城巴違規開辦飛走大埔的B8服務

12Lane 發表於 2024-5-18 08:14
雖則唔覺得掠水兩個字係準確形容。
但次次有人話A點點點，就總有人話B都有做，點解唔話埋B，標題講A唔通特 ...

『以後話九巴脫班，係咪要鬧埋城巴嶼巴都脫班先得？』依啲說話喺italk都唔係亦唔會係第一日聽啦
我一直都認為係「一視同仁」，邊間錯就要鬧，個個都錯就唔該個個都鬧。
唔係要論證，而係覺得有啲嘢一間公司就話有問題，去到另一間公司就理所當然，咁樣就已經唔係「一視同仁」嘅論證啦...

GD1570 發表於 2024-5-18 12:38
『以後話九巴脫班，係咪要鬧埋城巴嶼巴都脫班先得？』依啲說話喺italk都唔係亦唔會係第一日聽啦
我 ...

真係搞笑，咁以後大家討論咪好唔得閒？講A有問題又要講埋呀B呀C都有問題，咁呀B呀C有問題咁又點？可以反證番A有定冇問題？
好心啦，你口中嘅一視同仁根本幫唔到你論證一個point係岩定錯，你想證明「掠水」呢個去形容A係有問題，咁如果人地答你係呀B呀C都有問題，咁個結論係「掠水」呢個形容係岩定錯？喺italk唔係第一日又代表呢種質疑方法係合理？咪就係多得呢啲討論方式搞到好多po變晒巴公粉互插呢啲垃圾文化。

GD1570 發表於 2024-5-18 06:32
其實個問題唔係轉唔轉乘嘅問題，

原文主係話因為雙向分段可以令到巴士公司掠水，

但我嘅意思係，落車拍唔拍卡，總車費有機會都係一樣
我自己搭B1轉68X/268X，無論拍唔拍卡，總數都係一樣，咁我拍唔同拍又有乜分別？
我搭B1都見有唔少客係轉其他九巴綫，咁我相信對呢班客嚟講，拍唔拍卡，收嘅車費都係一樣，既然係咁，請問九巴又掠到啲乜嘢水？

邊使攪到噤複雜!

樓主指出嘅情況每日都發生緊
撞車、壞車、塞車、臨時請假
車務調動就係敢架la

無論邊間公司，
正常每日都發生幾百次
何來討論價值!

只不過，討論版就係發表意見  兼
順便對自已唔鍾意個間發洩一下

多D流量對所有人都有好處 (自已唔鍾意可以跳過唔睇!)
好多巴士討論版都已經彊屍化咗!

jpoon 發表於 2024-5-18 22:10
但我嘅意思係，落車拍唔拍卡，總車費有機會都係一樣
我自己搭B1轉68X/268X，無論拍唔拍卡，總數都係一樣 ...

既然你都識講「有機會一樣」，即係都會出現「有機會不一樣」啦...

你轉68X/268X出市區就當然無問題..
但喺新田轉76K、276B，甚或喺元朗轉68X/268X/276P返洪水橋/天水圍的，
又或者68M出荃灣的，那請問拍與唔拍，總數又是否一樣呢？

12Lane 發表於 2024-5-18 12:53
真係搞笑，咁以後大家討論咪好唔得閒？講A有問題又要講埋呀B呀C都有問題，咁呀B呀C有問題咁又點？可以反證 ...

唔得閒？點解會唔得閒...
有人帶出A有問題，然後我順便講埋B同C有問題，有錯？
討論區唔係就係發表意見嘅地方咩？
一個POST只可以講一樣嘢嘅話，咁日日咪要開十幾廿個相類近嘅POST出嚟？
單喺依個POST，講返主題，講B8有飛站，然後成堆人都LIST晒其他線有相同嘅情況，
咪正正就係你所指認為好笑嘅嘢，

點解閣下又唔指正依種你認為唔合理嘅「討論」呢？

講返「掠水」，其實我從來唔認同「掠水」，願者上釣或者真係唔知/唔識嘅比比皆是。
真係有必要用依啲負面嘅形容詞去形容？
原POST者一粒聲都唔出係咪代表自己都無留意其他線有依個情況呢？
有邊間公司唔「掠水」？真係開善堂咩...
依到掠，嗰度蝕，咪打咗個和囉...
真係有必要分對與錯嗎？

引用返其他版友一句：自己唔鐘意咪跳過唔睇囉！
但唔代表唔可以畀人發表意見。

GD1570 發表於 2024-5-19 13:32
既然你都識講「有機會一樣」，即係都會出現「有機會不一樣」啦...

你轉68X/268X出市區就當然無問題..

就算一唔一樣都好，本來要畀兩程錢，而家變咗送一程畀你，咁請問掠咗乜嘢水？

GD1570 發表於 2024-5-19 13:40
唔得閒？點解會唔得閒...
有人帶出A有問題，然後我順便講埋B同C有問題，有錯？
討論區唔係就係發表意見嘅 ...

你順便帶出B同C都有問題，我唔覺得有問題，問題係閣下追住人地淨係講A，並指出其說法並非一視同仁。質問人果個係你，我就指出閣下質問人嘅目的不明，指出「一視同仁」並冇為閣下反對「掠水」一詞帶來任何論證。

「原POST者一粒聲都唔出係咪代表自己都無留意其他線有依個情況呢？」，點解一定要留意？又係要滿足閣下完全無稽嘅「一視同仁」論？我從來都冇為你講嘅野分對錯，只係指出質疑他人非「一視同仁」呢個point問題喺邊，ok?

「自己唔鐘意咪跳過唔睇囉！ 但唔代表唔可以畀人發表意見。 」
笑死，我做左啲咩唔比閣下發表意見？我係版主禁左你言？唔中意可以唔睇呀，但討論區係唔可以唔中意睇都回覆架咩？