[問題]為何寶琳站已經無法再加密班次？

響觀塘延線中，觀塘線部份班次因為黃埔站只得一個可上落客既月台而搞到部份班次只能去到何文田。但係，點解同樣單月台既寶琳會因為單月台而唔可以加密班次？寶琳一樣有備用月台，可以坑口清完客推入去，一樣加密得到班次，而唔係加車落條根本唔夠客既康城線？

行外人睇法：

坑口往寶琳段上下行線匯合位置，與寶琳側線尚有一段距離，換言之匯合位至寶琳側線之間係單線，類似 >-----< 的佈局，而唔係柴灣、東涌、油麻地一類的交叉渡線，因而限制了可容納的班次。

另外如果加車用寶琳側線掉頭，將軍澳線上行列車就有寶琳、坑口、康城三個終點站，又要等乘客適應，而且亦得罪寶琳客。相較之下，加車落康城會較易讓乘客適應。

最後係日出康城要賣樓，唔知關唔關事

其實﹐我真睇放長雙眼睇﹐將來實際班次有幾多DELAY及減幾多。

以現時 MTR 的安排﹐列車進入掉頭隧道係需要清客。
參考青衣特車﹐真係有成班人在月台Standby﹐當部車一埋站﹐落完客後便即時上車檢查﹐「掃」人落車。

好彩的話﹐由職員可以上車﹐再去到返回月台舉手示意完成﹐都要十幾秒。
一個唔好彩﹐真係可以要30-45秒才可以同埋個客一齊行出車廂。

東涌線現時大約4分鐘一班車﹐對下一班車當然唔會有影響啦。
(以我留意﹐青衣車與前車及後車的間距係唔同的﹐同前車係近一些﹐後車係遠一些﹐變相青衣車與下一班車的時間係會多一些的﹐令到影響下一班車的機會更少)

但係﹐市區線的班次係2分鐘鬆少少一班﹐日後何文田站如果又要派人逐班車去「掃」客﹐我真係睇下到時要用幾多時間在清客之上﹐又因為未完成清客列車要留在月台﹐令下一班車未能入站﹐在連鎖反應下﹐成條觀塘線又要減幾多車/班去處理。

試用常識答︰

寶林加到，將軍澳站都 serve 唔到

將軍澳站惟一辦法就只有分拆康城或寶琳段俾觀塘線。

雖然要停將軍澳站一段長時間，但為左載客量，應該呀！

[ 本帖最後由 lstwcm 於 2015-2-9 20:02 編輯 ]

原帖由 lstwcm 於 9-2-2015 11:59 發表
雖然要停將軍澳站一段長時間，但為左載客量，應該呀！

TWL加到塞曬車
其實清客能力唔大
只係由站塞改為隧道窒
平均行車時間反而長左同慢左

原帖由 lstwcm 於 2015-2-9 19:59 發表
將軍澳站惟一辦法就只有分拆康城或寶琳段俾觀塘線。

之前已經有板友講過基於將軍澳站前地基唔容許觀塘線再延長入將軍澳站

原帖由 JX9097 於 2015-2-9 23:00 發表

之前已經有板友講過基於將軍澳站前地基唔容許觀塘線再延長入將軍澳站

2009年已經有文件指出觀塘綫向康城站伸延係唔可行

總結上述各項探討方案的技術及地理因素考慮，倘要將現有觀塘綫伸延至康城站，必須在鐵路路軌、隧道及車站的結構作重大規模的改建，嚴重影響現時將軍澳綫的鐵路運作和服務，以及周圍的建築群，故把觀塘綫向康城站伸延的建議，實際執行上並不可行。

原帖由 busfunfun 於 2015-2-9 20:29 發表
TWL加到塞曬車
其實清客能力唔大
只係由站塞改為隧道窒
平均行車時間反而長左同慢左

塞住響隧道同塞住響月台比客既感覺差好遠
加左車，數字上又好，乘客角度都好，實會好左既
實際搭車時間無少到，話知佢啦