陳國基：考慮在啟德休憩設施加入「兩航起義」歷史元素

s3n370 發表於 2024-11-14 00:56
兩岸以至冷戰唔同陣營等等對呢段歷史都有自己角度，你又憑乜一鎚定音呢。

就算拗得甩分裂國家呢個結果， ...

根本唔係角度問題，推翻政權同分裂國家係兩回事黎，討論兩個橙邊個好係角度問題，討論蘋果係咪橙？唔係掛？

即係唔會有任何人話法國大革命同之後波旁復辟係分裂國家，根本唔洗拗，講得出口就已經係笑話，唔可能因為有Ｄ香港人無知混為一談，就真係可以混為一談

當然，會撈亂既人，本來係能力上同見識上都無法違反國安法相關條款，所以撈亂的確係無後果

Toz 發表於 2024-11-13 23:08
根本唔係角度問題，推翻政權同分裂國家係兩回事黎，討論兩個橙邊個好係角度問題，討論蘋果係咪橙？唔係掛 ...

無論從中共領導當年嘅學說、大搞蘇區嘅過程、以至今日嘅結果，
我就唔係好明你舉嘅例子有乜可比性。

而你舉嘅事例本身，就同多數歷史一樣，一則事過境遷後才有今日嘅定論，
而佢地嘅爭議唔大/唔多人走去爭議嘅歷史。

甚至分裂国家呢個term本身就係中共自己嘅用語，
世界上大把發動叛變/武力推翻舊有政權/事實上控制部分地區/國家一分為N，邊會咁樣去形容？

s3n370 發表於 2024-11-14 16:15
無論從中共領導當年嘅學說、大搞蘇區嘅過程、以至今日嘅結果，
我就唔係好明你舉嘅例子有乜可比性。

中共有無心統一？結果有無統一？


如果你話中共分裂國家既根據係佢成立蘇區政府，咁民國時代每一個政權同軍閥都曾經分裂國家，孫中山係廣州成立國民政府，一樣係分裂國家

成立政府，本來就係統一既必要過程，無政府係後方管治，軍隊點係前線打仗？你唔會同我講唔洗打仗靠選舉掛？宋教仁試過啦，結果呢？


好與壞係價值觀判斷，是與否係事實判斷，唔通你因為對分裂國家既價值觀判斷，令到你對分裂國家既事實判斷嚴重偏離常人?

Toz 發表於 2024-11-15 16:11
中共有無心統一？結果有無統一？

目標係乜同實際做佐乜可以係兩回事，亦並無必然矛盾。

不論係冷戰兩陣營對壘，還是南北韓响韓戰時，兩邊對壘陣營目標明顯係想壓到對方/一統。
當雙方競爭階段，以至韓戰後期雙方都無法完全戰勝對方，一路休戰到今日，話係分裂亦無乜大異議。

甚至真正研究甚至只係讀歷史嘅人，只會著重文獻點寫、有無發生過、
當權平民隔岸觀火嘅人點睇等等。
根本唔會用“偏離”、“正確”嘅口吻。
你認為小弟“嚴重偏離”，即係話你持嘅史觀才是正宗對嗎？
這態度恐怕才是真正偏離看待歷史嘅態度。

（請留意我只係話你嘅態度偏離，並唔係話你嘅分析偏離現實。我亦只係反對你嘅反對，無意亦無法反對你對兩黨之爭嘅定性）

s3n370 發表於 2024-11-16 05:54
目標係乜同實際做佐乜可以係兩回事，亦並無必然矛盾。

不論係冷戰兩陣營對壘，還是南北韓响韓戰時，兩邊 ...

你唔可以用史觀反過來定義史實喎

不論從中共產生前去比，一話從國共合作開始比，或國共合作結束開始比，1950年代中國都已經遠比以前統一
就算假設中共不存在，中共控制地計埋入當年既中央政府，實控範圍仍不比現實中1950年代時大，不論計人口比例定土地面積比例
一話你有第二個衡量統一既標準？


尚未統一不代表係分裂國家
一個學生之前考試五十分，換另一個先生教完再考就九十九分，你話未拎滿分等於先生誤人子弟，咁的確係嚴重偏離正常人既理解
一話你其實唔知個學生之前考黎考去最高都只係得五十分？

Toz 發表於 2024-11-15 23:58
你唔可以用史觀反過來定義史實喎

不論從中共產生前去比，一話從國共合作開始比，或國共合作結束開始比，1 ...

