61M乘客沒有按鐘導致無法落車後責罵司機

DR2458 發表於 2026-4-29 21:36
平心而論，司機原則上無錯
但揸開61M呢個時間都知呢個站一定有人落車，而且望個鏡同cam都唔難見到一大班人 ...

咩叫一定？我試過10年前坐紅隧車呀紅隧冇人上落呀！

呢個世界從來都唔會一定會或者一定唔會囉

JX9097 發表於 2026-4-29 22:55
「如要落車 請按鐘一次」
個個都唔㩒鐘，成班客都姓「老馮」

但其實轉車站既話


倒轉講唔應該ASSUME無人轉(上)車

自己試過瑪麗想轉車
睇過ETA係可以即轉
點知一落車見到自己想搭個架
見無人落車直接走左

然後成10幾分鐘都無巴士行過

不過講炒作都係落唔到車好炒D

kay 發表於 2026-4-29 23:04
但其實轉車站既話

片段睇唔到司機有無喺經過轉車站嘅時候慢駛又或者車站上根本無人等車
太多可能性，所以就唔評論喇

但無㩒鐘就肯肯定係個客嘅問題

kay 發表於 2026-4-29 23:04
但其實轉車站既話

做乘客有義務要令車長知道佢係要上車/落車，而方法就係上車要遞手截車，落車要到站前落鐘。

如果乘客冇做到應做嘅步驟，咁司機點知道你上車/落車嘅意圖呢？
根本就唔關轉唔轉車站事，點解轉車站一定會有人上車或者落車？如果咁啱2者都冇嘅，咁司機點解唔可以直接飛站？

kay 發表於 2026-4-29 20:04
睇返以前差唔多案例

次次都係司機比人鬧

好簡單，因為本身香港職場文化係咁，同乘客指引唔同。
鬧車長嘅，原因某程度係「缺乏職場素養」，即係唔夠醒目、唔識變通。
但實際上，乘客有義務落車前係要㩒鐘，包括乘客口中嘅「大站」亦然。


可能我算好彩，次次去到「大站」都一定有人㩒鐘。
就算冇人㩒鐘，司機都識主動埋站落客，唔會去到飛站。

kay 發表於 2026-4-29 23:04
但其實轉車站既話

我試過喺欖隧轉A43P北行方向。
站位喺落客站後面，但幾架巴士落緊客，再後面見到A43P埋站。
我企喺其中兩架巴士中間位睇住，點知真係見到A43P抽頭想飛站。
唔知係咪喺側邊見到我截車，跟住去到265M個站位先開門，我再急急腳跑上車。

YP5520 發表於 2026-4-29 23:12
做乘客有義務要令車長知道佢係要上車/落車，而方法就係上車要遞手截車，落車要到站前落鐘。

如果乘客冇 ...

如果我落車無縫轉車

你教我點樣截車?

你好似無搞清楚我條題

同埋好似你所講
如果架車無人落車
前面排長龍入站
司機ASSUME無人上車走人

咁一定好多司機唔埋站
但事實就似乎唔係LOR

ASSUME無人上車係不合理假設
你當我拎rarely case出黎講都係咁講

tommy14D 發表於 2026-4-29 20:47
點會搵唔到， 向上望已經見到

你醒姐，唔好假設全世界都咁醒

kay 發表於 2026-4-29 23:46
如果我落車無縫轉車

你教我點樣截車?

所以話香港嘅巴士公司制度上根本未做好轉車大法嘅準備

屯轉一來沒有棟必停站呢個牌，
二來沒有設定時點，
因此和普通車站一樣，冇人按鐘冇人等車就可以飛，

唔記得撳鐘算少事，個司機突然快左慢咗，轉車客又追車尾先係日常。

日本雖然傻到每班車每個站編哂時刻表，部巴士早左到站都要等到夠鐘再繼續，
不過轉車客一定容易掌握，起碼查到點樣轉車唔會送車尾

TA7343@N241 發表於 2026-4-29 23:36
好簡單，因為本身香港職場文化係咁，同乘客指引唔同。
鬧車長嘅，原因某程度係「缺乏職場素養」，即係唔 ...

以前返工城隧轉車，我落車自己都未必會次次望係咪已經按左鐘

試過兩三次真係無人按鐘，但好彩司機都會照停落客區，當然除左我有二三十個人落車


作為一般乘客，萬一司機真係飛站，我唔會走去鬧司機，因為的確係我地既責任，但係坦白講，如果係繁忙時間日日同一班車都有幾十人落車，而大家已經企曬樓梯等落車，司機飛站，我好自然都會覺得司機有心玩野。

但我唔投訴唔代表其他乘客唔投訴，但如果件事搞到高層，即使司機跟足程序，一樣都可以有麻煩
就算無麻煩，得罪曬日日搭同一班車的熟客都唔見得好爽

而所謂大站細站，我睇法係以今次61M屯轉呢個CASE，即使最後真係無人落車，司機照停一停開個門confirm無人落再開車，我唔相信有任何乘客會覺得有問題

司機最重要都係服務乘客啦，呢個時間大家都係趕住返工，如果司機明知呢個站好大機會有好多人落車，而大家已經企曬門口等落車，都要飛站，我都會懷疑司機係咪真係想服務乘客，定係有反社會人格