探討觀塘道機場巴士交替半直通可行性

之前喺B2曾經提出過類似建議，但係覺得將詳細嘅建議擺落F1好似會聽到多啲意見，所以呢篇文就誔生左。

戴翻頭盔先，呢篇與其話係詳細嘅路線建議，倒不如話係一個框架，睇下大家對呢個框架嘅睇法，所以有啲野唔會寫得太詳細，班次用車呢啲我參考翻疫情前嘅情況就算，假設嘅時空當然係容易請人，機場需求恢復翻嘅時候，我地假設 2025/2026先。

背景:
A22對觀塘道冇A29嘅站車程較長，但再㩒慢A29，兩區會大戰。
大多斬短A22嘅建議都認為藍田站係個大包袱。
街街有A車已成定局，潑出去嘅水冇辦法收得翻。
A28對將南康城得物無所用，尤其將南有E22A，冇需要理條A28，但偏偏A28沿線就係得將站有酒店。
有版友表示過黃巴無意將機場巴㩒落中九幹。
另外利申翻，我冇搭過呢度任何一條線，亦冇對東九將軍澳某啲區份有特別感情。

TLDR:
E22A落翻山，擺寶林。
A22縮到新蒲崗/啟德，容後再同A23/25重組。
A26斬走四順。
A27新線，專做安達臣/四順/黃大仙。
A28改為將南，康城，將藍，藍田站，不停站直飛九龍灣/彩虹。
A29拉上康盛補位，觀塘道改為只停觀塘牛頭角一帶A22站位，然後不停站直飛黃大仙。

班次大約預翻30分鐘一班，A28 大部份20，A29 大部份15，保證翻觀塘道大部份時間會有至少20分鐘一班。

價錢唔詳細寫啦，所有A線彩虹起 $40.8，以東全部$44。觀塘道會加價(因為冇左A22平車揀)，不過 A28 29開快比佢。

詳細走線 - 除特別註明外，回程走線會 mirror翻去程:
康翠段:
E22A縮短至寶林，航天城方向停賽馬會診所後返回原線，寶林方向停景林邨後入總站。
A29照E22A走線拉上康盛。

呢段比較 optional，純粹想用A29解決翻康翠，free翻A28出嚟，縮E22A單純只因為康盛冇位咁解。如果覺得康翠同將軍澳村要留翻架就腳嘅平東涌車嘅，唔改都得，拉下面會講嗰條A27落寶林又得，特登為康翠整個A29>E22A回水轉乘我都冇所謂，反正唔覺得會有幾多人會用到。

將軍澳段:
A28改由將軍澳站開出，跟現時走線停調站同尚智樓，並加停唐明苑。之後環保大道沿途停站，入康城總站，晉海後上橋入將藍。
A29除上述建議外，將軍澳段不變。

有版友話過，總站位對旅客有吸引力，姑且將A28擺翻將站做翻酒店客。將南本身A28站位 coverage都夠，加停唐明苑只係用嚟比人行少幾步路 (upgrade排緊 E22A嘅水魚)，唔停都得。康城圈喺本壇成名已久，就比康城做將軍澳尾站算。至於坑寶太多 stake無謂大搞。

觀塘道段:
A28出將藍後，唔停將藍轉車站(停嚟做乜)，經油塘道 (可以停埋某版友至愛嘅油塘道遊樂場，以服務油麗邨)，藍田站，觀塘法院，然後經下通道同埋天橋，直飛到牛頭角下邨，德福，九龍灣站，啟泰苑，再飛橋，下站鑽石山站(麗晶自己搵A25計數，彩虹有A26/27 補位)。
A29出將隧後，觀塘道站位改為駿業里，創紀，定富街，然後行外線飛，下一站鑽石山站。

本文嘅主旨，其實係參考翻296A/C分工方法，以平衡翻將軍澳機場巴拉落觀塘道嘅速度。一方面 A29點都冇可能甩到觀塘，但都冇可能停哂咁多站，另一方面觀塘道除左下通道可以避塞車，亦有天橋可以善用。透過交替半直通，可以令將軍澳受惠於觀塘道帶嚟嘅班次加乘之餘，車程不至於太慢，同時亦補到A22所有嘅站位，故建議A22斬走啟德以東段。的確我冇考慮到觀塘道每個站嘅客源分佈，所以例如話如果九龍灣站覺得得翻A28唔夠裝嘅，咪㩒慢A29停多個站囉，但係我寧願透過調整班次去配合翻客量 (例如將南因為補左九龍灣位而加到上半個鐘一班根本大賺)。何況觀塘山多左兩條A線分流左唔少轉車客，我思疑觀塘道仲有冇邊個站要哂兩條線做。

觀塘半山段:
A26秀明道全停，秀樂樓後直飛康寧道公園返回原線。
A27新線，安達臣北開出，經安愉道隧道出寶琳路，寶達總站調頭，經安達安泰入新清，然後經順利邨道不停站入順天，再經順利逆時針翻消防局，再落翻彩雲坪石。回程同樣逆時針做翻一樣嘅站位。

