北港島線 東九龍線 最新項目進展

LH797 發表於 2023-1-21 21:18
其實當年政府講得出玩SWAP，就係因為ISL闊度係足夠AEL車去行。門距雖然有差別，但係照樣應付到幕門（只係 ...

銅鑼灣都今非昔比，唔起站都未必好大問題。

反而RDS2014未有東大嶼概念，如果東大嶼線將大量東大嶼去九龍嘅客倒入港島線，無論換線定直通，甚至東涌線青馬段都係大考驗。

eternalflame 發表於 2023-1-21 23:18
ELM有做過交通研究，以明日大愚嘅上一版規劃黎計，加埋SIL(W)同ELM去美孚個條鐵路，港島線西段都仲頂得住 ...

最弊係去美孚果條好似消失咗，而據往績，首階段無做嘅基建，多半爛尾。

另外，假設東將直通港島只設鰂魚涌、北角、會展同香港，咁東涌去觀塘最直接係坐到油塘轉觀塘線，規劃上係咪咁希望大家過兩次海呢？

helloabc 發表於 2023-1-28 21:59
縱觀過去數十年提出過的北港島綫方案，不是引來居民反對，就是分流效果成疑，再不就是面對技術困難工程需時 ...

即使安排吉車由轉車站起載，港島線因為通風而限制住嘅總班次數目係一樣，即係點整都係拆東牆 補西牆。

與其話居民反對，不如話規劃果個永遠求求其其就算，市區內要花心思設計，花大錢起嚟分流嘅基建就拖得就拖，要同大陸接駁嘅，係就係儘快起，但設計一樣係粗疏。

mak5052 發表於 2023-2-13 14:10
將港島線延伸到交椅洲三個人工島（取代明日大嶼願景的交椅洲島內線），青洲過海通道為四軌？（港島線 +  ...

如果真係缺錢用延伸現有路線處理，我寧願佢用東鐵規格，再分期咁起。咁無論有冇城際車要過港島都可以比較靈活。

1期由金鐘向西去東大嶼，過海段與道路共構（東隧模式），經A、B、C島做總站，預留起A島去C島同四軌過海。中途停唔停中環南、港大再睇吓有無錢。

2期起前海-洪水橋線南延去欣澳站，等東涌線真係飽和先考慮A島去欣澳一段，甚至青州段四線化。

論到深港融合，中鐵個優先程度應該高過東大嶼，而東九作為CBD2都未用盡（啟德起臨屋、裕民坊塊地亦流標），搞得成CBD3又有幾大機會？會唔會填完變哂臨屋？真係要經常往返大陸嘅人同公司，亦唔見得仲會將個寫字樓放去東大嶼。

eternalflame 發表於 2023-2-14 15:33
九鐵當年規劃大約係景隆街預留行人通道去銅鑼灣站東大堂
港鐵規劃嘅車站出口最遠會去到Donki附近，真係起 ...

銅北對本地客始終都只係分流，反而可以討論吓如果喺維園地底起個站，應該連城際都放得落。

假定北港島線係東將直通版本，而東大嶼線會同東鐵一樣，同時有城際同本地列車使用。咁將東大嶼線由港大東延去維園就會非常方便。而維園地下城有齊東將、東大嶼線同港島線又不愁人流，中途站只要跟返欣澳模式，容許城際車爬頭就得。

eternalflame 發表於 2023-2-14 17:10
城際放維園只係借個位黎放，其實作用唔大
東大嶼都叫做有個CBD3，銅鑼灣連CBD都唔係
除非剷起維園全部用 ...

但前海駁洪水橋，北面應該係駁穗莞深，速度都係140-160級。如果又比照返西九龍-廣州東咁，再俾更多200kph級嘅車駛入深圳北-西九段可能會造成阻塞，加上珠三角城際、高鐵迫埋一嚿，亦有機會好似廣珠咁唔夠位。

我會希希望港段嘅東大嶼/城際線可以用類似日本果種模式，本地段做維園-港大-A島-C島-欣澳-小欖-洪水橋/屯門，至少每邊10tph，城際就維園-A島-洪水橋-⋯⋯，約4-6tph，長遠預留關鍵路段四線化，避免再出現東涌線嘅問題。

規劃還規劃，當CBD2都變臨屋區，CBD3真係有需求可能都要幾十年，咁一條唔到旺區嘅快線，快到識飛都係同南昌年代嘅西鐵一樣，唔夠客。

THB 發表於 2023-2-14 16:26
通勤鐵路喺市區應該設有多個轉綫站，中鐵綫南延至紅磡站較為理想。

去紅磡都係同東鐵重疊，去東九起碼繁時一定爆，對撼北都、元天巴士，鐵路有15分鐘以上車程優勢。

tonyng 發表於 2023-3-7 11:09
NIL Enabling Study 那一段，其實係超級無敵萬能key寫法，冇明確指出會/不會採納哪北港島綫方案。
雖則， ...

會展站連埋附近一段隧道已經起咗，今次起埋調頭隧道，中間仲剩返幾多位？假設預咗直通，直接將中間一段隧道駁埋仲化算，甚至東涌線可以暫時用住東涌-香港同青衣-會展模式營運，等將線方案敲定。

helloabc 發表於 2023-3-10 00:14
港鐵業績關於北港島綫重點

-「我們正與政府商討有關南港島綫（西段）及北港島綫項目」，港鐵正式退出東九 ...

如果龜鐵放棄東九龍綫同啟德，咁一直有人FF整合兩個系統嘅方案似乎變得可行。尤其係近期吹到雲巴好高科技，建設費又平，假如送返一兩個上蓋，未必無人有興趣，而政府又可以一分錢都唔出，成嚿嘢BOT咗佢。

對營辦商而言，山上同啟德去觀塘、九龍灣客量都有保證，如果可以爭客，容許雲巴自負盈虧咁起延線都可以。

JX9097 發表於 2023-3-13 14:33
中環南之前選址好似係衰喺地質上
若果重新考慮延長要搵過個新位置

唔起中環南都唔會好唔方便，只要堅城/港大可以轉港島綫，果段港島綫係有大把空間的。

而去金鐘-炮台山，啲客會因為東大嶼綫比較快而揀金鐘轉，同樣地，北角、鰂魚涌會揀會展轉。

所以東大嶼綫直通東鐵，唔一定要有中環南。