2026年施政報告交通基建：

古洞站預計明年落成啟用，成為第100個重鐵車站。洪水橋站工程則會充分應用「組裝合成」建築法（MiC）來提速提效，目標是在2030年開通車站。
明年會提出港深西部鐵路南延的初步方案。

呢次施政報告同五年規劃一起出，兩邊都有提到交通相關內容， 節選提及鐵路之內容如下：

完善本地及跨境運輸基建銜接。堅持基建先行發展，在「八縱八橫」16 基建布局下，加快推進與北部都會區相關的重要鐵路及道路項目，包括北都公路（新田段）和十一號幹綫南端的青龍大橋、連接新皇崗口岸的北環綫支綫，以及港深西部鐵路香港段，並研究其未來南向延伸的可行性，加強北部都會區與香港國際機場的連接。

專欄27 推動北部都會區相關運輸基建發展

1. 鐵路項目 加快推進東鐵綫古洞站和屯馬綫洪水橋站工程，分別於 2027 年及2030 年啟用。 合併推展北環綫主綫和支綫，於 2026 年內完成支綫鐵路方案刊憲程序，並於 2028 年起陸續開展北環綫項目的隧道鑽挖工程，目標於2034 年同步開通主綫和支綫。 加快推進港深西部鐵路前期工作，於 2027 年為項目香港段詳細設計及建造工程招標，力爭於 2035 年港深兩地同步開通香港段和深圳段。

---

---

16 意指隨着未來一系列運輸基建逐步落實，全港「五縱五橫」鐵路網絡及「三縱三橫」主要道路網絡將會形成「八縱八橫」的大布局。「五縱」包括五條南北走向的鐵路走廊；「五橫」包括五條東西走向的鐵路走廊。「三縱」指三大南北縱向走廊；「三橫」則指三大東西橫向主軸。

構建「軌道上的粵港澳大灣區」。推進港深西部鐵路和北環綫支綫項目，以提升港深西部及中部跨境客運服務的能力和水平。開展港深西部鐵路香港段未來南向延伸的研究，加強北部都會區與香港國際機場的連接。

專欄31 推廣中國標準

1. 鐵路標準 • 以新制定的《香港鐵路標準》為切入點，融合國家鐵路先進規範與國際優秀標準，並吸收內地鐵路建設經驗和領先技術，在相關項目中銜接應用。

208. 政府將持續精簡程序，節省北都建設的時間和成本：

(ⅰ) 財政司副司長領導的「規劃及發展工作組」協調部門間加快審批速度，包括運用數碼平台縮短工務工程審批時間三至六個月；新鐵路項目的建築圖則首次審批時間減半至30日；在地基設計時，透過提高岩層的承載力，節省北都公營房屋項目約14億元建造成本；為私人發展設審批時限和上呈機制。


推進交通基建


222. 古洞站預計明年落成啟用，成為第100個重鐵車站。洪水橋站工程則會充分應用「組裝合成」建築法（MiC）來提速提效，目標是在2030年開通車站。

223. 為強化香港國際機場與北都以至內地的接駁，我們明年會提出港深西部鐵路南延的初步方案。


支持前海和南沙重大合作平台高質量建設

225. 政府會支持前海深港現代服務業合作區發揮先行先試作用，透過合格境外有限合伙人（QFLP）機制、香港工程制度試點、前海深港青年夢工場、前海聯合交易中心、深港數據跨境安全便捷通道等項目，以及港深西部鐵路等跨境基建規劃，促進香港現代服務業立足前海，並拓展內地市場。


229. 為促進粵港澳軌道交通協同發展，我們正全速推進北環線項目和港深西部鐵路（洪水橋至前海），目標分別在2034年和2035年開通，全面打通港深軌道交通網絡。

link: https://www.hk5yplan.gov.hk/2026-2030/tc/plan.html

link: https://www.policyaddress.gov.hk/2026/tc/policy.html

Danny.lin 發表於 2026-9-16 13:53
呢次施政報告同五年規劃一起出，兩邊都有提到交通相關內容， 節選提及鐵路之內容如下：

最新應該係洪前綫南延去機場，呢條應該係第一條用国标嘅線。唔知未動工嘅北環線有冇機會都轉用国标起，慳返啲錢。

又，比卡超重提青龍大橋下，洪前線南延有冇可能共綫過海間接令北大嶼山段四線化，AEL提早喺欣澳轉入新線，減少對TCL影響，新線去機場嘅車又可以用返依家嘅月台。

巴士的膠 發表於 2026-9-16 14:20
最新應該係洪前綫南延去機場，呢條應該係第一條用国标嘅線。唔知未動工嘅北環線有冇機會都轉用国标起，慳 ...

