有關215x同98D跌客問題

近年98d,215x客量變化，我諗大家都有目共睹，部門人會將原因歸咎於近年香港社會變化，但呢兩條線嘅跌客程度似乎比其他同區嘅更大，亦都有部分人歸咎於九展關閉，但以我觀察九展個站繁忙時段仍然有唔少上落

另一方面，屯馬通車，好多人走去關注紅土線、沙田東九線甚至係新西東九線、新東西九線同城隧線，只不過屯馬面對215x嘅優勢似乎都唔係大家想像中咁細

以215x為例






根據官方時間，喺戲曲中心搭215x返觀塘游泳池時間同喺柯士甸搭屯馬時間都係半個鐘左右到，而雙方由觀塘站一帶到藍田站都只係相差2-3分鐘

另一方面，同原本尖東轉東鐵相比，尖東搭屯馬綫去鑽石山轉車會更加快



根據九巴紀錄，尖東搭215x返觀塘游泳池需時24分鐘，而搭屯馬去鑽石山轉觀塘綫需時28分鐘，比起去紅磡轉東鐵去九龍塘再轉觀塘綫快5分鐘左右，同215x相比就慢4分鐘左右，就咁睇落215x仍然有車程優勢，但215x沿線係出晒名唔穩定，有理由相信部時段搭屯馬綫去鑽石山轉車唔會慢得過215 X

至於98d，除咗尖東搭屯馬去鑽石山轉觀塘綫再轉將軍澳綫返坑口/寶林之外，東鐵過海之後亦都可以由尖東搭屯馬線去紅磡→轉東鐵綫去金鐘→轉港島綫去北角→轉將軍澳綫返坑口/寶琳，時間上同98d返坑口/原有港鐵轉乘方法差唔多，其中去坑口都係40分鐘左右，會唔會係因爲短時間內出現兩條新鐵路先令98d跌得咁顯著？我見有好多有同樣問題既路線依然客似客雲，歡迎討論

98D關屯馬咩事？
經港島綫一早已經有荃灣綫過海，搭東鐵要特登兜去紅磡再過返金鐘都唔順路
反而東鐵分流咗將軍澳綫過海乘客，令到鐵路載客空間多咗，過海線跌客就真
690東鐵過海之後減過一次班

觀塘去柯士甸站/中港城一帶有d客轉左搭 W2

limited 發表於 2026-9-3 00:59
觀塘去柯士甸站/中港城一帶有d客轉左搭 W2

但W2都要減班同提早收車

屯馬線未全線通車前，繁忙時間有唔少客會搭西鐵去尖東/紅磡轉215X去九龍灣同觀塘。
屯馬一通可以一路搭埋落去唔駛上番地面

除此之外，隨住中九龍幹線通車，
多佐條路同特車去東九龍，老龍都無咁大鑊，
相信有唔少西鐵+215X嘅客回流全程巴士。

尖沙咀需求細咗係不爭事實
如果講路面情況，依家反而係好咗少少

見到原來 98D 早繁用咁多車
原來拆完線寶林一邊只係開 16-21 分鐘一班
真係有啲意外
坑口一邊真係好彩靠痴康城，叫做得載客率 4 成幾都仲呃到聯合班次 15 分班
但咁嘅班次客量拆線仲衰過唔拆
難以想像昔日大線霉到連 269D 朝早拆線班次都靚仔過佢

合返埋一條開密少少，放棄康城鬥氣好過

3ASV174 發表於 2026-9-3 02:13
尖沙咀需求細咗係不爭事實
如果講路面情況，依家反而係好咗少少

尖咀線問題係行中唔少流量限制區

1 2 6 7呢d都唔知交左幾多

同埋依家仲有幾多人巴士轉船
離島就話無得揀

樓主搬地鐵車程出來, 同實際操作其實差好多, 地鐵你要行路上落月台+轉車行路+冇位坐, 仲要慢d貴d, 通通差過巴士.

215X回程客倉係由新港中心開始, 車程26分鐘就到觀塘市中心, 絕對收貨, 佢繁忙位冇尖東麼地道開出經彌敦道的路線咁麻煩, 只係燈位多, 過咗科學館就冇嘢.

搭開215X就會繼續搭, 唔再需要搭, 開幾密都唔再關事, 回程行偉業街出觀塘道會慢, 不過三十年來大家都接受咗.

當然, 如果有心做, 應該好似處理曲街咁, 唔再班班落偉業街, 除咗上繁下繁, 非繁只開30分鐘一班落偉業街, 其餘大部分班次跟213E直出創紀之城箍客.

98D海防道(尖沙咀站)往新都城(寶琳站)車程30分鐘, 又唔係好慢呀, 不過港島綫夠晒舒服, 要企都冇觀塘綫咁煎熬.

樓主舉例冇提供到尖沙咀去寶林時間, 反而舉尖東搭去紅磡再轉去金鐘咁搞笑.

港鐵個尖東站唔係尖沙咀東巴士總站, 而98D個尖東總站就係紅磡站對面.

尖東總站上98D一日裡頭有冇平均五人一班車都成疑問, 要計就直接用尖沙咀海防道去計.

EX-TL 發表於 2026-9-3 10:08
樓主搬地鐵車程出來, 同實際操作其實差好多, 地鐵你要行路上落月台+轉車行路+冇位坐, 仲要慢d貴d, 通通差過 ...

其實有213E點解唔放生條215X好似88X,16X咁做特快返藍田油塘，213E唔洗兜偉業街對觀塘客快左唔少，如果215X唔兜觀塘對於尖沙咀返藍田客又快左唔少，就算班次少左都可以追返啲時間

li1872903 發表於 2026-9-3 10:37
其實有213E點解唔放生條215X好似88X,16X咁做特快返藍田油塘，213E唔洗兜偉業街對觀塘客快左唔少，如果215 ...

觀塘道至藍田站返上山旨意晒16 16M 216M?

上啓田道有15 15A 38還好, 碧雲道冇咗215X, 靠平真樓落車行上去唔係幾掂.

213E空降觀塘道對215X係一大考驗, 仲要自殘玩拆線, 東九特快線王地位恐怕加速玩完.