古坊QB康怡，柴東中斜只得番條82，一定勁脫班，肯定勁多人上唔到/有排等。
82本身柴東中斜極大上落需求，係完全唔適合玩循環，只要東行上得多就直接影響西行。
其實現時已經好好，柴斜興華流水就82，要快去柴東小西灣就82X，其他8H 81 682 694輔助，分工已經好清晰，無需改變。
愛秩序灣咪已經有66小巴去柴斜環翠囉，而家咪岩岩好82X填左愛秩序灣去柴東小西灣，仲想改乜野？

仲問非繁係咪支持到 82X 西行？上面已經講左82同82X非繁4點開始已經頂閘，學生唔係客？之後放工時間到8點尾車，如果支持唔到點會仲停留緊15分鐘一班？
過海車非繁有半車上柴斜仲唔心足？唔通要非繁架架坐滿先滿意？

你成日講小西灣去健康村，其實82X絕對係首選，無可能坐又貴又要中途兜落筲箕灣+太古城既700，太古城內街車多燈耐隨時塞勁耐，8X要慢碌柴斜，你仲建議8X搞區內分段，慢上加慢。
太古坊商業區唔單只得健康村，仲有模範邨一帶、北官一帶同濱海街一帶，你試下日日由健威行番去會點

2076 發表於 2023-3-17 04:18
香港第一大黨 (i.e. 地區聲音) 都已經開左綠燈。(ref from 隔離 post: https://www.facebook.com/photo?f ...

只要巴士公司拎到數據比 TD，就減到班。

最後會唔會係減700

善水更希望推上去 $7.9 的 700

只係希望 , 唔代表佢會做到

柴東去健康村，仲有 $7.0 的 8X。所以 82X 非繁西行靠小西灣同柴東去 QB 的特快客，又係咪值得犠牲 82 / 2A / 720 / 722 的班次去留?

8X根本慢好多
700新巴自願話要開，所以唔應該/唔存在減少其他服務

2076 發表於 2023-3-17 05:28
先感謝回覆，上面都提及過，做計劃去幫佢慳車，係唔想佢入紙正式申請減班。非繁要砌到載客率唔達標其實好 ...

都有部分原因係載左啲本身可以搭 85 的小西灣去西灣河/康怡/筲箕灣客

85 都係頂晒閘

總括而言,而家每一條線係得到,都有自己定位同角色,冇理由為咗開辦一條700,胡亂削減或取消其他路線,如果有路線係700開辦後出現客量變化,先至做出重組