好多版友講到話四順對A26前段乘客太難頂，咁就飛走佢，改停多少少秀明道嘅站就腳啲，起碼回程一定要停哂先，秀明道去藍田山流水冇理由放棄。另一方面A27冇錯真係 coverage好細，都冇乜流水可言，純粹係一條補位嘅電梯線補翻A28改落山個窿，要值得做半個鐘一班，可能再靠停多少少黃大仙嘅站位，甚至上埋蒲崗村道 (食A23)先得，呢度開放討論。

另外，黃鑽段咁就變左四條A線出嚟，係咪全世界好似依家咁，鑽石山站沙田坳道畢架山花園停哂，定係飛咁啲比哂A27食哂，或者繼續玩交替停站，甚至叫A27停多幾個站入埋樂富，我都冇意見 (如果龍翔道四條A線換到成個慈雲山寧願放棄A23都要落山轉密車更好)，最棘手嘅問題當然係非機場流水。

建議好處:
將南康城有望加快車程，班次密一倍。
油麗有新A車，藍田站/油藍快唔少。
部份主要流水，例如觀塘>將隧>坑寶，秀明道>油藍可以保留，更可以有新流水(九龍灣>康城/將南)。

建議壞處:
馬游塘失去了一切。
少左堆流水 (九龍灣>坑寶，安達臣/康翠>將南)。
觀塘道全面加價。
車源可能會成問題 (呢度就睇下A22斬短放到幾多車出嚟，所以點解話要維持住條A27隨時要搞埋A23，另外亦唔清楚如果觀塘半山有兩條A線，A29仲做唔做到15分鐘一班，如果唔得呢話都可以抽車)。

暫時就咁。都係嗰句，我係唔算熟呢堆線，純粹係冧住用個唔同啲嘅思維改線，比個框架出嚟拋磚引玉一下，不喜嘅覺得不切實際嘅歡迎大插，先謝。

唔可以冇咗行山路由將軍澳出九龍嘅機場巴士，因為咁代表咗機場巴士服務範圍嘅縮減。
必須避免！

LauCT 發表於 2024-1-1 11:42
唔可以冇咗行山路由將軍澳出九龍嘅機場巴士，因為咁代表咗機場巴士服務範圍嘅縮減。
必須避免！

馬游塘換油麗同埋安北喎呵呵，以閣下最 concern嘅西貢區山上嚟計，嚴格嚟講係多左人樓下有車搭喎...

如果係玩 A28 A29 觀塘道交替停站，用車方面要再計下先，不過應該只係夠 A28 A29 各開 30 分鐘一班。

A22 唔建議撤離藍田站，城巴有意食市區流水，唯一可以諗的，係去機場方向飛觀繞，慳返 1 部車都好。

A29 如果要減到 30 分鐘一班，我會話坑口寶林唔會放行，除非有好大誘因。我會諗 A29 觀塘道只停駿業里同創紀之城，然後一站不停直飛機場，同時減班，並方便日後去機場方向改行中九龍幹線。回程去將軍澳就要諗下點處理，A28 唔停將轉，令到冇得 A28 A29 機場開聯合班次。

A28 由於 A22 要留藍田站，佢插旗茶果嶺同麗港城都唔係一個差的選擇，順手陰走 E22 的車。

至於觀塘山，都係順利順天分開做會較合理，要安達臣由直出變兜到落順天有啲過分。

2076 發表於 2024-1-3 14:02
如果係玩 A28 A29 觀塘道交替停站，用車方面要再計下先，不過應該只係夠 A28 A29 各開 30 分鐘一班。

A22  ...

的確我係唔識計用車...預左進取架啦，所以都預左九龍中部會大屠殺 (你當條A27會再食多半條A23，22同25執，20死，幾popular嘅執法，呢度放到六七架車都夠做)。

A29最大問題係佢比起依家做多個康盛，就算冇左九龍灣站都好，都好難疏得過依家，即係我點都要比個20佢 (尤其觀塘道冇左A22會嗌得大聲啲)。彩虹我分比26/27算 (26/28依家都唔係密，就唔使比太多佢地。冧冧下可能27一個鐘一班都得，山上喺疫前都冇咁密，咁26可以食埋黃大仙)，而九龍灣...好尷尬，20-30好似好睇啲？

唔反對㩒29落中九幹，黃大仙本身仲有堆斬唔到嘅E車，唔需要太多機場車，冇乜必要為左 upgrade自己客而拖慢頭站客/趕去其他 mode。但係如果夾埋觀塘再落中九幹，似乎都要留翻20分鐘一班，好睇26分流到幾多轉車客。

呢隻重組係預左會冇一堆流水，主要係幫九東客加速。A22飛觀繞同埋入麗港城保流水可以嘅，淨飛嚟做藍田站冇乜意思，咁我同時會想放翻E22唔入麗港城，冇呀純粹為慳油。

順天我有冧過𠝹翻比26做，但純粹覺得27唔夠客所以比翻後者做咁解。安達臣都唔係真係有左機場巴好耐 (疫間都叫做停左幾年)，我又覺得唔使太理佢地，縮左線多左位坐已經益左佢地。