長遠來講，九新城應該彷效大棠派車去流水響

郊野公園唔係必須要去，太多人去個生態未必承受到，唔去流水響仲有好多好地方可以去
我覺得係應該透過不太方便嘅交通，去變相限制該處人流，大棠同大東山就係太方便，如果好似下白泥、甚至東壩咁，相信唔少人規劃行程時都會有所考慮
而家香港因為無得去旅行，多咗好多忽然行山友，風吹去邊佢地就去邊，流水響熱潮過咗下次又唔知到邊架啦

kwn1029 發表於 2021-1-13 10:48
長遠來講，九新城應該彷效大棠派車去飛鵝山、蝦山篤、東壩、鹿頸、大石磨、大水管、掃管笏，

咁樣是唔是滿 ...

你嘅講法我部分同意
要巴士為咗熱潮入流水響無乜可能亦無需要，不過就算無新假期，52B小巴本身喺假日都不足應付郊遊客，因為呢條線本身不單只服務流水響水塘，仲有鶴藪水塘，上落八仙嶺、九龍坑山等等都或會用到52B，但目前嚟講都無乜有效解決方法
至於你話由東壩行去北潭涌、大東山落嶼南道，可能你唔介意，但我覺得呢啲路行嚟好浪費時間，東壩車路間中行一次就夠，當係一星路線，但硬掘2-3個鐘石屎路係好悶嘅事，當然由東壩離開係用錢就解決到嘅問題
我好怕見到有人話反正都行開山，點解唔直頭由xxx行去yyy（例如某區議員建議由元朗市中心行去大棠），一般馬路、郊野公園林道/水務通道、石屎梯級、泥路等等各樣行起上嚟係好唔同，如果用呢種句式，不如直頭由屋企門口就開始行，51、275R之類都唔需要