陳國基：考慮在啟德休憩設施加入「兩航起義」歷史元素

Toz 發表於 2024-11-18 23:34
如果當年國民政府都無法指責中共分裂國家, 你今日先講, 笑大人個口了

另一方面, 中共亦從未指責蔣介石蔣 ...

當年政權點做係一回事，今日點睇又係另一回事。
大把政權當日點處理，同一政權嘅後繼今日平反/用現代價值觀解讀更係常有嘅事。


更離奇嘅係你一開初指控歷史零蛋，聽埋路邊社消息。
偏偏只係見你重申你嘅觀點，乜觀點可以推翻其他觀點咩？
由是觀恐怕唔係對歷史有幾多認識嘅問題，而係觀點當事實呢個邏輯問題囉

s3n370 發表於 2024-11-23 01:21
當年政權點做係一回事，今日點睇又係另一回事。
大把政權當日點處理，同一政權嘅後繼今日平反/用現代價值 ...

係邊個話今日標準唔可以套當年呢?
國民政府從未指責中共分裂國家，呢個的確係事實
當年如果中共建立政府既行為叫分裂國家，袁世凱之後邊個政府唔係呢? 包括國民政府自己都係
如果你用蘇聯援助去講，事實上國民政府得到既蘇援甚至更多，都未計其他國家

你由頭到尾都拎唔出你對分裂國家既定義，方便自己搬龍門，有乜野用呢?
一話有人以為37年前國民政府除左中共控制區、偽滿、西藏、外蒙同部份內蒙外已經完全統一中國？咁的確係近代史零蛋

而分裂國家同顛覆政權混為一談，都唔止歷史零蛋咁簡單了

另外一樣野，兩航起義呢個時間點，中共已經基本掃除國民政府係大陸既勢力，解放軍已經係深圳河北邊，兩航既管理人員集體決定帶領下屬投向中共，你可以扯到去分裂國家?

Toz 發表於 2024-11-23 08:44
係邊個話今日標準唔可以套當年呢?
國民政府從未指責中共分裂國家，呢個的確係事實
當年如果中共建立政府既 ...

其實你由頭到尾都只係爭辯點樣看待中國過去逾百年嘅歷史，
從沒質疑過本文內提出嘅歷史事件。

點睇歷史從來唔止係觀點與角度，更係可長可短，追本溯源亦係唔少得嘅過程，
呢點從小弟第一句已經有呢個含意。
唔講話歷史係勝利者書寫先丫，
全球大部分地區對過往歷史嘅定論根本就係隨時代隨角度而變，
近代D文革已經係明顯嘅例子。
甚至係最“不光采”嘅事都開始正面面對，真正從歷史學習。
唔知幾時見到某国有呢一日呢？

權威嘅定論都有可能被修正甚至被推翻嘅一日，那來嘅自信去評人零蛋呢