九巴ETA因系統故障暫停運作

班財演去晒邊?

啱啱碧街等234X都係跳下跳下 時有時冇

部 T270 北行入埋新田公路，欖隧個 ETA 仲係寫「-」，有埋客量錶，但冇寫「預定時間」，而部車啱啱出隧道，個報站就走咗去彩園邨...

呢間垃圾公司淨係識整色整水
我係個乘客洗乜知架車係咪太陽能呀
你話雙輪椅同客量表都算數喇

黐孖筋開app一次Google ad，撳路線一次Google ad，仲有你唔好一嚟就即刻撳number住喎，下面有條banner彈上嚟，成個keyboard會走晒位㗎喎；然後隨時撳咗入條線又有狗巴自家廣告賣「XX路線直達XX區」「狗巴月票XXX」，跟住有時無啦啦個站名隔離又有條長頸鹿喺度唔知做乜X，好啦當你唔小心撳到隻長頸鹿，quit咗browser返返去狗巴app；哇吊，又有個Google ad，仲要等5秒嘅，個交叉又要召喚梁國雄議員嘅，又撳到個廣告喇；再一次返嚟個app，以為終於正常喇？下班車幾時到？行車受阻@XXX，咁慢慢等吓啦，一望上嚟，哇卜X，架車無啦啦喺度嘅？又話行車受阻？你啦啦聲截車，好彩啲嘅話個巴士佬開門俾你上車順便鬧你唔遞手截車，唔好彩嘅話直接飛站走人，等下班啦你；再睇吓個app，妖自己重新load過個app，又要睇一連串廣告，撳到入去睇ETA喇，吖1分鐘，好快有得上車返屋企，點知嗰1分鐘等咗成半粒鐘都係寫住1分鐘嘅（等～寂寞到夜深～）

AVBWU291 發表於 2023-10-16 20:46
部 T270 北行入埋新田公路，欖隧個 ETA 仲係寫「-」，有埋客量錶，但冇寫「預定時間」，而部車啱啱出隧道， ...

似乎站長電腦死哂，但ETA Server又死唔去，所以本身咁啱match到車牌同時間係的確追到出資料

Fuk19805 發表於 2023-10-16 21:06
呢間垃圾公司淨係識整色整水
我係個乘客洗乜知架車係咪太陽能呀
你話雙輪椅同客量表都算數喇

果1分鐘未因為你冇截停架車，係你load緊個app果陣架車已經走左

GK3258 發表於 2023-10-16 23:11
似乎站長電腦死哂，但ETA Server又死唔去，所以本身咁啱match到車牌同時間係的確追到出資料
...

站長電腦死左會搞到車長係廠入面排長龍等拎車嫁喎，又唔係未試過

好似又壞左

AVBWU39 發表於 2023-10-17 10:08
好似又壞左

看來今鋪個programmer提早翻去過重陽lo

BTW，之前學咗一招避廣告，不過An機先玩到

先去settings，搵返個DNS settings，然後開個private DNS，hostname: dns.adguard.com ，然後就可以過濾晒啲Google ads，當然Spotify呀，Youtube呀，Google search嗰啲置頂廣告就過唔到嘅，但係狗巴app嘅廣告係過濾晒嘅；同埋如果要打機睇廣告攞獎勵嘅話，你係睇唔到廣告嘅

至於蘋果機就好似冇DNS settings嘅，唔知有咩方法幫你哋喇