究竟夜麻麻，屯門出市區多啲人？ 定市區返屯門多啲人？

AVBWU291 發表於 2023-12-7 21:36
又咁講，好多大陸（尤其粵西）平價短線團，深圳集合解散嗰啲，都係深圳灣散 band。最多架車會去埋福田口 ...

除非目的地粵東，深圳集合團多數福田第一個站，深圳灣第二站，解散就調轉。

據經驗，依類團深圳灣提早走嘅人數一定多過出發嘅人數。一來驚深圳內街塞，再者福田口岸前面馬路唔停得旅遊巴，焗住要行多十分鐘過多幾個街口。
星期一晚先去完短線團返嚟，八點鐘到深圳灣，八點半到福田口岸附近落車（中間路程暢順），但九點先上到東鐵，仲要即班東鐵差唔多開車。
本身個團係唔包回程晚餐。

唔好睇少依半個鐘時間差，除咗能唔能夠快啲返到屋企之外，仲可能講緊返到香港有冇飯食嘅分別。
現今香港社會環境九點後好多餐廳都last order咗，九點幾十點買個飯麻煩好多。

又唔見夜晚62X多客？

nokia 發表於 2023-12-7 23:32
又唔見夜晚62X多客？

就係囉, 上面板友話旅行團解散, 又深圳灣落車, 又B2咁嘅情況.

明明B3系落屯門轉258D咁麻煩, 要轉係轉61X 62X先正路, 再講, 咁夜解散飯都未食, 當然有咁快得咁快走人.

所以唔明點解唔係62X多客, 唔明北上旅客返嚟同本post講258D夜晚11點幾開咁密係咪有好多客, 係咪有關係.

另外, 上面有板友話食完晚飯或者IVE放學好多人搭出九龍, 11點幾點睇都係應該上床瞓覺嘅時間.

所以最有理由開咁密, 就係要運車返出九廠.