建議 61M 全日分拆 61A 以換取 261X 全日化

tina 發表於 2024-2-18 14:31
61M應該難啲減嘅
始終下路一直keep著有人口增長

61M 載客率唔算好，係兩繁好少少，非繁有半車都係屯轉客。其實青公駁鐵 61M 真係唔吸引，亦都唔會好似 59M 長期有客駁鐵，主因都係因為 61M 又碌車又要轉車站自轉。
下路有人口增長，出市區方向的交通唔算差，至少屯轉都幫到唔少，但入返去屯元天甚至係上水，就真係好差，K51 兜埋入三聖總站，沿途又多上落，轉車去 505 唔到的地區，例如屯醫，至少要坐到市中心先轉到車，坐底 40 分鐘起跳。去元朗天水圍都至少要預 60 分鐘以上，遠遠比屯門其他區域差，所以先至諗有限資源下，點樣先可以增加路線選擇。

andy92 發表於 2024-2-18 16:37
61M 縮去荃灣站慳多兩部車好過

61M 眾安街之前同眾安街之後的客量比例都有 1 比 1，縮埋去荃灣站就真係連非繁都唔駛開......

Karo.3.2 發表於 2024-2-18 16:51
點解唔拉261去掃管笏，261x去屯碼

馬生唔反對就緊係冇問題...... 不過 261X 已經搶緊 44 飯碗，仲點踩埋入屯碼......

exitd1 發表於 2024-2-18 17:44
261 淨係靠飛走屯市可以慳5部車?

261 一轉 180 分鐘連休息，20 分鐘一班時段其實只係用 9 部車，本身表列 16 部車係繁時計埋 261P 261X 柯打先至有咁多車。建議入面 261X 分開派車，就已經抽走本身 261X 兩繁對開的 4 部柯打車，再配合 261 拉直減行車時間慳 1 車，帳面上就係慳 5 部車。

kmb71k 發表於 2024-2-18 22:20
反正61M往返屯轉都叫順路
點解仲要阿茂整餅將重疊走線既61A全日化？
仲要拉疏條61M強迫下路居民轉車

利申: 下路居民

61M 搭出荃灣葵芳，本身就係用來直達目的地，好少再用 61M 轉車，要轉車早就去左屯轉，所以 61A keep 到 61M 班次可以轉車之餘，61M 出荃灣快左 10 分鐘車程，完全冇問題，要去荃灣葵芳，夾時間坐 61M 就已經搞掂，30 分鐘一班村巴式直出服務，好過比轉車客拖慢車程。

華明的問題，其實華明就點都多位過祥華甚至聯和墟，所以都冇得揀擺住華明先...... 當然，九巴就最想拉到入皇后山，261X 食埋 78B 果份。

2076 發表於 2024-2-18 04:28
始終 261X 除了北上，其實去成個北區都有用，唔係單純的過境線。而且 261X 都幫安友市中心提速，唔駛捱 2 ...

屯門人去福田口岸最快嘅方法應該係去元朗西鐵站轉B1，去上水轉火車去落馬洲係兜大圈兼班次疏。除咗福田之外深圳最核心嘅區域就係南山，即係深圳灣口岸所在地，因此，去上水火車站係咪真係咁大需求？講緊連近鹽田嘅蓮塘口岸都有部B9時

1234567 發表於 2024-2-20 20:37
屯門人去福田口岸最快嘅方法應該係去元朗西鐵站轉B1，去上水轉火車去落馬洲係兜大圈兼班次疏。除咗福田之 ...

261 本身客量都唔差，支持到非繁 20，繁時 15 分鐘一班，屯門人都唔係全部去晒坐 B1 B3。至少青公沿線直達元朗站得 53，261 / 261X 轉東鐵都係轉一次車就到，唔駛用屯馬多重轉車行上行落，勝在方便，尤其是拎多啲行李的時候，元朗站點都冇上水站咁方便。

261X 客源更廣，做到市中心客，同埋去上水唔代表只係去福田/羅湖，去北區其他地方都係要坐 261 系列或者 44 小巴。