HKiTalk近年人流真係減少左好多

回顧過去2016年全年, HKiTalk真係少左好多人留言, 尤其B3巴士版, 呢個明明係昔日會員留言既集中地, 依家都冷清左好多, 特別係前年年底升級左做新版之後, 會員流失既問題更趨顯著. 未升級之前管理已經差, 升級左之後直頭成個版面都唔好用. 自問我都真係幾擔心HKiTalk會有衰亡既一日.

唔知你地對今時今日既HKiTalk有什麼感受呢? 歡迎分享!

其實少咗人都留言主要都係B3板啫，
好講真依家Facebook, Instagram等社交網站咁流行，
Post相又無B2板咁大討論空間，
自然開始少人晌B3板貼巴士相啦。
至少我貼上fb, ig等可以呃下like啦。

我覺得, 而家B3板乜狗屎垃圾相都貼得出嚟, 官方戶口又成日貼啲冇質素可言的特別相片, 連B2板都多左貼相, 我有時都分唔清B2 B3板有咩分別.

有時明明係講緊車廂配備, 例如上月於1A某掛牌車試行上層空座數目顯示, 竟然將張相貼B2板俾人討論, 而唔係貼B0板, 車牌有板友指出有誤, 至今仍然好似咩都睇唔到, 冇改正, 文章類型揀選「車型及機械」, 有咩車型有咩機械可言呀! 其實板方可唔可以以身作則, 做番好呢啲基本嘢. (相關討論: http://www.hkitalk.net/HKiTalk2/ ... &extra=page%3D1)

唔係話大家上嚟無非為輕鬆討論, 交流巴士資訊就可以亂咁來, 官方戶口成日貼無謂嘢, 講真我忍左好耐, 個人戶口貼我地可以出聲話佢, 但由官方發布的低質冇養分內容, 俾你次次點擊過萬又如何, 有咩係貼完之後, 人地會記左入腦! 睇完, 學嘢又學唔到, 當笑話睇又唔係, 日日夜夜不停貼, 令人越來越冇意慾撳入去睇.

EX-TL 發表於 2017-2-8 00:55
我覺得, 而家B3板乜狗屎垃圾相都貼得出嚟, 官方戶口又成日貼啲冇質素可言的特別相片, 連B2板都多左貼相, 我 ...

有同感, 依家B3版貼D好多都係 "零閱讀價值" 既相, 甚至官方戶口貼既相仲多過會員戶口, B3都近乎變左 "半個官方版".

講真個句，我又唔覺得 iTalk 人流少左好多，
反之隔離板人流就真係小左。

其實我覺得而家除左香港三大討論區仲可以保持到個人氣之外，其實 so far 討論區呢家野根本就已經走緊下波，
始終而家太多娛樂，加上仲有面書等等 o既即時資源都另到討論區人流下降。

最簡單係點擊率，我放0的相0係B3可以幾個禮拜都係上唔到千點擊率．
好記得15年完前好易有過千點擊率的，不過我宜家都係睇晒0甘多版無
特別0野都會去其他地方睇，難怪呢度少左人睇．不過我信呢度有人放
0的巴士界獨家料應該呢度唔會無人睇的．

不過呢度唔理人灌水，貼0的借人相的官方相成日犯埋0的低級錯誤又係
令人反感的．比人0係B2貼巴士相又係反感，通告/文件相都算．不過我
講完官方因怕趕客唔會理人灌水，B2貼巴士相的．．．

其實簡單啲睇，hkitalk喺佢自己個facebook fan page 出 post都多人討論過喺個討論區度就知乜事......而家係手機年代，但個hkitalk搞咁耐都未有官方App或者手機界面，咁啲流量咪漸漸咁流走囉~

其實要睇深入啲，可以睇返整個hkitalk嘅會員年齡層，係咪大部份都升晒去做 30+
如果大家都係30+，咁就自然會各有各忙，興趣嘢自然擺低啲

ps. 可能係時候喺度加返版『巴士迷爸爸討論區』都會有唔少市場~

peterson 發表於 2017-2-10 22:48
其實簡單啲睇，hkitalk喺佢自己個facebook fan page 出 post都多人討論過喺個討論區度就知乜事......而家係 ...

除左呢D原因之外, 現時D巴士款式單調乏味又會唔會係原因之一?
尤其近年全香港D熱狗巴士都消失哂之後, 巴士又真係無左一大特色, 呢個無可否認.

每個年代都有唔同既style

十幾年前未有FB，大家玩Discuz!

FB最大殺食係，佢無自家內容
但係靠用戶貼野分享做到今時今日個勢

正如呢度如果有朝一日無人出聲
相信都係結束既時候

其實呢度都轉型得算快，FB page有過萬人like已經唔錯

唔搞app用FB平台都可以做到有聲有色

如果講討論區計，呢度少極，都係龍頭
B2版雖然大家成日都針峰相對，唔係你唔同意我就我唔同意你
但起碼都係叫做討論，學到唔少野既