我就認為13搶2A客搶極有限.
深水埗開出, 麗閣邨至北河街重疊, 但之後13會兜出去深旺道, 淨係燈位都夠玩死, 路程長咗太多.
跟住, 出到旺角, 13停旺角道同98C 213D同站, 2A就停先達, 正常係等架又平又密啲兼返到總站, 去樂華南邨13落車要過隧道, 冇2A總站過對面咁直接.
亞皆老街客本身就唔多, 去新蒲崗 啟業 淘大已經一堆線, 太子道東起返樂華有2A 28, 呢幾個地方都係睇有咩車嚟, 仲要唔理價錢牌先上.
另一方向, 樂華總站定時有車開, 可以坐住等車, 去深水埗又係2A較快較平, 只係去旺角重疊, 南邨要睇啱時間去等車, 樂雅苑就咩車嚟上咩車, 但又要諗下安達臣 秀茂坪開到落嚟咩客量, 安達臣恨咗咁耐, 有冇番咁上下客量支持, 令下游難上車, 或者下游根本唔想同人逼而搭番2A.
落到淘大已經有2A 13D兩飛, 要所謂「搶」2A客, 13D一早做緊, 但實際「搶」得幾多? 講搶嘅地鐵搶得仲多, 而落大角咀就好少人等13D, 多數識出番觀塘道等16, 所以就算13 13D聯合班次, 都係搶唔到幾多, 啓業邨開始都唔駛再分析.
曉光街-淘大之間同1A 13X比更有競爭力, 不如諗下呢段路先. |
