熱狗全退後四年, 大白龍在尖碼終極之旅 : 3AD163/165

相信大家都不會忘記2012年5月, 全城都在送別熱狗巴士,
尖碼更是熱狗在九龍區的發源地, 熱狗最後服務當然會有尖碼為集中地之一.....

到四年後, 即舊年的5月7日, 係九龍灣廠12米白板 (大白龍)
最後服務的日子, 當中有兩架有幸在最後服務當日
駕臨尖沙咀碼頭去做載客的尾站........

Part 1: 3AD163 - HS9661 @ 5
首先講3AD163 - HS9661, 佢尾日本身被安排過海,
做大流水線106, 遊走港島至九龍城一單, 但在黃昏, 返到黃大仙過鐘,
站長指示車長轉做5號車, 並在舊機場一帶中載去尖沙咀碼頭,
於是我通知友好在中段上車,
而我就去東九龍走廊橋底等...最終坐上.......

架車新出牌以來, 一路都行中長途線, 網上唔少行家都
指架車表現中上, 雖然只坐到短短數站
(106紅隧返黃大仙 - 以後再貼; 同埋5號去尖碼),
不過架車都未有老態, 把聲都夠氣, 到尖碼就落車影相,
佢之後就去尖東站起載中途客, 回到富山收廠退役......

下段講另一架車, 3AD165 - HS9875.....

3ad164 / 165 車牌車號係連住落, HS9874/9875, 十足孖生兄弟;
同是九廠從一而終, 但掛的路線卻有不同, 表現更是有大對比:
9874 好多人一致讚好,  但本文主角9875 卻好無力,
不明白佢點解可以掛長途.........

事實上9875係由流水線 27號開始, 再過海做 601,
601轉金就掛 269C, 與上文的 HS9661 一起遠征大西北; 轉金後去將軍澳後98D 全冷;
98D CUT 車後都有段長時間行市區線, 先後掛過兩條去尖沙咀經彌敦道的流水線: 7 同埋 3C,
亦都做過慈雲山去觀塘的 3D, 臨終同 HS9874 聚在一起, 一齊上掛42C,
上落老龍 , 去青衣長亨; 9875更服務42C 到尾二日才正式離開長途........

兩架孖寶最後一日服務線號都有 " 1" 字,
分別係 9874 係行路線, 即係 11 號 (容後再分享)
而9875 係做 1 號, 下午開始出車, 重返天星碼頭同埋彌敦道,
服務九個鐘才回到竹園退役.........

講番影相果度, 影完 9661 不久, 9875慢慢駛入尖碼,
我都趁機影佢在落車站同入坑轉彎一刻, 再影佢在站坑,
然後上車享受數站的慢遊, 並在佐敦下車.....

這就是我在去年五月尖碼送別大白龍的分享, 謝點閱!~~~