係唔止一個講唔可行, 我以前都覺得26M+29M唔可行, 但係板友
從來只會提對建議嘅意見, 得與唔得, 原因何在, 有意見冇問題,
但請唔好label我, 以26M+29M為例, 班次相差遠, 唔夠車, 唔可同
時保留23同23M, 有理據, 我接受, 至於其他內容, 我衷心建議多餘
嘅形容詞貼文前唔該吞返落肚, 集中返係提議上, 我唔覺得話人低
level係講道理, 如果有人話你「係咪低能架, 想重組成個觀塘區內
線, 咁多小區諗都諗到好難過到, 正冇腦」又係叫講道理咩? 我唔
覺係, 大家立場唔同, 我尊重不同立場, 但唔同意因為立場而要胡
亂標籤他人, 你可以話我考慮唔夠全面, 但唔係低level, 唔夠班,
你憑咩呀? 你唔係admin, 亦唔係判官, 定你本身性格就係咁, 判官
型, 一經標籤, 不斷針對, 唔知閣下出身未, 我班員工就算出錯, 我出
糧都未可罵佢地「低level, 荒謬」定你畀人罵慣, 習以為常? 話人發
爛渣前, 唔該檢討下點解, 26M+29M你覺得開玩笑搗亂, 你可以報告,
而唔係由你去判, 識唔識規矩, 不如你試下所有唔啱你口味嘅建議都
加句低level, 睇下會點! 你放心, 如果你冇標籤人, 又真係有人話你超低
能,我見到嘅話, 絕對會幫手報告
我只提出方案畀大家一齊討論, 死唔死保23同23M, 我真係冇立場, 即係
咁, 有一日你老闆同你講, 你入職早人工高, 公司錢就係得咁多, 要減你人
工, 因為要加畀佢地, 佢地都要養家, 如果唔肯, 就係自私, 唔理其他有需要
嘅同事, 佢地同意晒, 唔好阻住同事改善生活, 或者你會覺得好合理, 但
現況就係咁, 如果九巴個建議話23M會加班, 繁時 8-10, 非繁 12-15 再加
免費轉乘任何去觀碼路線, 我會覺得冇問題, 不過好明顯九巴目的慳車比
改善排先, 係佢立場來講, 我覺得正常, 但我都可以有我立場掛, 唔駛判我
阻住地球轉下嘩? 我都可以要求佢改善個建議呀? 你唔係唔明白上馬後再
改仲難呀? 或者如果你唔係要針對我或者某議員, 而係針對九巴, 可能你
會標籤九巴唔肯改善服務正奸商
至於有關某議員班馬行為, 政治從來都係咁, 污糟邋遢, 有幾大驚小怪, 定見
得辦公室政治少? 所以一廂情願全世界都好小學雞好正直唔會出矛招? 就
算不恥去用都要學識去防, 接觸過世界各地各式各樣嘅人, 連有朋友嘅朋友
被消失於世界都聽過, 班馬呢尐咁原始招數都睇唔過眼, 見識見聞越多, 只
會每日更多更多睇唔過眼事件, 你吞得幾多? 而且冇人知係邊個提出咁做,
佢可能只係一隻做執行者嘅棋, 甚至議會入面成個建制都係棋, Who knows?
同時你估泛民從來冇用過任何招數來阻止佢地唔like嘅議程? 根本兩邊都一
Q樣, 政治從來都係咁玩, 全世界如是
|
