城記想慳，靚樣玩殘 - 新形象不知所謂

城記新嗰拉花真係樣衰到爆。以前個設計車頭/尾都有哂3隻色(🟡+🔴+🔵/🟠+⚪️+🟢)又有黑，對比好睇，架車啲線條都出晒嚟。
依家乜都油到鮮黃色，除咗MMC擋風玻璃上面條bar噴黑, 其他一啲黑位都唔留，成架車變咗頭一pat黃色，尾一pat藍，冇晒層次。

好似B8L咁，車頭個頭燈罩本身黑色幾有型，依家都油埋黃，個車頭即刻冇咗特色。本身已經黑色, 又可以黃橙共用，睇落好怪+唔順眼。

上層擋風玻璃頂嗰條黑色又冇咗，車尾個散熱網都油好似屎咁嘅藍。

其實燈罩應該油返黑色，咁先有對比，亦都可以突出返架車本身嘅設計。依家全部一隻色，原本啲設計線條都俾佢哋蓋晒，白白浪費咗車廠原本設計得咁靚嘅外形。
就算重噴麻煩, 咁其實本身黑色嘅parts(散熱網,上層擋風玻璃頂嗰條黑)其實冇需要再噴？

真係唔明點解要將所有位都油晒黃色，留返啲黑色咪仲靚，依家反而搞到又膠又冇特色。


當佢哋話想慳成本，但如果真係咁，不如直頭唔好翻油啦，喺舊拉花個Logo上面貼個新Logo貼紙咪夠囉。

另外，正如另一位大師講，車頭先係最重要。如果車頭全部都係黃色，咁呢個設計已經係失敗。


大家可以一致decide鐵甲/E200MMC are the ugliest?

遠睇車咀咩線條都睇唔到

我淨係知而家城巴新拉花已經成功揚威南洋

個設計本身無問題，其實同Flyer根本就係同類，只係無晒啲細節位啫⋯⋯

如果城巴呢啲叫不知所謂，甘九巴龍運果啲叫做咩？

呢條題出得麻麻地
以前有D MODEL車頭都唔留黑位

kay 發表於 2026-7-5 22:17
呢條題出得麻麻地
以前有D MODEL車頭都唔留黑位

其實翻噴係咁上下。
當然佢係可以認真啲，但依家都係跟返選出嚟個設計去做啫。
就算頭尾抹走晒原裝車廠嘅設計，又無Flyer咁喺頭尾做多少少細節位，但起碼城巴呢隻新花，中間條紅線唔係亂擺，係跟返每款長度度身訂造，都仲有啲細節位嘅。
如果想睇真正嘅新色配新車，可能要等到時電威出街先見真章。

哈！樓主加埋下面評分嗰兩位版友彈到架車「一文不值」
當日有份投票選佢出黎嘅朋友真係「情何以堪」！

MANN1579 發表於 2026-7-5 22:46
哈！樓主加埋下面評分嗰兩位版友彈到架車「一文不值」
當日有份投票選佢出黎嘅朋友真係「情何以堪」！

當日5款選擇套落去E500應該都係不留黑位


不過城巴個隻STYLE
難聽講以前中電/港鐵都係類似題材

港鐵批鐵甲都有相見到車頭唔留黑

MANN1579 發表於 2026-7-5 22:46
哈！樓主加埋下面評分嗰兩位版友彈到架車「一文不值」
當日有份投票選佢出黎嘅朋友真係「情何以堪」！

當日個投票都係做樣啫

5 架新色，得呢款色係噴，另外 4 架係貼紙，係人都知咩事