(麻帆良市時報記者高坂 穂乃果報導)
位處大嶼山東北部嘅愉景灣, 陸路公共交通服務主要依靠巴士,
但係由於作為進出愉景灣交通要道嘅愉景灣隧道,
自通車至今一直實施交通管制, 限制其他車輛, 包括區外嘅所有專利巴士通行,
因此喺愉景灣地區提供陸路公共交通服務嘅機構,
就只有愉景灣巴士。呢間由愉景灣嘅發展商,
香港興業國際所屬嘅愉景灣交通服務有限公司營辦嘅巴士公司,
自成立以來巴士車隊所使用嘅車款, 都係以單層巴士為主,
由早期以日本品牌, 例如五十鈴、三菱Fuso、豐田、日產柴油為主,
到後來引入平治、Dennis、MAN 等歐洲品牌,
而 MAN 出品更係現時愉景灣巴士嘅主力。但係隨住北大嶼山嘅不斷發展,
往返愉景灣區内嘅對外陸路公共交通需求亦愈見殷切,
單層巴士車隊亦未能滿足區内對外陸路公共交通嘅客量需求,
愉景灣巴士向新巴同城巴借用 Enviro500 12米雙層巴士喺愉景灣道路試行成功後,
落實引入雙層巴士加强服務, 並且向 Volvo 車廠訂購 6 架 B9TL 12m 雙層巴士,
亦係愉景灣巴士首度引入嘅雙層巴士車款。
新巴士配用由 Wrightbus 提供嘅 Eclipse Gemini 2 型車身,
並且由馬來西亞嘅 Masdef 完成車身裝嵌工序後再付運到港,
新車外型同機械規格與九巴使用嘅同款巴士如出一轍,
同樣使用 Euro 6 標準嘅 Volvo D9D 228kw Turbo 引擎,
連接 ZF 提供嘅 6AP1403B 6 前速自動波箱,
但係載客量較九巴稍遜, 分别係上層 55 人, 下層 31 人同企位 34 人
(九巴使用嘅版本則為上層 59 人, 下層 31 人同企位 48 人)。
呢 6 架新巴士喺 2015年 6 月 抵港, 佢地被編號為 DBAY208 - 213,
首架巴士喺同年 7 月尾出牌, 並且於同年 8 月 12 日參與新車啟用儀式。
佢地主要行走 DB01R 同 DB03R 等區外路線,
往返愉景灣碼頭與東涌港鐵站同欣澳港鐵站。
今日, 麻帆良市隆重歡迎愉景灣巴士 Volvo B9TL 12m 巴士登場!!
Volvo B9TL 呢款巴士, 喺香港嘅巴士界入面相信大家都已經耳熟能詳啦,
配上 Wrightbus Eclipse Gemini 2 型車身嘅 B9TL 大家亦應該唔會陌生,
皆因九巴已經擁有近 480 架同款巴士喺路上行走,
而且仲喺去年加訂 220 架新車, 令呢款巴士喺九巴車隊嘅數目將達 700 之數,
亦令九巴成為呢款巴士喺香港嘅最大用家! 但係連愉景灣巴士都睇中呢款巴士,
並且引入 6 架服務愉景灣嘅民眾, 數目雖少但係相信已經令唔少人,
包括市長 Super Bus 都感到意料之外啦。
Super Bus 話雖然新巴、城巴以至港鐵都有使用同款巴士,
但係配上愉景灣巴士色彩嘅 Volvo B9TL 巴士, 感覺更加特别,
加上 Volvo 車廠已經開發出全新設計嘅 B8L 12m 三軸巴士底盤,
以取代呢款推出市場有十多年之久嘅 B9TL 12m 巴士底盤,
愉景灣巴士呢六部新巴士亦勢將成為車隊内唯一亦係最後一批 Volvo B9TL 巴士。
講到呢度, Super Bus 已經非常期待一睹 B8L 新巴士嘅全新面目,
不過呢個始終都係後日談, 我地都係返番嚟一睹我地今日嘅主角 --
愉景灣巴士 Volvo B9TL 巴士先啦~
隆重歡迎! 愉景灣巴士 Volvo B9TL 12m 巴士, 見參!!
證書編號 0257, 全球限量 600 架
正式落地!!
Volvo B9TL Euro5 水牌特寫
同九巴 Volvo B9TL 相會
喺現實嘅正常運作環境, 佢地應該冇可能相會,
不過如果喺一啲特别場合, 例如巴士大集會,
佢地或者應該有機會聚一聚嘅~~
唔同廠嘅出品, 到底有幾多分別?
來一個對比先~~
真車
Thanks for reading~ |
