梨木樹巴士不便利居民 區議員：多年無車出尖沙咀

10598C 發表於 2018-12-9 15:58
冇爬文純粹搭嘴一句

南行行九龍公園徑，停北京道站位都唔算差

停半島行中間道出九龍公園徑，叫做半解決咗尖沙咀
但我覺得行九龍公園徑差，著眼點其實係佐敦
南行喺落車站位唔咁重要既情況底下，尚且可以叫人從渡船街/甘肅街行返入去
北行行九龍公園徑，等同放棄成個佐敦
而佐敦客源本身就唔係少得過尖沙咀好多，有西鐵競爭下就更加重要

如果紅磡荃灣有其他解決辦法
我唔會傾向放棄半個尖沙咀同北行佐敦客去做紅磡

castanopsis 發表於 2018-12-9 05:01
上面講既32A/X方案，九巴唔肯做其實好正常
象石梨木樹直飛旺角，夠唔夠客真係好成疑問

其實九巴肯重組呢頭至西九龍的巴士線的機會不大，只係區議員臨下年區選來宣傳政績，龍運遲來肯主動搞去機場線已經偷笑。

Del

castanopsis 發表於 2018-12-9 16:19
停半島行中間道出九龍公園徑，叫做半解決咗尖沙咀
但我覺得行九龍公園徑差，著眼點其實係佐敦
南行喺落車 ...

That said 我覺得土瓜灣紅磡來往葵荃巴士線開到嘅機率都好低，梨木樹議員要求有尖沙咀巴士，重組上葵巴士比36X全日機會比較大

castanopsis 發表於 2018-12-9 16:08
如果西約同梨木樹夾開尖咀線
我會建議尖沙咀走線大致跟260X，但回程唔屈返落佐敦道直接跟280X行
至於條線 ...

如果要經梨木樹出，我明你建議概念係好但細節位好易出事

我地都唔係唔知梨木樹議員特別鐘意要求堆線入總站㗎啦，尤其是當重組會搞着樓下36A/B嗰時
一入總站，即使時間未必話多好多，但石圍角同再西面嘅麗城都嚇走唔少客

加上葵涌道天橋係不連接青葵公路，梨木樹尖沙咀特快，只係行到西廊，但西廊落橋後渡船街有幾塞車，顯而易見
西九龍公路出，至少可以過咗西九龍站先開始塞


我認為除非尖沙咀特快可以幫助九巴搞中價月票網絡 (例如新西往來紅工)，或者作為陰乾深長荔車時長少客線嘅交換
否則都係流於三幅被而已
哪怕30X旺角特快，都唔太係想真心搞好個網絡
而北葵涌真係先専心搞好35A/X好過

Ricky403 發表於 2018-12-9 22:47
如果要經梨木樹出，我明你建議概念係好但細節位好易出事

我地都唔係唔知梨木樹議員特別鐘意要求堆線入總 ...

以西面嗰幾座出巴士總站都要行一段路嚟講，要佢哋行埋出邨又好似真係「越來越過份」，須知當年舊站係喺正邨中心。

而且站外面一條直路，如果無紅綠燈 hold 住班車，ETA 失準度會提高 (即係有機會佢話 2 分鐘而其實架車已經走咗)

個人認為，要啲拉長咗嘅線唔入總站，俾我係黃家華都唔肯。咁陳琬琛係佢大佬，亦斷無贊成之理。

我唔係唔知直去對石圍角客利多於弊，但上面啲嘢亦係現實，唔可以一刀切話嗰兩個區佬唔啱，因為行出幾步有行出幾步嘅問題，建議者有責任作出合適補償。

castanopsis 發表於 2018-12-9 16:19
停半島行中間道出九龍公園徑，叫做半解決咗尖沙咀
但我覺得行九龍公園徑差，著眼點其實係佐敦
南行喺落車 ...

我反而認為來回行九龍公園徑+紅繞最大問題係鐵路最唔到嘅尖沙咀北面完全食唔到
佐敦都係其次
大半個新界西出尖沙咀有西鐵嘅情況下，除非平過西鐵唔少車程又算穩定，否則近西鐵站位嘅尖東海皮、中港城、港威係好難分到客
固然如果係駁西鐵唔順路嘅北葵涌做尖沙咀特快，尖沙咀疊正西鐵行都還可以，但荃灣要做尖沙咀特快，必定要開拓兩邊都比較遠離鐵路站嘅客源

喺呢個情況下，我相對prefer尖沙咀方向行廣東道+九龍公園徑+漆咸道南，或唔信邪就跟280X殺入柯士甸道，經彌敦道出永安廣場 - 廣東道轉入去塞少個路口，左轉燈長，情況會比280X九龍站塞入去好
當然如果梨木樹唔知又聯邊區玩尖沙咀特快，that's another story

238X 發表於 2018-12-10 17:03
以西面嗰幾座出巴士總站都要行一段路嚟講，要佢哋行埋出邨又好似真係「越來越過份」，須知當年舊站係喺正 ...

嗱其實我都只係point out castanopsis站友提議嘅重組方式一個可見limitation而已
對於「梨木樹議員要求過路線入總站」呢樣野我係冇表達到意見

而梨木樹西某幾幢巴士站唔就腳嘅問題，似乎無解，就算多啲線兜入總站都只係緩兵之計而已
況且又難保某啲人拋啲「本來已經行咗咁多，再行多10%有冇咁難」嘅理論

不過，如果真有呢個問題存在，係咪往後重組建議可以更多地考慮梨木樹開逆走石圍角荃灣東呢？

Ricky403 發表於 2018-12-10 17:15
嗱其實我都只係point out castanopsis站友提議嘅重組方式一個可見limitation而已
對於「梨木樹議員要求過 ...

梨木樹總站無坑可以係一個問題。
如果只係兜入總站而唔係泊喺總站，理論上可以用 36 條坑。

238X 發表於 2018-12-10 17:03
以西面嗰幾座出巴士總站都要行一段路嚟講，要佢哋行埋出邨又好似真係「越來越過份」，須知當年舊站係喺正 ...

梨木樹巴總重建時，都無預梨木樹有新線，完全按重建時的巴士小巴路線來起總站。區議員叫啲新線駛入總站都無意思。