自動波車輛是否真的比棍波容易操控?

原帖由 htwong 於 2015-4-22 15:59 發表
先感謝以上站友意見。
請問大家由開始學習BC部分到合格用了多少時數學習？

冇得睇時間衡量架, 要睇就睇返你學車時既駕駛表現, 同夠唔夠熟部車既運作
如果你樣樣野都做得好順滑, 應快得快, 應慢得慢, 導師又唔使點出聲, 咁先至有機會合格

假如你想感受埋路面情況, 最好揀係考試路段多車既時間學車, 煅煉埋你既反應
我學1,2牌嗰陣都撞過唔少板, 到考試遇返同樣問題先至反應得切

原帖由 kei_hk 於 2015-4-15 22:45 發表
...
師夫教落﹐左腳鬆一半﹐右腳比油﹐再鬆手制﹐行開始行才慢慢鬆左腳﹐這樣做在考牌時基本上唔會出事。(紅字係重點﹐平路開車都係需要做的)
基本上﹐極力子鬆一半便是磨擦點﹐十部車九部九都適用﹐這個位唔會相差好遠。
...

補充返多少少, 磨擦點最好都係學車時抽時間搵下感受下
因為每部車既極力子虛位都唔同: 極力子就快要換, 磨到虛位好大又得; 攝完極力子得返好少虛位亦得

原帖由 kei_hk 於 2015-4-15 22:45 發表
...
正常自動波車在學車及考牌﹐應該都係比油後﹐部車有向前/後的動力才鬆手制﹐基本上都唔會出現開車溜後問題﹐自動波車亦唔會因此而死火的。

所謂有向前/後的動力, 就係要感受下部車係咪開始比平時震
就算扭力細既車, 比輕油提高輸出扭力之後, 會容許部車震得勁啲而不至於拖到死火
不過唔好貪震得勁就係好事, 到時起步就會大大力CHOK上去

同埋有駕駛學院導師講過, 搵唔到磨擦點, 大不了再重新做過
考牌官唔會因為咁而肥你, 但堅持鬆手掣又溜後, 到時就肯定肥硬了

原帖由 bnr34 於 2015-4-22 21:45 發表

同埋有駕駛學院導師講過, 搵唔到磨擦點, 大不了再重新做過
考牌官唔會因為咁而肥你, 但堅持鬆手掣又溜後, 到時就肯定肥硬了

基本上考車, 係唔會單純地死一兩次火就肥佬的

但一溜後就即時大剔拜拜。

原帖由 bnr34 於 2015-4-22 09:45 PM 發表


所謂有向前/後的動力, 就係要感受下部車係咪開始比平時震
就算扭力細既車, 比輕油提高輸出扭力之後, 會容許部車震得勁啲而不至於拖到死火
不過唔好貪震得勁就係好事, 到時起步就會大大力CHOK上去

同埋有駕駛學院導師講過, 搵唔到磨擦點, 大不了再重新做過
考牌官唔會因為咁而肥你, 但堅持鬆手掣又溜後, 到時就肯定肥硬了

如果係棍波車﹐搵磨擦點正正係 feel 部車有無震﹐個震唔需要好勁﹐但要feel 到要有。

至於自動波車﹐輕輕比油﹐部車會有向前/後的感覺﹐部車窒一窒的一刻鬆手制便可。(每款車都有不同 feel 的)
新一代的自動波車更有新的安全設計﹐當你真係比油的時間﹐達到某一水平的時間﹐部車如果真係成功起步﹐手制會自動鬆開(機械上﹐司機的手制唔會自動有反應的)﹐以防司機忘記鬆手制﹐車強行行駛﹐令剎車器過熱失效。



至於死火問題﹐除左考完試叫你落車之時﹐一旦出現我記得係 「S」 的。

學你所講﹐棍波車搵唔到磨擦點便慢慢來﹐唔好心急﹐左腳再大力踏到底再慢慢收腳至大約一半﹐重新搵過。
除了行車期間 1>2﹐2>3 這些動作﹐要流暢做到轉波之外﹐車靜止起步基本上無時間限制的﹐可以慢慢來。

行車期間轉波﹐由於車已經有一定的動力﹐搵磨擦點的準確度要求低一點﹐車亦無咁易死火的﹐所以多數只係 chok 而比較少死火。

原帖由 htwong 於 2015-4-15 19:42 發表
請問除轉波之外，自動波車輛是否真的比棍波容易操控?
例如上斜開車、倒車操作等。

本人日前在考棍波私家車BC兩部分合併考試均不合格，上斜開車溜後和死火了數次。
導師及駕駛學校職員也建議我轉考自動波。
而本人考車主 ...

考貨van點都易考過私家車,始終個景觀一定好d
如果發現上斜開車溜後,試試俾少少油,再入波鬆手制

利申 : 10年牌,的士佬一個