過海路線101X改路消息

暫定由2020年12月28日起，過海路線101X下繁往觀塘方向，將加停德輔道中，金鐘道，太子道東（彩虹，坪石），觀塘道，不經紅隧口，機隧，九龍灣和牛頭角道。

101X 下繁往觀塘方向改道後暫定站位安排如下：

1.        堅尼地城
2.        西市街，域多利道
3.        爹核士街，吉席街
4.        西祥街，堅彌地城海旁
5.        皇后大道西，德輔道西
6.        山道，德輔道西
7.        均益大廈第二期，德輔道西
8.        西區警署，德輔道西
9.        正街，德輔道西
10.        東邊街，德輔道西
11.        修打蘭街，德輔道西
12.        林士街，德輔道中
13.        砵典乍街, 德輔道中
14.        皇后像廣場, 德輔道中
15.        金鐘站，金鐘道
16.        山谷道，漆咸道北
17.        彩虹邨，太子道東
18.        坪石邨，觀塘道
19.        啟業邨，觀塘道
20.        九龍灣站，觀塘道
21.        牛頭角下邨，觀塘道
22.        觀塘道休憩處，觀塘道
23.        牛頭角站，觀塘道
24.        觀塘（裕民坊）
同時開車時間會改為 1755 及 1810

ATS131@45 發表於 2021-2-7 13:37
老實講, 東九龍走廊塞車我係超級開心同好心涼, 但唔可以因為橋上面塞車而影響上路交通, 即係話橋上面可以 ...

蕪湖街改1綫，當年好似係為咗畀機士利南路嘅長車可以左轉？
見過有貨櫃車左轉都牙晒幾條行車綫
不過而家連中旅協記貨倉都拆埋，應該都唔會有長車用吧

dennis28a 發表於 2021-1-13 00:46
都係果句，作為橋上既人可以話比你知，點解佢地要頂住條 2-3 線，
就係因為 1 線入蕪湖街既車死都唔讓， ...

老實講, 東九龍走廊塞車我係超級開心同好心涼, 但唔可以因為橋上面塞車而影響上路交通, 即係話橋上面可以繼續塞, 而上路係唔可以俾橋上面影響到而塞車
點解心涼? 因為機隧口南行唔俾整巴士站

洗鬼搞咁多, 我同運輸署提議過以下改動好少既建議, 但佢地乜都唔做, 由得d車繼續塞:
1) 蕪湖街東行 近機利士南路交界 1線改為2線, 以避免車龍頂番出上路
2.1) 上路同東九龍走廊交界後加黃格, 過埋巴士站附近再加多一個黃格, 方便車輛可以係塞車時, 用快線cut番出去3/4線(即東九龍走廊1/2線)走人 [Ref:告士打道西行由上紅隧條線, cut去鴻興道咁]
2.2) 黃格加時, 同時加交通燈, 目的同上 [但呢個建議會影響埋非繁車流, 我唔打算做]

據了解，巴士公司決定落實改動時，取消停金鐘道分站。

Ohm 發表於 2021-1-12 21:49
其實唔係平治街塞埋站，係畀東九龍走廊落橋嘅車頂住哂
而家巴士班次算少啦，但朝早漆咸道北又咪係要由石 ...

都係果句，作為橋上既人可以話比你知，點解佢地要頂住條 2-3 線，
就係因為 1 線入蕪湖街既車死都唔讓，大家咪攬炒。

然後咪發生之後既事，落橋爭線，平治街巴士出站爭線，橋上橋底一樣塞車。

你試下禁止東九龍走廊既車左轉入蕪湖街，即係佛光街天橋底 2 線唔比切入 1 線，睇下會唔會立竿見影？
依個政府如果有心，就一早考慮起條支橋由東九龍走廊駁去佛光街落橋斜路，再修改和衷街設計。

無錯，東鐵紅磡站會搬落地底，紅隧巴士線應該果一刻會陣亡。

dennis28a 發表於 2021-1-12 20:58
問題係弊在橋面、機隧慢車多問題日益惡化呢。
以前 8 點幾機隧有幾可準備塞，橋面早繁 9 點幾龍尾有幾可 ...

其實唔係平治街塞埋站，係畀東九龍走廊落橋嘅車頂住哂
而家巴士班次算少啦，但朝早漆咸道北又咪係要由石塘街開始龜速行駛，講真個平均車速真係同大型陸龜無分別
不過反而屯馬線通車，東鐵紅磡站係咪會搬埋落地底？如果係嘅話就可以減少紅隧轉車客，唔使呆等靜候貴賓上車

cong 發表於 2021-1-12 20:12
平治街塞埋站+紅隧車龍+東九龍走廊落橋打大交, 日日都塞咁耐, 反而早少少8點左右係唔塞 ...

問題係弊在橋面、機隧慢車多問題日益惡化呢。
以前 8 點幾機隧有幾可準備塞，橋面早繁 9 點幾龍尾有幾可到煤氣鼓？
橋面越黎越多車係事實，一日比一日離譜。

另一個問題係，平治街塞埋站問題屯馬綫一通，
大把巴士自然人頭落地要大減班，起碼見到曙光。

dennis28a 發表於 2021-1-11 22:16
大把人都唔係住喺巴士站隔離。
但問心，創業電車路下繁去 APM 出埋閘，行得幾慢都只係 45 分鐘。

Nonono，錯晒。。
西官嘅車隊問題係十幾年前已經出現，完全無得賴黨鐵同塞車
首先你要知道生意呢家嘢係好飄忽，今日好多客，聽日同樣時間可能拍唔夠客煲極都差兩三個
呢隊人最唔化嘅地方就係差兩三個死煲爛煲，啲行家（例如西環弼街）根本都唔係咁
我自己親身試過差兩三個但喺南雄等差唔多半個鐘先齊腳開車
大佬，本身部車已經夠生意但賴死唔走，啲客咪怕怕囉
想上滿佢唔係錯，起碼佢要識得郁，南雄差幾個咪碌一碌美新樓均益囉，可能有客架嘛，無客咪由佢囉，反正夠錢過海，何必呢
畀呢隊人玩得十零年，啲客直頭聽到「觀塘」兩個字都怕怕，直頭無必要都唔想去，咪無客囉

JX9097 發表於 2021-1-12 10:31
原來柴官都冇乜肉食？
仲諗住黨鐵要爬鰂魚涌站兼轉兩次車
而606系又做到咩咁

除開每部車執得唔多係真嘅，隊車個老細都話有人走，例如轉行揸的士
但絕對唔係「無乜肉食」，真係無肉食嘅話，晚間至凌晨兩點嘅服務大可以唔開

dennis28a 發表於 2021-1-12 19:00
依條線係靠行家去做兩繁，做到密一密去吸客。

但日間非繁因為唔想趕客，站頭等 10 分鐘左右要開車，拉上 ...

Not exactly
呢隊車日間中段都有幫車做兩三轉，之後去排第啲站頭，例如鵝頸同糖街
唔係淨係得繁忙時間先搵行家攝
你話官柴生意唔好，但轉 19 座之後有幫助，如果真係咁無生意，即係得繁忙時間嗰一兩轉架 19 座先發揮效用，但車租又貴咗，又有咩幫助
夜更 5765 咪就係換咗十九座 4974 之後生意唔好先轉行揸的士