討論未來添馬站的月台配置

mak5052 發表於 2017-2-9 23:15
會展及添馬都是叠式月台車站，將軍澳線出站過了放平段後接入適當的會展站隧道即可
至於渡線，原設計似乎 ...

附圖爲路政署提供之沙中綫圖則，顯示會議道西端嘅切面圖。（上文已經提及，現附上位置圖。）圖中繪出嘅保護工程爲將軍澳綫之用，行車方向爲左上右落。即係話，如果保護工程起好之後將來唔更改，你嘅計劃入面嘅將軍澳綫喺添馬站以東一過咗東涌綫嘅越軌就會接上呢度。我之前話方向會倒轉咗就係呢個原因。
當然，如果你係諗住將呢段預留隧道砍掉重煉，就自然冇調轉方向嘅問題。

Concordatio 發表於 2017-2-10 00:43
附圖爲路政署提供之沙中綫圖則，顯示會議道西端嘅切面圖。（上文已經提及，現附上位置圖。）圖中繪出嘅保 ...

似乎在添馬站交滙，上下層轉車機會較大。題外話，如果改在銅鑼灣北站作交滙，兩綫又可否作跨月台轉乘？

Concordatio 發表於 2017-2-10 00:43
附圖爲路政署提供之沙中綫圖則，顯示會議道西端嘅切面圖。（上文已經提及，現附上位置圖。）圖中繪出嘅保 ...

但若添馬站變成地下三層雙島四線設計, 又是否可行?
修改之方案如下:
香港 - 添馬隧道
1: 機場快線折返線維持不變 (L2水平)
2: 將軍澳線折返線在離開添馬站後, 維持 L3 水平, 斜向舊天星碼頭方向, 預留延長至東大嶼都會
3: 東涌線東涌方向隧道出添馬站後下降至 L4 水平 (下穿將軍澳線), 往添馬隧道按原定走線爬升至 L3 水平
4: 研究機場快線折返線上方建設地下街之可能性 (響應政府拓展地下空間之規劃)

添馬站 (地底三層車站)
結構安排:
L1: 可作商業開發 (接通香港站地下街)
L2: 大堂
L3: 月台, 配置如下:
=== 月台 4 東涌線終點站 ===>
        月台
=== 月台 3 將軍澳線往寶琳 / 康城 ===>
<== 月台 2 將軍澳線終點站 (預留往東大嶼都會) ======
         月台
<== 月台 1  東涌線往東涌=====

添馬 - 會展 隧道
將軍澳線隧道爬升到與會展站預留隧道同一水平, 東涌線折返線維持與添馬站月台同水平

mak5052 發表於 2017-2-10 09:53
但若添馬站變成地下三層雙島四線設計, 又是否可行?
修改之方案如下:
香港 - 添馬隧道

以政府嘅地理資訊地圖估計，添馬的確係有空間興建兩個同層嘅島式月臺，所以呢方面並冇問題。
但係喺添馬以東，東涌綫只有大約 350 米就去到龍景街嘅東沿。由於呢個位置喺將軍澳綫下方依次有荃灣綫及南北綫，東涌綫嘅軌道應該無法穿越。
而又由於東涌綫須待將軍澳綫離開同一水平先可以設有交叉軌道，基本上可以確定添馬以東並冇足夠空間供東涌綫於將軍澳綫下方設立折返綫。

亦即係話，如果東涌綫嘅折返綫喺添馬以東，就必須同將軍澳綫同層。除非東涌綫於添馬嘅軌道互相爲鄰，否則此安排並不可能。

西面嘅東涌綫固然冇問題，將軍澳綫嘅折返綫都應該起得到，但係將軍澳綫嘅延綫計劃將會頗難實現。

首先研究下將軍澳綫點樣到達香港站以西嘅地區：

• 經民祥街。香港站位於民祥街下面（見圖一），將軍澳綫要喺呢度穿過就至少要下降至 L5。就算係噉，施工都將會因爲香港站嘅結構而變得非常艱鉅。
• 經金融街或以北地區。呢度建有中環灣仔繞道，將軍澳綫嘅軌道需要從下面穿過（最少 L3 層）。我冇詳細睇過圖則（按此參閲），唔太清楚可行性。另外，需要留意軌道須於民輝街喺適當深度經過東涌綫軌道。
• 經干諾道中。離開東涌綫水平之後，將軍澳綫將 S 形經大會堂停車場下方到達干諾道中，並沿之前行。途中須低於 L3 層越過中環—香港行人隧道。同 (1) 一樣，施工可能會頗困難（應該比 (1) 稍易，因爲無須顧及軌道沉降問題）。
  

到咗上環，就會遇到干諾道中天橋嘅問題。視乎設計，有機會需要將天橋嘅樁柱重置（如東九龍走廊般）。如果要起站，工程就會加倍困難。另外，走綫可能會同林士街月台 (L3) 衝突，當然將其改建都未嘗不可。

