244P 青衣機鐵站 - 青衣村 (循環線, 只限平日繁忙時間服務) (31/5 修訂行車方向)

（31/5 修訂：修訂此線行車方向，是因為巴士站位置問題，將行車方向倒轉，巴士站位置便會更方便偉景花園居民及青怡花園居民使用）

類似路線曾經在規劃青衣機鐵站的接駁交通時出現過，但無奈最終沒有實行。

現時，青衣村／青怡花園／偉景花園／大王下村居民來往青衣機鐵站基本上只可步行，日曬雨淋，小巴服務又太不濟（不是非常疏車-88A/E就是爆滿-409），根本不能滿足需要。故此，建議開辦此線來往青衣村及青衣機鐵站。

路線：青衣機鐵站開出->青敬路北行->担杆山交匯處->楓樹窩路南行->青葉街->青綠街->青敬路北行->青衣機鐵站
停站：青衣機鐵站->楓樹窩體育館（南行站）->青衣村宜偉樓->青衣村街市->青衣市區診所->盈翠半島->青衣機鐵站
收費：3.2（其實非常貴，但無奈 248M/249M 也是收這個價錢，被迫看齊）
班次：約3-5分鐘一班（如開單層車）
時間：平日 0700-0900及1730-2000，假日停開

（1/6 補充：此線與 248M/249M 享有相同轉乘優惠。）

此線最好以單層車行走，因路線短，開雙層車可能會造成上層無客，下層客滿現象，亦方便以較密班次提供服務。

考慮此線時，班次是一個重要因素，因從青衣村／大王下村步行來往機鐵站約需10-15分鐘，故此如果客量不足，要多於8分鐘一班的話就寧可不開。

作為鐵路接駁線，最好做到一村／苑一站（某些情況甚至需要多於一站），否則將會缺乏吸引力。當初因為忽略了偉景花園，故此才會有最初順時針的行車方向建議。因青綠街地理環境問題，順時針行車方向青綠街只設有一個中途站（即青衣村，沒有宜偉樓及診所兩站），反而逆時針行車方向青綠街有三個中途站，更能貼近各屋村／苑，而此線的開設正是主要服務青綠街各屋村／苑。

[ 本帖最後由 leeyc0 於 2006-6-1 17:46 編輯 ]

呢條咪即係以前所講既247M！
以前都係想同248M同249M一齊開架
但結果話驚佢唔夠客
咪俾左88A做囉
後來又開埋條88E
不過...等佢加埋搭佢既時間
保證行路已經到左

係要搭車返過去青衣村既
搭409算啦...

個人覺得呢條線返青衣村方向
都尚且有得做
(唔計88系
呢條線唔落宏福小巴站
同唔響出面迴旋處掉頭
佢都可能快過409「少少」
不過真係「少少」)
去青機方向就只有朝早繁時先有得做
其餘時間一定唔夠409黎

就是因為有409，才建議只限繁忙時間服務。409根本不足疏導繁忙時間青衣村來往機鐵站人潮。

原來呢條就是 247M…等我開頭仲話類似路線添，原來根本就係呢條。不過當初規劃個時247M都好似都係繁忙時間路線

[ 本帖最後由 leeyc0 於 2006-5-30 23:18 編輯 ]

原帖由 leeyc0 於 2006-5-30 23:15 發表
就是因為有409，才建議只限繁忙時間服務。409根本不足疏導繁忙時間青衣村來往機鐵站人潮。

原來呢條就是 247M…等我開頭仲話類似路線添，原來根本就係呢條。不過當初規劃個時247M都好似都係繁忙時間路線

係呀
呢條線只係繁忙時間服務既路線黎架
不過我就唔sure
條線係行你所建議既方向
定係行相反方向
即係先由楓樹窩路去青綠街
然後至由青敬路去青機

考慮行車方向時，以我建議的方向較能保障乘客安全。

因為以我建議的行車方向，青衣村居民便不須過馬路。因為許多青衣村居民如須使用對面巴士站都不會使用安全島，那兒又是彎尾，司機不容易觀察有否行人，行人又不易觀察有沒有來車，如有大量乘客都如此過馬路將會構成潛在危險。

唯此方案有一個缺點，就是無法在青衣市區診所設站。此線其實應該在青衣市區診所設一站，以方便青怡花園居民。如能在青衣街市近診所加設巴士彎則可建議該處加設一站。如無法解決此問題但必須於青衣市區診所設站，將行車方向調轉亦無不可。

[ 本帖最後由 leeyc0 於 2006-5-31 13:44 編輯 ]

原帖由 leeyc0 於 2006-5-30 23:58 發表
唯此方案有一個缺點，就是無法在青衣市區診所設站。此線應該其實應該在青衣市區診所設一站，以方便青怡花園居民。如能在青衣街市近診所加設巴士彎則可建議該處加設一站。如無法解決此問題但必須於青衣市區診所設站，將行車方向調轉亦無不可

其實只要響宏福對開249M果個站設站
已經可以解決問題
呢個站同青衣街市同診所
只係一馬路之隔

其實我有考慮過這個問題，那兒設站似乎是方便宏福花園居民多於青怡花園居民。如果在宏福設站，青怡花園居民倒不如去青衣村乘車好了。

況且已有249M服務，244P根本不必埋此站，而且244P如果真的埋宏福站，巴士離站後便要立即切入右線轉右入青綠街，似乎不太好。

[ 本帖最後由 leeyc0 於 2006-5-31 13:59 編輯 ]

原帖由 leeyc0 於 2006-5-31 13:52 發表
其實我有考慮過這個問題，那兒設站似乎是方便宏福花園居民多於青怡花園居民。如果在宏福設站，青怡花園居民倒不如去青衣村乘車好了。

況且已有249M服務，244P根本不必埋此站，而且244P如果真的埋宏福站，巴士離 ...

初初我誤會左你係話落客去青衣診所/街市添...

其實叫青怡客去青衣村站搭
都要睇下係第幾座囉
近青衣村果邊就冇乜所謂既
遠果幾座就可能行出青敬路搭249M會仲方便

而家已經調轉左行車路線，問題應該解決。

諗真 D，原來而家個逆時針的行車方向巴士站分佈會更合理。當初諗漏左偉景，後來至發現原本的方案偉景居民會兩頭唔到岸……

[ 本帖最後由 leeyc0 於 2006-6-1 14:25 編輯 ]

原帖由 leeyc0 於 2006-6-1 14:16 發表
而家已經調轉左行車路線，問題應該解決。

諗真 D，原來而家個逆時針的行車方向巴士站分佈會更合理。當初諗漏左偉景，後來至發現原本的方案偉景居民會兩頭唔到岸……

但係偉景果邊既居民
好似都係選擇行過去青機居多