廣州地鐵3號線的未來

eternalflame 發表於 2024-10-22 15:50
無記錯廣州火車站係閂場改造，唔係點解要起個白雲站分流普速車

廣州站會直接upgrade做高鐵站，之後會有一堆線從廣州南和廣州東拉過去。（大概率包括去香港嗰條）
普速車去廣州嘅總站係永久搬去白雲站，唔會返轉頭。

hellomato 發表於 2024-10-22 16:23
15規劃為環線，但據說一期只會起北環（橫瀝——南沙客運港，經蕉門、進港大道）；不過足以解決南沙交通最 ...

現在24號線（廣州北站至紀念堂）只會以「8號線北延段」和「8號線支線」名義興建，符合修編不能增加新線要求，以前曾經計劃過先興建8號線北延段至廣州北站，但因為後期質疑8號線距離太長、車速太慢，所以現在係兩條線一齊興建，故8號線北延段只會去江府

24號線最高時速為每小時100公里，高過8號線每小時80公里

亦有傳聞指南沙區仲有32號線有機會進入四期規劃，但未知走線安排如何
15號線南段人口少，所以只能興建北段？

HR1377 發表於 2024-10-22 19:22
現在24號線（廣州北站至紀念堂）只會以「8號線北延段」和「8號線支線」名義興建，符合修編不能增加新線要 ...

據網友猜測如下圖：（https://www.163.com/dy/article/JF3J1FN205452ZAV.html）

我估最後要起嘅時候，會先將圖中嘅15一期+32一期夾埋變成“一條15”
遲啲要起32二期（拉到順德） or 15南段（萬頃沙）嗰陣，再斬返開兩條線——
就好似以前從2拆8（昌崗至萬勝圍段，2改落廣州南）；而家從21拆11（天河公園至員村段）；
將來從3拆10（天河客運站至體育西段）、從6拆20（植物園至香雪段）、從14拆27（知識城支線）咁

而且我估至少未來十年，都未有需要起15南環，單靠18都做得曬成個萬頃沙。
萬頃沙地廣人稀，最多係三種地：田地、工地、工廠地，大部分時段人員流動很低。
雖然有一些樓盤正在發展（包括我正在住的地方），但分佈相當分散，且投資炒樓客居多，入住率不高。
將來也只有南沙高鐵站（=萬頃沙地鐵站嗰位）以及南端（二十涌）全運會體育園會有較高人流增長，
頂籠加埋濕地公園（十八涌，可能會翻新擴建，兼併最近倒閉嘅百萬葵園和胎死腹中嘅恆大主題公園）
加上深中去萬頃沙嘅支線即將通車，到時大家去萬頃沙南部玩，首選應該都係直接揸車去。

hellomato 發表於 2024-10-23 10:40
據網友猜測如下圖：（https://www.163.com/dy/article/JF3J1FN205452ZAV.html）

我估最後要起嘅時候，會 ...

黃埔區有機會反對6拆20，因為20號線只能去到廣州塔，冇6號線覆蓋面咁廣

同埋6號線亦需要延長去廣州中學尋找位置興建車輛段，因為蘿崗車輛段屆時俾20號線使用

6號線以前曾經規劃拆解不同路線，但因為拆解線不去廣州市區俾蘿崗區（現黃埔區）反對而無疾而終

其實當年蘿崗區（現黃埔區）規劃地鐵喺廣州咁多區最有前瞻性，當年揀選通往廣州市區6號線連接蘿崗，不要4號線，最終4號線黃村至水西變成21號線。

知識城（九佛）發展時提早興建14號線支線，但最終客流低而被鐵路迷戲稱為「村鐵」

Update:
消息指佛山市就廣州地鐵26號綫欖核至馬崗佛山段開始進行第一次環評公示，即係廣州地鐵26號綫有望一次過興建由廣州至順德段

HR1377 發表於 2024-10-27 19:29
黃埔區有機會反對6拆20，因為20號線只能去到廣州塔，冇6號線覆蓋面咁廣

同埋6號線亦需要延長去廣州中學尋 ...

