今日小弟與家人出行憤怒事一則... 注意長文

原帖由 4056 於 2008-4-8 21:49 發表


我同我屋企人根本唔知道果度改到面目全非。再者，如果真係改到面目全非，咁睇定幾多地圖都冇用！

我而家覺得自己係有錯，錯在點解唔碌車睇清楚d被樹遮住既路牌先，同埋唔諗清楚d路牌有冇老點！

講真，路牌既原意係指示作用，我跟 ...

你都仲係覺得自己冇錯。問心果句，你唔熟果度，你出發前有冇睇睇地圖先？
你睇過地圖都知新田交匯處東行係唔可以喺九點位出啦，否則就會入禁區，
如果你睇過地圖，咁路牌點樣老點你都冇用，依家仲要話碌車睇牌，
真危險。不如出發前好好刨下地圖好過啦！

不過我都好同情你俾人抄，有時揸車係好谷氣，比你更谷氣我都試過。
有次我見黃燈停車，點知路滑跣呔過左白界，
跟住有幾個差佬走埋黎同我講：「司機你過界喎！車牌身份證，依家告你衝燈。」
我咪同幾個差佬講：「我有停架，跣呔過左白界，咁都算？」
個差佬就講：「咁你即係唔認啦！依家俾張傳票你，告你不小心駕駛，
上到庭一樣係五分，你二揀一啦！」
我諗我呢件事俾你更唔好彩，更加憤怒。
但係唔通我又話「下次見黃燈俾油衝左佢！」，咪仲危險。

原帖由 無名 於 2008-4-9 12:31 發表

不過我都好同情你俾人抄，有時揸車係好谷氣，比你更谷氣我都試過。
有次我見黃燈停車，點知路滑跣呔過左白界，
跟住有幾個差佬走埋黎同我講：「司機你過界喎！車牌身份證，依家告你衝燈。」

d差佬特登係燈位捕你?

呢d情況應該都有得上訴架, 成日見d車過少少白界都冇事.

原帖由 Seiko 於 2008-4-9 14:18 發表


d差佬特登係燈位捕你?

呢d情況應該都有得上訴架, 成日見d車過少少白界都冇事.

果幾個差佬等緊過馬路，我就係見到佢地先唔過盞燈，
點知仲衰！跣呔搞到大半架車過左界，跟住佢地就叫左我埋一邊，
仲好串咁講：「我行快兩步俾你車死左啦！」

原帖由 無名 於 2008-4-9 15:13 發表


果幾個差佬等緊過馬路，我就係見到佢地先唔過盞燈，
點知仲衰！跣呔搞到大半架車過左界，跟住佢地就叫左我埋一邊，
仲好串咁講：「我行快兩步俾你車死左啦！」 ...

可能當時    閣下四個車輪都過了停車線吧.
一般來說, 只要後輪還在停車線內都不會被檢控的.

其實好老實...只要睇過地圖出發...條路唔難行..
因為就只得一個出口..唔會行錯地方
我自己亦都行過幾次..不過唔係去觀景台
但去親果度係好自然落黃巴果個出口..
因為果個禁區入口的確好多過境貨車出入...
心水清我諗都唔會跟埋入去卦..

而家牌就抄左，嘈都無用，
事實你亦都入左人地禁區，
要怪，就只好怪你無做足功夫
不過果位抄你既差佬都講得幾多野..
又會同你講果句"其實我都知d路牌唔清楚架喇，但我地只係執法je冇辦法啦" 既..
知道點解唔去叫人改..??
我記得差佬好似有個部門專係攪修路d路牌..

原帖由 hkptb 於 2008-4-9 20:14 發表
其實好老實...只要睇過地圖出發...條路唔難行..
因為就只得一個出口..唔會行錯地方
我自己亦都行過幾次..不過唔係去觀景台
但去親果度係好自然落黃巴果個出口..
因為果個禁區入口的確好多過境貨車出入...
心水清我諗 ...

師兄，我諗緊你講果個「好多過境貨車出入」既禁區係咪我入錯左果個？

我入錯左果個，睇條路似係新開既，唔知有冇錯，條路係同九鐵落馬洲支線並行。

我阿爸入左去之後發覺唔對路，都慢慢碌左好耐(起碼四分鐘)，沿途唔見任何過境貨車，只見倒好多一樣被「老屈」既私家車一齊駛進去，之後抄牌果陣見倒頭先沿途過緊果d私家車架架都排緊隊等被抄牌...

仲有樣野我差d忘記左，其實d差佬唔係架架車都捉倒，有d發覺有「抄牌陣」之後即刻加速離去，有好幾次見有差佬想追佢，但追唔切。有d就去到路口讓線被差佬「邀請」佢入後波等抄牌。   即係話一直有好多漏網之魚...    我阿媽等佢抄完牌之後唔份氣，問點解有d人可以走得甩，點解有d咁唔好彩，咁個差佬就話果d係禁區既行政車輛，但點解係行政車輛d差佬又要試圖去追人返來呢？  根本係畀人放甩左但死口唔認

[ 本帖最後由 4056 於 2008-4-9 22:57 編輯 ]

樓主，從字裡行間已經知道你行錯那段路，你是不是在青山公路
向上水方向過了橋底左轉那個新路口呢？在新深路迴旋處入口又
不見有任何大樹所阻，而且都有一個好明確的路牌標示是封閉道
路。

如果係樓主好明顯沒有留意一個封閉道路的紅牌就衝了入去，那
段路真係甚小過境貨車會行，經一事長一智，今次當交學費吧！
與及最好惡補一下道路語言，從你的文章中看得出你的路面經驗
不是太多。