咪講佐拎野去比較都唔該拎D匹配嘅例子

兩航起義本身就事緣民國後中共建國前後嘅事，你拎建国後嘅狀況去比黎托。

至於老師呢個比喻更加係黑人問號，而家講緊有無做過，你就拎個對老師嘅評語做比較？

就算退一步要用中共當初嘅目標論，佢用過“分裂國家”作為手段，去削弱國民黨嘅實力，我諗你都無法否認？

甚至我回嘅文，講緊兩航起義嘅行為違反今日嘅国安同反恐法例，
就算用你條line唔係分裂國家，顛覆政權一樣係條例入面好大罪嘅行為喎。
D爱国议员低級紅定高級黑緊呢

s3n370 發表於 2024-11-16 17:23
咪講佐拎野去比較都唔該拎D匹配嘅例子

兩航起義本身就事緣民國後中共建國前後嘅事，你拎建国後嘅狀況去比 ...

所以果時乜野係分裂國家? 成立政府就係分裂國家? 民國時代各地有幾多軍政府? 成個民國時代，就算唔計西藏同外蒙，唔計淪陷區，中國根本就無實質統一過。你咁樣定義的話，果個年代任何一個政府成立果下就已經係分裂國家?

你一直迴避你點定義兩航起義時何謂分裂國家，點去從你既定義得出兩航起義涉及分裂國家，只係識得話人地唔Ｏ岩，不過係耍小聰明。

兩航起義時中華人民共和國已經成立，並已控制大半個中國，解放軍已經去到深圳河，中共已經實質上主導中國，兩航起義有乜野分裂國家既元素?

唔好講從中共既角度出發，就算從國民政府既角度出發，呢D行為都唔係分裂國家，而係叛逃。你去睇下以前台灣關於飛行員駕機投共既新聞點寫?

講到尾, 不論係分裂國家也好, 顛覆政權也好, 兩航起義真係做到咩? 係香港發生既起義可以令台北國民政府既實控範圍減少? 起義可以令台北國民政府被推翻?
你對國安法如果認識只係停留係講下笑話既程度, 何必死撐, 你要串班議員, 唔該自己先惡補下相關知識

Toz 發表於 2024-11-17 15:52
所以果時乜野係分裂國家? 成立政府就係分裂國家? 民國時代各地有幾多軍政府? 成個民國時代，就算唔計西藏 ...

就算當年可獲高度表揚、賞賜黃金嘅投誠（叛逃）飛行員，今時今日都只係會視作劫機，並引用反恐法例懲治

Toz 發表於 2024-11-17 07:52
所以果時乜野係分裂國家? 成立政府就係分裂國家? 民國時代各地有幾多軍政府? 成個民國時代，就算唔計西藏 ...

請留意我原文係
//再追上去，都要先有共黨“分裂國家”，才會有“兩航起義”//
而非你文末指“兩航起義”構唔構成“分裂國家”

再重申一次，“分裂国家”本身就係共党掌權後對於欲脫離其管治、
於國共內戰沒有完全徵服嘅國民（再演變而成嘅台灣）政府、以至係部分異見人士嘅萬能key。

無論當年有幾多軍閥、勢力各據一方、國民政府幾弱都好。國共內戰前國民政府好歹都係主要政權，並且有意一統。
不論套用番同樣邏輯，還是以現實論，當年共党响國民政府治下嘅行為，
同今日共党口中“分裂國家”嘅人/團體有分別咩？

s3n370 發表於 2024-11-19 03:20
請留意我原文係
//再追上去，都要先有共黨“分裂國家”，才會有“兩航起義”//
而非你文末指“兩航起義” ...

如果當年國民政府都無法指責中共分裂國家, 你今日先講, 笑大人個口了

另一方面, 中共亦從未指責蔣介石蔣經國時期既國民政府係分裂國家, 當年雙方任何人員向對方投誠既行為都無被冠以分裂國家既指控

再問一次, 你個龍門係邊?
龍門都唔敢搬出黎，唔會係因為撈亂顛覆政權同分裂國家係度死撐掛?