唔好意思，我搬去萬頃沙之前就係住香雪地鐵站口（6尾站），所以對6拆線都有啲say
目前6蘿崗段出最多客嘅位係植物園——就係預定做拆線位嘅站。
柯木塱同高塘石都多人，但係離植物園都係爭最多三站（黃陂打後已經少人）
即使將來拆線，時間都唔會差太遠——尤其植物園係有拆線變轉車站嘅預留。
而且廣州經濟中心已經去咗海珠天河（入越秀老城區嘅需求相對較小，我自己都好少去）；
再加上21，以及7仔拉咗上蘿崗，有人已經識改搭7/21轉5去天河......
（雖然近期21縮返去天河公園，無得直駁5；但之後11環線開通，加埋13入城，就去邊都得）
總體來說，6拆線嘅阻力已經比之前細咗好多。（而且拆線後，20可以加返用6卡車，好過留6侷住用4卡車）

hellomato 發表於 2024-10-28 09:31
唔好意思，我搬去萬頃沙之前就係住香雪地鐵站口（6尾站），所以對6拆線都有啲say
目前6蘿崗段出最多客嘅 ...

傳聞指6號線會繼續延長至崗豐大道，似乎20號線未必會出現喺四期規劃

19號線首期傳聞為龍潭村至黃埔站；23號線首期為悅景路至坭紫，在悅景路與19號線貫通運行 （龍潭村至坭紫）

另外蘿崗距離廣州市區近過萬頃沙，搬去萬頃沙交通冇咁方便

HR1377 發表於 2024-10-28 16:57
傳聞指6號線會繼續延長至崗豐大道，似乎20號線未必會出現喺四期規劃

19號線首期傳聞為龍潭村至黃埔站；23 ...

萬頃沙嘅巴士確實好惡等，至少都要整部兩個轆or四個轆，開到地鐵站附設嘅大型停車場，轉鐵就好輕鬆

18真係夠快，最短38分鐘從萬頃沙就到天河冼村，而且我公司就在冼村站附近；
反觀之前在香雪嘅時候6轉3，加埋十幾個站要坐超過1個鐘

回到四期規劃，據說最大亮點係26可能一次過搞掂，北至白雲區太和，南至順德。
此外15都有機會上馬，但最終方案或會令人大跌眼鏡——
變為一條從南沙牌坊（環島路）經橫瀝去大涌嘅“西半環”，
相當於#23圖中，半條15一期西段+32一期互通，一共9站；也就是說15一期東段（南沙牌坊至南沙客運港）暫緩興建。
有趣的是，傳聞興建中的南沙高鐵站範圍（=18萬頃沙站），
有包括至少一組地鐵預留月台結構，而且講明係俾15用

hellomato 發表於 2024-10-30 00:44
萬頃沙嘅巴士確實好惡等，至少都要整部兩個轆or四個轆，開到地鐵站附設嘅大型停車場，轉鐵就好輕鬆

18真 ...

深圳最新一期地鐵規劃批左185km，廣州新一期地鐵規劃會不會set死只批150km是一個疑點

南沙區和舊蘿崗區（現黃埔區）分別以廣州經濟技術開發區和南沙經濟技術開發區整合周邊農村地區而成，地位與廣州其他市轄區不同。如果15號線只有西半環，即係無法解決 閣下之前提及虎門天橋附近交通擠塞問題。至於四期批覆會不會出現黑馬路線，屆時才會知道

廣州26號線就算一次過批覆，順德段距離計落佛山市，同埋26號線傳聞去埋人和與3號線換乘

廣州19，23號線估唔到有機會要分首二期，傳聞19號線首期南部終點站有機會係與廣佛東延段換乘車站

廣州地鐵宣布3號線東延段(番禺廣場-海傍)11月1日起首班車開始投入營運。

pcckw 發表於 2024-10-30 10:44
廣州地鐵宣布3號線東延段(番禺廣場-海傍)11月1日起首班車開始投入營運。

真相時刻來了，究竟3號線係唔係面臨更大考驗呢，不過都估唔到新站英文仍然使用lu nan未更改。