今朝的619

話說今朝7:45順天上619,轉落寧波第二中學站時,已經開始塞車,去到康寧道口,知道爆水管,不可右轉入康寧道,咁架車就一路落協和街,都唸住佢應該冇路返上樂華村,架車轉入裕民坊,以為佢會左轉落觀塘道埋站就過海,點知去到裕民坊尾,竟然右轉番上康寧道,我地好多人都好驚訝,此時已經係8:25,聽到下層有位女士同個司機投訴緊,個司機停埋一邊比人落車,我趕住返工,都落埋車行番落觀塘地鐵站.當時車上還有一個稽查,個女士就同個稽查講會投訴.
我都好激氣,改路唔係問題,因為爆水管,巴士公司都唔想,但如果路線係要咁樣兜法的話,應該上車前通知乘客,我地可以選擇唔上車,而家簡直浪費左我地時間,轉地鐵既金錢,由康寧道行番落去地鐵站路程也不短,仲有最慘既係返工遲到!

其實正路應該係協和街左轉翠屏道
於寶佩苑的迴旋處掉頭上番協和街

原帖由 atr 於 2007-4-27 09:21 發表
話說今朝7:45順天上619,轉落寧波第二中學站時,已經開始塞車,去到康寧道口,知道爆水管,不可右轉入康寧道,咁架車就一路落協和街,都唸住佢應該冇路返上樂華村,架車轉入裕民坊,以為佢會左轉落觀塘道埋站就過海,點知去到 ...

呢ｄ咪就係巴士公司唔識變通，一成不變，這情況下，為何不即時拆開２條線，一條去到觀塘就過海，一條就
由樂華才載客，假設全線有２０架車行，咁咪１０架飛左樂華牛頭角，１０架由樂華起才載客，咁咪大家都好
lor，巴士公司的思想簡直係「古老石山」，完全不懂靈活變通！

原帖由 asv21 於 2007~4~27 09:57 AM 發表
其實正路應該係協和街左轉翠屏道
於寶佩苑的迴旋處掉頭上番協和街

協和街亦不能左轉入康寧道，
今日只係可以由康寧道左轉入協和街。

當時係整個康寧道路口都封路,我都記得以前試過落到翠屏迴旋處掉頭返上去,但今次唔得.所以我先估佢冇路返上樂華.點知要咁兜.
914版友講得岩,應該分開部份車吉車去樂華載,樂華既客又唔使等我地呢d車塞咁耐先到,我地又唔使花咁多時間兜去樂華.我對於今次巴士公司好離譜.

你估突然小左一半車既時候, 會唔會又有人話:
「點解Ｄ班次疏左兩倍架？」

原帖由 atr 於 2007~4~27 10:04 AM 發表
當時係整個康寧道路口都封路,我都記得以前試過落到翠屏迴旋處掉頭返上去,但今次唔得.所以我先估佢冇路返上樂華.點知要咁兜.
914版友講得岩,應該分開部份車吉車去樂華載,樂華既客又唔使等我地呢d車塞咁耐先到,我地又 ...

我覺得佢咁行都唔係問題，
(不過真係好似914兄所講唔識變通囉)
最大問題好似你第一篇文所講，
無通知乘客囉......

原帖由 sa 於 2007~4~27 10:07 AM 發表
你估突然小左一半車既時候, 會唔會又有人話:
「點解Ｄ班次疏左兩倍架？」

你估乘客會接受到兜大圈，
定接受到班次少一半呢？

而且佢咁兜法，
行車時間增加，
到時咪一樣要拉疏d班次...

[ 本帖最後由 dennislokawai 於 2007-4-27 10:12 編輯 ]

原帖由 dennislokawai 於 2007-4-27 10:10 發表

你估乘客會接受到兜大圈，
定接受到班次少一半呢？

而且佢咁兜法，
行車時間增加，
到時咪一樣要拉疏d班次...

冇錯,咁樣兜法,班次一樣疏.
反而分兩邊車,都仲可以響最繁忙既時候維持到比較正常既班次.而家攪到架架車都要咁兜.

同埋最主要問題唔係佢兜路,係應該上車前通知乘客,就算唔詳細講點兜,都應該加句因為爆水管,將會大塞車.咁乘客已經可以有選擇啦.而家仲要衰到上番康寧道,上到一大半先有得落車行番落去轉地鐵!
的確我坐地鐵時,聽到有人打緊電話上九巴投訴緊.

要求九巴係咁短時間make decision 會唔會有d 過份??
司機同站頭都未必知道件事
skip 站都要問清楚可唔可以啦
仲有，唔好唔記得可以有人係由順利搭去樂華
[雖然呢個可能性接近0 ]

* 個路口好似成日都出事既？

[ 本帖最後由 teddybus 於 2007-4-27 12:06 編輯 ]