九巴HK2取消

AtrHenu 發表於 2026-9-1 14:45
其實HK2學W4擺膠鐵落客站應該會好D,不過走線無得行尖嘴內街下都應該唔夠客拘多.

擺故宮博物館門口先有用，西九入面就係打卡點，打完卡順便坐開頂打住卡返出去佢哋肯俾錢，而且開頂線就係要兜路先值錢，佢兜埋果欄先出尖沙咀都未遲。

Man@MFHK 發表於 2026-9-1 18:21
擺故宮博物館門口先有用，西九入面就係打卡點，打完卡順便坐開頂打住卡返出去佢哋肯俾錢，而且開頂線就係 ...

當博覽館碼頭架富裕小輪架M+的士都多人到識用較大的富裕強興號去清客下巴士仔黃鬼堆觀光車停正故宮門口的確唔困難,反正去M+堆遊客都唔識行去園方地鐵站或者西隧轉車站坐905,914,960,968,978,970,973,976,969,967,930呢堆線去其他地方遊覽.

Man@MFHK 發表於 2026-9-1 18:05
其實無論第一張定第二張都有人喺樓下。
而且我要表達嘅係就算閒日落雨都有咁多人搭，正常好天週末點解你會 ...

第二張相根本睇唔到下層咩境況，正常下層就得小貓兩三隻，比盡你夾埋都係得 20 個，離上層半滿 30 個都唔係近喎

而且你走去計下層啲客但就唔計下層啲空凳？

AtrHenu 發表於 2026-9-1 20:06
當博覽館碼頭架富裕小輪架M+的士都多人到識用較大的富裕強興號去清客下巴士仔黃鬼堆觀光車停正故宮門口的 ...

嗰度行去西隧定圓方都唔容易，本地人可能都要查地圖，何況係遊客。
所以我一直唔明九巴諗乜，開HK2唔擺故宮博物館門口又唔擺M+寧願擺九龍站，仲要唔經，但HK1又識得兜入去。

KE7066 發表於 2026-9-1 20:14
第二張相根本睇唔到下層咩境況，正常下層就得小貓兩三隻，比盡你夾埋都係得 20 個，離上層半滿 30 個都唔 ...

正常搭開頂就唔會走去坐下層，雖然我都見過，但如果好天正常都係上樓上雅座。落雨我就當佢落樓下避雨，咁唔合理？
你覺得唔近，我覺得近，無乜好爭論，而且我都講咗要表達嘅係就算天氣唔好都有咁嘅客量，點解你會覺得好天嗰陣無客？
我就見過不下幾次好天出晒太陽嘅HK1真係得小貓三兩隻，就算我係座上客嗰次都只係同上面城巴H1落雨嘅客量相約，咁都唔叫差過城巴？

Man@MFHK 發表於 2026-9-1 22:55
正常搭開頂就唔會走去坐下層，雖然我都見過，但如果好天正常都係上樓上雅座。落雨我就當佢落樓下避雨，咁 ...

1. 如果單純係對何謂一半標準唔同，近唔近當然係無嘢好爭論，但你呢啲係誇大其辭去自圓其說；按張相數人頭去估算都可以咁大落差，點信你口講嘅數字？


2. 點解「我會覺得」無客好簡單咋嘛，咪就係見過 H2 無客，最極端慘到下層可見嘅得一個都見過添：

而且強調返，我唔係覺得 H1/H2 無客呀，我上面都講咗好多次我見過 H1/H2 係好好客嘅
只係話佢城巴有最少八成入座率（再下修到落雨有一半），完全忽視佢係有遊街情況然後再話 HK1 無客唔公道咋嘛

甚至根本出太陽烈日當空先係業績最差嘅日子，星期一落完雨又唔晒反而仲有機會好啲，圖中條街都無幾個擔遮即係過晒黃雨落得最大嗰段時間啦

KE7066 發表於 2026-9-1 23:38
1. 如果單純係對何謂一半標準唔同，近唔近當然係無嘢好爭論，但你呢啲係誇大其辭去自圓其說；按張相數人頭 ...

