研討72A/73/73A/75K大埔區內定線

先講72A，北行廣福道同榮暉花園之間一個站都冇，兩個站出奇地遠，走線類近嘅75K起碼多寶鄉橋一個站，而就算72A南行都有大埔舊墟公園、寶鄉橋兩個站。其實係咪應該起碼加返寶鄉橋一站，甚至考慮停埋安祥路，方便乘客去埔中。

73喺大埔區內兜得好勁，但我明白太和至廣福道段要同73A夾聯合班次，之後又要兼顧粉南、大窩西往返太平工業中心嘅需求，可見改動空間實質唔大(何況九巴已安排73非繁埔中止步)。當然，如果有版友有精簡73走線嘅好建議，亦歡迎提出。

我反而諗73/73A係咪應該跟64K/72/74A圍住八號花園n字型咁行。宜家兩線只停大埔舊墟公園/林村河畔，其實對埔中乘客係唔方便。如果跟64K/72/74A咁行，由粉南、大窩西、火炭等地往返埔中相信會更便捷。當然，車程就會長啲。

75K宜家又係唔入埔中，只行外圍嘅汀角路，結果同海量20系小巴走線重疊。其實宜家汀角路三門仔以東段同埔工好似冇巴士深入埔中總站一帶(74K只經埔工邊皮)，75K可唔可以考慮喺埔中一帶改跟74K行法，或者起碼入安慈路、安祥路，開拓客源？

歡迎討論

停安祥路理論上係方便大埔中心同翠屏一帶,
但係唔贊成推哂 72A, 73, 73A, 75K 入去
始終安慈路同安祥路隨時一多車就塞
安祥路又唔係闊
同埋榮暉花園個站去大中翠屏都只係一兩個街口,
亦方便到大埔舊墟的居民


所以我認為維持現狀就最好

TP人 發表於 2019-8-4 18:28
停安祥路理論上係方便大埔中心同翠屏一帶,
但係唔贊成推哂 72A, 73, 73A, 75K 入去
始終安慈路同安祥路隨時 ...

冇話要推曬入去嘅
72A就冇咁需要

我覺得最需要係最多生客搭嘅75K
因為生客唔識行入埔中

好多人喺大美督玩完一日
想出大埔食晚飯
但你搭75K行汀角路，班客根本唔知埔中喺附近
結果大部份人都係餓住肚搭足九個字75K，先去到冇咩嘢食嘅新達

如果75K入埔中，相信方便到唔少遊人，亦方便居民返歸

而73/73A嗰度，最大問題係林村河畔個站偏啲，同樣，非熟客根本唔知點行去埔中/喺埔中行過去

75K咁改法72c隨時摺得

keith2314 發表於 2019-8-4 18:58
75K咁改法72c隨時摺得

72C可以改行75K原線，令上繁汀九路沿線有一班車去到太平工業中心

delete

tzuyu.taiwan 發表於 2019-8-4 18:48
冇話要推曬入去嘅
72A就冇咁需要

73 73A做大窩西客, 生客冇乜, 就算生客喺埔中, 佢自己都冇sense知道自己喺邊, 隨時佢認為廣福道仲熱鬧同多嘢食過埔中, 埔中有73 73B, 個客揀啱車就會去到埔中.

至於講大埔區邊度多嘢食, 舊墟平安里一帶 廣福道大明里一帶 大埔墟街市都應該出名過大埔中心, 又係嘞, 生客點知自己喺大埔邊忽, 然後佢又點知大埔中心多嘢食呢, 75K安慈路落車就係埔中同舊墟中間, 想食咩都方便, 與其話唔兜入埔中一帶吸客, 不如加報站提示: 前往大埔中心一帶乘客, 可在本站(安慈路)落車.

同20系綠小重疊問題, 自從有ETA後, 75K舊墟附近多左人上車入汀角路, 亦可能係入面多左人住啦! 但係改左75K入埔中嘅話, 熟客就點都係企汀角路等車, 75K客量係咪會因為經埔中而有可觀增長, 呢點有保留.

大埔中心無論幾時, 車一多少少就散唔切, 好容易就影響到十字路口另一方向嘅行車, 例如話由埔中總站轉右出安慈路西行, 呢段路前面有乜差池, 巴士轉唔晒出十字路口, 影響其他車輛由安慈路東行轉入南行, 頂到差唔多安祥路, 對之後要入安慈路東行嘅車又有影響

安慈路/安祥路交界無論私家車 貨車 巴士都唔少, 猶幸已經分走左部份往富善 富亨巴士特定時間唔入埔中總站, 要不然安祥路會更加擠塞, 埋站更費時. 當你塞左72A 73 75K是旦一兩條入安祥路, 對客量增長影響有限, 但車程不減反增下, 對熟客選乘甚麼路線取態的影響更深, 呢點更需要關注.

EX-TL 發表於 2019-8-4 19:26
73 73A做大窩西客, 生客冇乜, 就算生客喺埔中, 佢自己都冇sense知道自己喺邊, 隨時佢認為廣福道仲熱鬧同 ...

宜家就係73喺超級城上車要兜大圈，而73B服務時間太短，存在感太低

一般區外人點知大埔美食喺邊，但當部車駛入埔中，啲人見到有人流、有食肆、有商場，自然就識落車。相反，搭親75K返大埔墟站，沿途係唔會搵到大型商場，只有零散嘅食肆，當然唔會貿然落車

至於埔中塞車問題，我都同意係值得關注。所以我唔會建議四線入曬去

73 不應經太平工業中心 大埔政府合署落車行仲快 運頭角里後跟K17行 去大埔中心不用上橋 車程又快d 省時上那打素好過

對外人嚟講
食嘢行街淨係識大埔中心, 新達廣場
而唔知大埔墟既食肆唔會少得過呢兩度

仲有
本身經安祥路既路線都夠晒多
尤其安祥路兩邊巴士站
一大堆路線要埋個站
仲要幾乎條條線都要最少停成分幾兩分鐘上落客
實在唔適宜再踢線入去停安祥路