23/5 明報(Yahoo): 東鐵線車站將進行翻新工程

原帖由 davidng 於 2008-5-24 10:15 PM 發表
東鐵車站還剩什麼「九鐵遺蹟」可以俾港鐵去「去」？
Ans: "黃色硬膠櫈"  !  完成歷史任務了 !    

好明顯果隻橙色膠椅喎

東鐵綫車站翻新後起碼可以同成個港鐵系統統一返
不過照住個電腦模擬圖黎睇
設備當然會換過新啦
但外觀似乎同翻新前無太大分別

粉嶺站的翻新工程根本就像九鐵當年發佈的東鐵翻新工程的設計圖差不多

它跟著那幅去翻新所有車站更好

「融入大自然」當然係公關宣傳策略, 搏上報的一種 "talking point" ,
你地扣我分, 話我無理批評 MTR, 咁你地一樣無理批評我, 我無所謂, 可等大家學下野, MTR可以出好高的錢請有傳媒經驗的人做公關, 所有通告, 新聞稿比晒管理層 proof read, 依家 2008年, MTR公關仲當讀者係蠢係傻, 100年前, 講乜信乜, 仲有人好開心拎黎睇, 睇完話我未睇清楚就嘈, 好似好單純的小朋友, 我當然睇左篇新聞稿......連英文都睇埋, 公關用字好小心, 用 “new theme”, “新概念”, 就係避左用 “design”, “設計”, 整個工程其他“設計”細節, 就避而不談, 輕輕帶過, 商舖面積大小, 廣告位多少, 當然官腔口吻我都識講"細節一併檢討考慮, 未有定案, 歡迎比意見", 但你唔係天真到話"無證據","無寫明", 所以話我係屈佢呀, 仲抱有呢 d思想, 你都唔信車站翻新完商舖會少左啦, 佢係避免記者咬住租金收入多左幾多, 會唔會加租, 呢 d 錢銀問題, 因為早排那邊廂又話起幕門要收多你一角, 呢邊廂租金收入多左又點計先 ? 政府批地做 “Railway Station”,  provides Passenger Facilities, 你就好似開地產商開商場, 整商舖, 廣告位收租, 真正乘客設施就要收錢, 條數點計 ?

講返正題, 乘客設施呢, 扶手電梯數目, 升降機數目, 幕門, 雨蓬, 等, 其他財務安排隻字不提, 好明顯公關費事比位你地再追問,

大眾所知, 東鐵車站大多於 80 年代初電氣化時擴建, 並沿用至今, 所以翻新車站, 同 100 周年無直接關係, 如果你硬說有, 無所謂, 但坦白說, 開展 d 工程可以養一班工程師, 養一班經理, 起碼養到 2016 , 呢 d , 同100 周年一樣, 係咪就等於你口中所說的事實 ? 唔搵 d大 project 攪下 3,5 , 7 年, 點去解釋留呢批人 ?

我講野對得住天地良心, 但做得公共事業, 唔可以魚目混珠, 出 d 公關稿就過骨, 老老實實, 如果只係換下 d 門面化裝, 裝飾物,  各版友認有有急切性嗎 ?

[ 本帖最後由 davidng 於 2008-5-25 18:56 編輯 ]

原帖由 davidng 於 2008-5-25 18:54 發表
「融入大自然」當然係公關宣傳策略, 搏上報的一種 "talking point" ,
你地扣我分, 話我無理批評 MTR, 咁你地一樣無理批評我, 我無所謂, 可等大家學下野, MTR可以出好高的錢請有傳媒經驗的人做公關, 所有通告, 新聞 ...

新聞稿寫埋細節, 到時o個篇就唔係新聞稿, 而係一本書

可能係大家都真心希望東鐵車站有改善，所以對呢個新聞稿抱有一定幻想。
但「更商業化」不等於「去九鐵化」，夾硬保留九鐵「特色」都未必係好。
冇人（港鐵或板友）話翻新後唔會多了店舖，我相信在這個區出現的人都知MTR一向作風係乜野，
只係好似大部分回應的板友都認為翻新的重要性大於保留九鐵遺物。這只反映人的意見，本身無對或錯。

我明白部分板友對港鐵可能已至完全死心的地步，不相信港鐵所講的任何事，但這不能抹殺MTR尚有一點打破框框的新意。
而其他板友，即使不贊同也不需要扣分吧......我唔知呀，多言了。
要「去九鐵化」或「更商業化」，一早可以做，可以好求其咁係咁加商店，但現在的情況係，
港鐵至少有搵顧問做設計，揹呢個project都唔係小事，佢無心的話大可唔做，都唔會有人投訴。
而去到要養一班工程師等等，即係至少港鐵唔會因為冇事做就炒晒班人，都叫做係負責任的僱主。

我個人唔太希望有月台欄門，所以我冇諗過呢個問題。
作為一個乘客，我關心的係乘車環境、實際佢收我幾多錢，而唔係背後的商業運作／陰謀，
佢收我錢去自肥也好，拎去捐也好，我只要搭車，收得太貴我自然唔搭。

當然，前九鐵員工待遇變差我知，MTR最叻賣弄公關我知，09年港鐵可以加價我知，
其他幕後情況我唔清楚，只根據公開的資料，我個人不認為港鐵今次做得「樣衰」。

[ 本帖最後由 DIH 於 2008-5-25 21:32 編輯 ]

原帖由 davidng 於 2008-5-25 18:54 發表
講返正題, 乘客設施呢, 扶手電梯數目, 升降機數目, 幕門, 雨蓬, 等, 其他財務安排隻字不提, 好明顯公關費事比位你地再追問,

「新聞稿」原來仲要數扶手電梯數目、升降機數目、其他財務安排、商舖面積大小、廣告位多少、租金收入會增加幾多，如果唔寫得咁詳細，理由就係因為「避免記者咬住租金收入多左幾多, 會唔會加租, 呢 d 錢銀問題」。

唔寫出黎就係因為避免記者追問
寫出黎又唔O岩喎
因為係「搏上報既 talking point」（新聞稿唔係要黎上報要黎做乜？）
總之新聞稿上既要批評
新聞稿上無既都要批評
寫出黎既係假話
你諗出黎既就係對得住天地良心既真理
真係令人拍案叫絕你反港鐵思想

老實講呢單野究竟同「100 周年」有無直接關係
真係由得你推理
以你思維，港鐵任何野只與＄有關係
如果港鐵不在新聞稿上寫上「為增加廣告及租金收入，翻新東鐵綫車站」的字句
你都死心不息
好似某Ｄ人話某某公司義賣鎮災
就死都話佢係搏宣傳一樣
唔客氣地講根本係無理取鬧

[ 本帖最後由 ahbong 於 2008-5-26 01:03 編輯 ]

其實廣告同商店, 幾時都可以加, 根本可以同翻新無關係...
好似旺角東, 近新世紀都加緊商店ga....

而就本身翻新而言, 我睇唔到有確實壞處...

不過我就覺得, 既然翻新, 就一次過整好d, 如要開遮
先上車呢d情況就唔應該再出現...

至於欄門, 由九鐵年代開始, 都一直用空隙, 直通車等原因
而話要再研究.....似乎話同翻新的計畫都係分開處理了...

原帖由 nwfb1110 於 2008-5-23 20:32 發表
不過最好改善東鐵綫月台露天位問題，
因為每當落雨都搞到好狼狽。

係... 呢樣野真係好唔方便
尤其好似呢幾日D天氣...