原來您是纜車司機 - 伴我纜車深度行

有點不明白，為何在會車點，只有一邊有纜索呢？另一邊的纜車用甚麼牽引住？

真係多謝樓主#11的解釋，糾正了我一直以來的錯誤觀念。
我以為條纜索係圍成一個圈，分別以山頂和花園道為支點，原來只係得其中一邊，咁就真係同升降機一樣喇。

舊年年尾搭過人生第二？三？次纜車，由山頂落山，坐倒後位，在某些路段斜到好似地球反轉左咁樣。

OT：
似乎海洋公園的海洋列車才是使用我說的方法，因為車走後都見到條纜索轉動的，
翻查相片，係由兩組滑輪同兩條纜索組成（而實際上係一條纜索圍成圈，若係兩條獨立纜索就應該會見到四條），同山頂纜車不同。



[ 本帖最後由 DIH 於 2010-7-10 11:22 編輯 ]

原帖由 OTIS401 於 2010-7-10 22:57 發表
其實山頂纜車，講得簡單D就係一部有人的升降機
普通升降機係一個機箱同一個平衡鉈
機箱上升鉈下降，反之亦然，原因係可以減輕摩打的負荷

而山頂纜車，只係將平衡鉈換左做機箱 ...

如果我冇理解錯，應該係兩部車互為對方的平衡鉈。

至於軌道二分三再分四，其實並非必然，
樓主的相都有幾張係二軌同四軌直接相連，
但為何要有三軌的出現呢？我都不明白。

從照片及路基顯示，翻新前近山頂一段的確是三條軌，白加道站的站篷是最好的證明。
當年的山頂纜車站，會唔會係都有三條軌，乘客上車就視乎係邊部車到站而開放相應的一邊月台呢？
又或者是一直去到月台位置才合併成兩條軌？我一點印象都沒有。

「波口論」也是一個問題，若然波口要有人操作，當然越少越好，當年大部分路段選擇三或四軌，
也很有可能是避免纜索互相纏擾，後來技術有所改進才將路軌及纜索簡化。但山下段為何又可以一開始就用兩軌？

看來當年的翻新，真係翻天覆地。

[ 本帖最後由 DIH 於 2010-7-12 09:09 編輯 ]