疑問：

1）「青龍大橋」一定係「公鐵兩用」嗎？

2）「洪前鐵路」不用兼顧「空側」過境用途嗎？（「內地同胞」於深圳出境後免入境香港而經HKIA而前往海外）

3）內地列車點樣行1432mm軌距嘅直流電LAR軌道？

4）打水灣（欣澳）附近點樣俾洪前鐵路南延段與LAR進行高程切換？ 我會覺得，「洪前鐵路」南延至機場，可能都係用鑽挖機由望后石下穿龍鼓水道去港珠澳大橋人工島，可能仲實際。（雖然「高壓鑽挖」喺工程上係「最後一刻」先至會用嘅方法）

如果係洪水橋至欣澳，倒不如喺青龍大橋劃巴士專線先啦！

TYChow 發表於 2026-9-16 18:00
疑問：

1）「青龍大橋」一定係「公鐵兩用」嗎？

       糾錯，你嘅回復有幾個points唔啱，首先1432mm路軌雖然僅前地鐵系統有，但南港島綫、觀塘綫延綫、東涌綫延綫都係用1435mm標準路軌，就差3mm喈，觀塘度都冇見M-Train行出乜問題？只要綫路界限支持，有乜怕咧！按標準來就得；其次，本港只有前九鐵嘅重鐵系統「高鐵、屯馬、東鐵」用AC25kv！前地鐵系統均用DC1500v。港深西部鐵路都降速到120km/h，深圳肯定唔畀佢用AC嘅，120嘅AC市域車比DC貴好多喔，check下內地啲地鐵購車招投標就知，寧波地鐵10/12號綫部車都使咗幾億喇！平平地叫深圳中車砌部DC市域A車就夠喇!

港深西部鐵路無論如何一定牽涉到過關問題，大概有以下解法：
A. 兩地各自行車，深圳灣口岸一站兩檢，人過、車唔過，但可以留互通軌道；
B. 若有需要開行直通車，香港機場、深圳機場站需連接airside（深圳機場要連接國際線？越諗越複雜），直通車只連接港深機場，不停其他站。為盡量提供方便，免除乘客辦理香港入境手續，所以要「閉環」。
（註：上述概念不影響港段是否進一步延至港島）

其他設關方案好似都太過複雜及小題大做，萬一需求不足就浪費資源。

條線應該會駁穗深城際，但究竟係直通定只係交匯站我唔清楚，如不連通可以用直流，慳成本但通達性會打折扣。

其實所謂連接兩地機場好多時只係規劃方一廂情願：真正要搭飛機的人，即使要轉機，都會揀同一個機場轉而唔係落地搭火車，成田羽田、関西伊丹都夠麻煩啦，而且人地同一國內都唔會特登開設不入境轉機服務。

香港人若要去深圳搭飛機（內陸線較多或國際線較便宜），帶埋回鄉證就得，預先過關意義不大；唯一可能較方便內地人來香港搭飛機，唔使申請香港簽證，可以直接出中國關，到達港方airside上飛機，但市場有幾大就唔清楚。

DIH 發表於 2026-9-17 16:19
港深西部鐵路無論如何一定牽涉到過關問題，大概有以下解法：
A. 兩地各自行車，深圳灣口岸一站兩檢，人過、 ...

中央同廣東省政府都應該有一派领导係唔鍾意CX食大份HKG轉機客
CX點解咁多「問題陸客」玩到米果明明繁簡一樣都要寫兩次，CZ MU就從來無見過投訴會上新聞，甚至MU玩到副機自殺全機人陪葬都㩒住唔畀輿論發酵，都應該同背後勢力角力有關

所以上面點都會谷香港去拉西部外走廊接駁機場，仲要盡最大可能方便深港轉機，當然同意未必做到嗰班人想要嘅效果

巴士的膠 發表於 2026-9-16 14:20
最新應該係洪前綫南延去機場，呢條應該係第一條用国标嘅線。唔知未動工嘅北環線有冇機會都轉用国标起，慳 ...

去機場行望后石直接好多喎


無端端兜埋青龍頭做乜鬼，你仲要用埋青龍大橋，咁條鐵路要拉高咁多，剩係景觀問題沿綫居民都唔放過你啦

仲有過咗去大嶼山又點轉返落去？有無咁多位起引道？中間唔整站咁拉過去做乜？

最後問埋你一句，咁樣兜法，乘客嘅時間唔值錢呀？

jpoon 發表於 2026-9-20 04:44
去機場行望后石直接好多喎

點解會想經欣澳/青龍最主要都係想分流去維港都會區嘅乘客用新線
如果直接行望后石，大部份市區客應該會喺洪水橋轉屯馬綫

jpoon 發表於 2026-9-20 04:44
去機場行望后石直接好多喎

架車行120kph行青龍大橋應該係爭幾分鐘，而純公路橋同公鐵兩用橋差幾多就更加難以觸摸。如果北嶼段四綫化咗，加上欣澳站後近青馬收費廣場起一組環型引橋/隧上青龍大橋，理論上可以開到東涌-前海灣、博覽館-前海灣，參考返青馬大橋段理論上做8AEL+16TCL每小時，兩個去前海灣嘅交路做到最少8+8班車參考大西北AE線個客量，絕對比齋吹轉機客具可行性。一條公鐵兩用橋亦都平過再喺望后石搞深海鑽挖。