其實你係都要搵啲運櫈嘅相出嚟證明觀光城巴無客有乜嘢意義？
根本佢有客係正常除咗巴迷唔會有人特登影佢爆客嘅相，所以我見到嘅嘢同你見到嘅嘢都可以係無證據，但我隨手路過中環都可以影到幾張有客嘅H1相，仲要係落雨嘅星期一。
你擺張H2無客相出嚟，我都已經講咗H2實際上傍晚臨收工先多客，根本佢時間表係有問題，加上佢同HK2一樣又係唔入尖碼，已經輸一半，唔係一早耕耘儲到一班客佢一樣係輸。
如果要統計，正如我前面都有講，根本就唔會單獨抽某條線出嚟睇，而係睇兩家各自嘅成盤開頂生意嚟睇。
城巴雖然無正式公開過佢開頂盤數，但上年已經公佈過七個月超過50萬客，計返即係每日超過2300人次，就算計假日出到50班車都已經過八成客(上層)，如果只跟時間表開直頭係爆廠，所以係咪真係咁難理解？

Man@MFHK 發表於 2026-9-2 01:21
其實你係都要搵啲運櫈嘅相出嚟證明觀光城巴無客有乜嘢意義？
根本佢有客係正常除咗巴迷唔會有人特登影佢爆 ...

1. 你自己都識講「啲運櫈嘅相出嚟證明觀光城巴無客」，點樣叫無證據？係一張相唔會有簡單結論咋
有咩意義？你前面話「城巴嗰啲無坐滿都有八成」嘛，張相咪證明緊城巴嗰邊客量唔係一句可以比較到然後攞兩個極端嚟話 HK1 無生意
不如問你貼「接近半滿」（實際上得十幾個）嘅相係有咩意義？打臉自己？
我一早話咗見過 H1 H2 爆㗎，我唔係話 H1 H2 全日好似 HK2 咁遊街㗎，呢點 #141 應該已經解釋得夠清楚啦掛？

2. 你前面係質疑 HK1 日遊未做起未企穩，意即其實夜遊做起咗無問題，咁你攞包埋 H2K 嘅數去比較係反映到 H1-H4 啲咩？
從來講城巴 H1 H2 只係解釋 HK1 無客個景況唔係獨有，唔係為求比較
要攞數九巴自己都話今年新年五日做咗超過兩萬客，唔係輸城巴 25 年五一五日過三萬好多
如果攞成盤生意嘅數對討論 HK1 日遊有意義嘅話，以你邏輯咪應該要係做起咗囉，「所以係咪真係咁難理解？」

3. 你咁執著「成盤生意」咪「隨手影下」平日 H3 「有一半客」嘅相出嚟討論，反正你攞住張相都可以報大數，無相就唔洗討論啦

最後，其實你前面認咗 HK1 週末下午未開夜遊已經會多客已經完咗㗎啦，唔洗曬時間走去離題拗觀光城巴好唔好客
根本我從來都唔係覺得 H1 H2 唔好客，只係見過好多次呢一組線都係同 HK1 一樣會有時間係吉車遊街，係唔知你點解明明係理解呢樣嘢（前面 #147 都話「呢啲線客量唔穩定本身就係正常」）會發生但又要死拗爛拗

KE7066 發表於 2026-9-2 02:48
1. 你自己都識講「啲運櫈嘅相出嚟證明觀光城巴無客」，點樣叫無證據？係一張相唔會有簡單結論咋
有咩意義 ...

車外相就無喇，HK1同H3座上客嘅相我就有嘅，係影唔晒全車人㗎喇，但至少都係同一個星期一下午時段有啲可比性，架H3應該唔會就係得圖中四個客連埋我五個客啩？



HK1日間未企穩係事實喎，同城巴多唔多客有衝突？
你拎九巴一個新年嘅客量同城巴五一比係咪搞笑？基數細唔在講，仲要唔同日子。
城巴日間線仲有H3、H4，論走線論客量都好過HK1，加埋H1、H2，點睇城巴嘅開頂生意發展都係比九巴成熟。
九巴除咗HK1夜坐滿，日頭佢有幾可會坐滿？