29/5東方日報：九鐵播新聞噪音投訴增

最令人覺我好笑的，是有關公司夠膽死用乘客唔帶收音機聽有關節目……

根據外地經驗，只要有提供有關器材的配套更可以成為一條生意門路。
例如需要有關器材的乘客可到車站租借有關器材，用後交還即成。(點收錢？手續費law)

以九鐵呢個封閉系統黎講，咁做分分鐘可以殺出一條路出黎……

我認為正正係因為咁，九鐵係上週日港台節目中的解釋係不合情理的。(基於沒有主動表露出解決問題的嘗試)
咁你話班PR部門要黎做乜，度橋又唔曉，只係識得作野推諉。點死……

原帖由 500 於 2006-6-1 01:48 發表
最令人覺我好笑的，是有關公司夠膽死用乘客唔帶收音機聽有關節目……

根據外地經驗，只要有提供有關器材的配套更可以成為一條生意門路。
例如需要有關器材的乘客可到車站租借有關器材，用後交還即成。(點收錢 ...

香港有幾多人會肯俾額外手續費去租借丫？
又唔可以話班 PR 廢，
新聞直線都係佢地創出o黎，
外國果套未必o岩香港用，
大家諗o既野唔同

原帖由 KR4210 於 2006-6-1 02:24 發表

香港有幾多人會肯俾額外手續費去租借丫？
又唔可以話班 PR 廢，
新聞直線都係佢地創出o黎，
外國果套未必o岩香港用，
大家諗o既野唔同

即係咁，畫公仔就唔洗劃出腸ge。
我係上文只係提供個idea出黎，點改良呢d點子係佢地的工作。
講唔埋或者可以將我的點子黎個180度，向果「2成」乘客提供隔音耳塞，跟手全車播晒廣告，以便塞住佢地把口。(+還其清靜)
(有關企畫人士好應該將呢d問題拆o岩先攞出黎，做唔到的話佢份糧即係白攞)

新聞果度，九鐵咪同有線嘈吓，要佢俾埋字幕出黎，甚至進行一連串改良。
都總好過宜家得果丁丁咁細個「靜音」位置，以招人口實。

上便有人講得好，鐘意有extra =/= 將果樣野建立係他人不滿之上。
根本係果d公司只顧增收而將乘客應有的寧靜權力強行掉走。
亦因為咁唔多唔少搞到宜家d人講野越來越大聲……(同環境鬥嘈)

咪講笑，係香港坐公交，有mp3/walkmen ge就只好用重型武裝。[入耳式、大耳罩果類高級貨，我宜家出街必帶的]
其他的人就只好自求多福……(講唔埋，商機就係果d「反對」人士入便。識做生意的香港人該轉動腦筋了……)

[ 本帖最後由 500 於 2006-6-1 03:19 編輯 ]

原帖由 500 於 2006-6-1 03:14 發表


即係咁，畫公仔就唔洗劃出腸ge。
我係上文只係提供個idea出黎，點改良呢d點子係佢地的工作。
講唔埋或者可以將我的點子黎個180度，向果「2成」乘客提供隔音耳塞，跟手全車播晒廣告，以便塞住佢地把口。(+還 ...

你估佢地果班人諗唔到呢d idea 咩...
要果兩成人行去借耳塞甚至要租金，
肯定有好多反對聲音出o黎。
一定有人會話點解要佢地行去借耳塞享受寧靜，
而唔係要想聽o既乘客去借耳塞收聽。
如果要收手續費去借耳塞，
又會俾班議員、乘客猛轟藉此「變相加價」
亦可能有線唔肯要乘客去借耳塞收聽，
廣告商會少好多同冇咁多人睇，
廣告/新聞冇聲只得畫面字幕可以話吸引力大减。
又或者九鐵同有線之前簽份協議書可能包含規定o左有幾多靜音車廂，
增多、减少亦要有線同意，
否則可能毀約、損毀九鐵自己的聲譽。
有好多方面o既利益亦都係要諗下，
唔係話一諗到橋就可以實行。
唔想聽o既乘客只有兩成，
係咪要一大班冇所謂、想聽o既乘客去遷就呢少部份o既乘客呢？
最好o既解决方法都係增加靜音車廂，
用番最初構思o既做法-單數或雙數車卡劃為靜音車廂

原帖由 ahbong 於 2006-5-31 23:19 發表


為什麼要乘客是但揀一樣？
為什麼不可以叫想睇新聞的乘客行遠一點
而要叫不想睇新聞的乘客行遠一點？
需知道剝奪乘客不接受資訊的自由本已過份
要求靜音車廂分怖得較平均絕對不是無理要求！

西鐵靜音車 ...