不過歸根究底，東大嶼都會嘅鐵路好似一直都係諗住港島綫伸延或者另建新綫。

講返轉頭，如果要解決東涌綫嘅折返綫問題，其實唔係好難，參考返紅磡站嘅設計就可以。首先將將軍澳綫嘅折返綫變爲入站前嘅交叉渡綫，然後只需將東涌綫嘅交叉渡綫放喺將軍澳綫嘅越軌以西就可以。
由於東涌綫嘅班次較疏，交叉渡綫距離車站較遠都應該冇問題。（當然，缺點就係部分乘客如果唔想等多班車要經大堂轉車。）

我仲有個再進一步嘅方案考慮埋鐵路向東伸延嘅可行性，遲啲畫完圖再分享。

P.S. 工程上喺政府總部下面起地下街當然冇問題，但係政府會唔會畀藉口你喺政總地底聚集人群就唔知喇！

探討將軍澳線再往西伸延係幾有趣既題目
有個問題，一般行車天橋既樁柱有幾深?起深D避樁柱是否可行?

Fairest 發表於 2017-2-10 06:06
似乎在添馬站交滙，上下層轉車機會較大。題外話，如果改在銅鑼灣北站作交滙，兩綫又可否作跨月台轉乘？
...

其實我都唔係太明白坊間流傳嘅添馬站設計（例如維基百科同香港鐵路大典），同時佢哋又冇列明出處，不如大家研究下。
呢個就係傳説中嘅樓層分佈：

樓層　描述　　　　設施

Ｇ　　地面　　　　出口

Ｃ　　大堂　　　　客務中心

Ｐ１　上層月臺

＜———②　  東涌綫往東涌西  　———┤

　　　　　　　［島式月臺］

＜———①　  東涌綫往東涌西  　———┤

Ｐ２　下層月臺

————③將軍澳綫往寶琳或康城———＞

　　　　　　　［島式月臺］

＜———④　將軍澳綫落客月臺　————

呢個設計有兩點令我覺得奇怪：

• 點解將軍澳綫喺添馬之後設置折返綫，而唔係喺站前設有交叉渡綫？係因爲交叉渡綫會限制班次嘅密度嗎？但係中環同油麻地嘅交叉渡綫都好似冇對班次間距造成限制。如果呢條添馬以西嘅調頭隧道冇好處，噉咪白白嘥多咗錢起長咗條隧道？
• 東涌綫喺香港位於 L4，將軍澳綫喺會議道西面位於 L1-L2；點解添馬唔係將軍澳綫在上、東涌綫在下，以減低高度落差？
  

另外回應你有關銅鑼灣北站嘅疑問，根據現時嘅設計，此站位於告士打道下方（即怡東油站一帶）。由於道路繁忙，政府認爲呢度唔適合興建島式月臺，認爲施工嘅時候會嚴重影響交通。而事實上，南北綫之所以冇咗銅鑼灣北站都係因爲冇得起島式月臺嘅緣故。
因此，銅鑼灣北站只設有上下兩層側式月臺，要改做跨月臺轉乘並不可能（除非政府回心轉意，覺得起島式月臺影響交通嘅程度可以接受）。當然，另一個辦法係將銅鑼灣北站東移，喺維園下面建造，噉就有足夠嘅空間做跨月臺轉乘。

Fairest 發表於 2017-2-10 06:06
似乎在添馬站交滙，上下層轉車機會較大。題外話，如果改在銅鑼灣北站作交滙，兩綫又可否作跨月台轉乘？
...

銅鑼灣北站北面幅員太小，不可能有足夠位置興建島式月台。

eternalflame 發表於 2017-2-10 16:03
銅鑼灣北站北面幅員太小，不可能有足夠位置興建島式月台。

噉又唔可以話冇位嘅，只不過要挖開條路啫，如果唔係以前嘅南北綫方案都唔會有銅鑼北站同北港島綫轉乘啦。

Concordatio 發表於 2017-2-10 13:41
以政府嘅地理資訊地圖估計，添馬的確係有空間興建兩個同層嘅島式月臺，所以呢方面並冇問題。
但係喺添馬以 ...

1) 我認為未必有足夠位置平行興建兩個島式月台。添馬站北面已經係中環灣仔繞道管道，南面會非常接近政府總部。當年興建政府總部前，已清楚表明總部地底不能興建任何交通車站，故車站要佔用政府總部的外圍地底的話，應該會有阻力。

2) 將軍澳線西延的話，最理想走線看來只有金融街。假設添馬站是上下層轉乘而將軍澳線在下層月台，管道向西的時候可以通過中環海濱用地去金融街，唯一會影響的是民耀街以東的商業發展用地。管道需要在到達民耀街前轉成上下兩層結構，因金融街闊度不夠，將線香港站只能以側式月台興建，並以轉乘通道跟東涌線大台連接。

3) 繼續西延到上環的話，要幫干諾道西天橋做椿基轉換係無可避免。以西區的地勢，可以興建鐵路走廊及設施的用地看來只有干諾道西沿線。

Concordatio 發表於 2017-2-10 16:15
噉又唔可以話冇位嘅，只不過要挖開條路啫，如果唔係以前嘅南北綫方案都唔會有銅鑼北站同北港島綫轉乘啦。 ...

當時的維園方案預計是T字型換乘，南北線係維園西沿經過之後才折向西，當然有足夠位置吧。