[報刊新聞] 港鐵站驚現電視機頭套笠住女學生 奇特造型...

港鐵站驚現電視機頭套笠住女學生 奇特造型遊走鬧市引網民熱議：咩事玩到咁大？

距離萬聖節就尚有一大段日子，但有心裝扮的話，每日都可以有奇異造型娛人娛己。近日，不少人都發現香港各區出現了一班戴住電視機頭套的奇人異士，分別都以一個「用電視框笠住個頭」的奇特造型遊走各區鬧市，隨即引起市民熱議，紛紛在網上熱門群組出post。

近日香港各區湧現一群頭笠電視機頭套的神秘人士，造型包括OL、西裝友、大隻仔、女學生等，並行走於港島區商業區、巴士站、觀塘區地鐵站、休憩公園等地方，許多市民都一頭霧水，影相拍片分享到各大報料區及群組。

有人分析這群無懼目光而披上奇特怪誕造型的奇人異士，可能是為了宣傳香港新電視台或者新型號電視機，又有網民懷疑是一項社會實驗，為引起大家對現代科技的思考。對於有影片拍到兩名女學生「用電視框笠住個頭」，有網民就留言：「係唔係玩遊戲輸左要找數?」、「係二次元嚟咗現實世界」、「學生時代 有嘅係青春 有乜所謂丫」、「好可愛」。


另外，又有網民在港鐵車廂內見到「大隻仔港鐵做Gym」，笑言「為咗做gym可以去到幾盡」，大批網民留言各執一詞：「無啦啦係地鐵做運動, 好好笑」、「marketing,宣傳」、「無影響到人無所謂啦」、「行為藝術」  。

https://hk.ulifestyle.com.hk/top ... SkFDsQmCdZmepJYqDeA


Source: ulifestyle

6月1日有線關電視, 係咪宣傳HOY TV?

好無聊，無需要轉發幫人做宣傳

EX-TL 發表於 2023-5-30 19:43
6月1日有線關電視, 係咪宣傳HOY TV?

係喎，有可能，等6月1日再留意下先

謎底已解開
原來係某米線餐廳同某支付工具合作做緊宣傳
電視係代表Discount(相近讀音：電視框), 跟電視機同電視台無關
https://metrodaily.hk/posts/49336
利申：非廣告，所以唔講邊間