冇錯，你講得o岩，
好認同不能將自己的快樂建築在別人的痛苦身上。
但係而家係得兩成客唔想聽，
係咪要一大班想聽o既乘客行遠d去就呢少部份兩成客呢？
九鐵亦都係依呢個比例去設立靜音車廂，
而靜音車廂亦算係分佈得平均，
西鐵、馬鐵靜音車廂都係列車中間，
東鐵兩卡靜音車廂亦設係中前、中尾位置。
講到尾果班投訴聲浪o既乘客都係想有更多靜音車廂方便佢地，
只要增加靜音車廂就能滿足佢地o既需求。

原帖由 poly43092 於 2006-5-31 02:23 發表
乘客：可享受免費的新聞資訊，令旅途更充實。

我覺得係輸喎.講真好多打工仔一朝日未醒就返工.
又或者放工之後成個人好累.搭車既時候都想靜靜
地休息一下.我真係唔覺得所謂既新聞資訊係班打
工仔想知囉,佢地返屋企夠可以睇新聞或者睇報紙
啦.一程車既時間要黎訓一陣就最好既.以前冇電視
既時候仲可以清靜咁訓下,但依家都訓都訓唔著啦.
咁樣都叫做充實咩??
我相信好多人都覺得呢D所謂既免費資訊其實已經
係一件bads黎架喇.俾我真係唔想搭車既時候有任
何既噪音影響我囉.

基本上任何車,
放工時間都係充斥住疲累既打工仔...
巴士,火車都係..
有邊個唔想趁呢段時間休息一下?

原帖由 shtsang 於 1/6/2006 13:58 發表

我覺得係輸喎.講真好多打工仔一朝日未醒就返工.
又或者放工之後成個人好累.搭車既時候都想靜靜
地休息一下.我真係唔覺得所謂既新聞資訊係班打
工仔想知囉,佢地返屋企夠可以睇新聞或者睇報紙
啦.一程車既時間 ...

凡事兩面睇
我都可以話打工仔們
朝早趕頭趕命出門口返工；
返到屋企累得要即刻爭取時間訓覺
根本唔會有咁好心情慢慢睇新聞，睇報紙
九鐵俾個機會讓這些人搭車時了解該日有過甚麼新聞
幫這些人節省在家睇新聞，睇報紙的時間
咁樣，
訓覺的地點就可以由九鐵車廂改為自己屋企張床
係邊度訓覺舒服 D ?
唔駛講都知
就算幾唔鐘意睇新聞，
都無可能完全唔睇，
不問世事

就算真係要搭火車時訓覺都唔係唔得，
只要一個人極度眼訓，
坐係度，企係度，甚至巴士阿叔在你身邊大聲罵人，
都可以訓得著
小弟都試過無數次在非靜音車廂內訓到爭 D 唔知醒落車
訓唔著就可能代表唔係太累，
這樣可以合上眼小休，都能夠達到休息的目的

原帖由 TP人 於 2006-6-1 17:12 發表
凡事兩面睇
我都可以話打工仔們
朝早趕頭趕命出門口返工；
返到屋企累得要即刻爭取時間訓覺
根本唔會有咁好心情慢慢睇新聞，睇報紙
九鐵俾個機會讓這些人搭車時了解該日有過甚麼新聞
幫這些人節省在家睇 ...

我自己試過幾次,一早搭東鐵返工.個死人電視
嘈到我火都黎埋當時係個部電視晌度嘈
嘈閉.我好記得當日段新聞仲要係有人大嗌,真
係乜野人都俾佢嘈醒囉....
根本有人想接收資訊既,可以有好多渠道接收.
但唔好晌我地唔願意既情況之下逼我地接收囉.
我俾得錢既,唔係想得到呢D服務.好似地鐵咁唔
發聲咪幾好囉.
我識更加多既人唔好似我咁,一訓可以晌乜野環
境之下都可以唔醒架,而係只有少少聲音都訓唔
著.當然我唔係要求車箱要靜到可以俾人訓覺.
而且冇電視一樣會有人嘈啦(尤其係夜晚)不過有
埋電視真係'增添煩亂'囉.明嗎?有時想小休一陣,
少左電視聲就好好多架喇.

原帖由 238X 於 2006-5-31 01:27 發表


唔好再賴部車喇...
果日有無新聞係由天去決定，係無新聞既話
就會自動重覆架喇。

但無論當日有無大新聞 , 有線新聞台亦係 30 分鐘重播一次 ,
咁即係無論如何 , 總有 30 分鐘的片段比九鐵播 .

假設財經 / 體育全部 Cut 走 , 亦餘下約 20 分鐘新聞片段,
以 60 % 新聞 / 40% 廣告 計算 , 點計都應該 30 分鐘左右先會重覆 .

睇黎係部車的問題多於關個天事 ,
你贊成嗎 ?